Genablöndun manna, hesta og kinda = ?

Otto Jespersen, heldur því fram að að Íslendingar séu afsprengi genablöndunar  sauðfjár, hesta og manna. Þar sé komin skýringin á því hvers vegna Íslendingar hafi komið sér í þetta ótrúlega skuldafen. Fyrir stuttu sagði frægur bandarískur hagfræðingur að ólíklegt væri að fólk sem valið væri með slembiúrtaki úr símaskrá gæti klúðrað fjármálum þjóðarinnar jafn illa og stjórnvöld.  Líklega hefur hann ekki vitað að þjóðin er afsprengi genasplæsingar úr sauðfé, hestum og mönnum.

Norðmenn draga Íslendinga sundur og saman í háði

Athugasemdir

[Árni Gunnarsson, 24.10.2008 kl. 12:53]

Ég hef ekkert við það að athuga þó við fáum þá útreið í umræðu erlendra þjóða sem við eigum skilið. En ég mun bregðast hart við þeirri ósanngirni að blanda blessuðum húsdýrunum inn í þá umræðu. Þau hafa bjargað þessari þjóð frá tortímingu af völdum misviturra ráðamanna gegn um allar aldir.

Þegar við fórum að tala niður til sauðkindarinnar óx vegur lærdómsmanna í réttu hlutfalli og við völdum pólitíkusa til átrúnaðar en hættum að éta súrt slátur og hrútspunga; afleiðingarnar blasa nú við.

Sauðdrukknir örvaroddsognúmarímnakveðskaparsnillíngar hörfuðu fyrir hlutabréfaviðskiptalofsöngvum og nú á þjóðin ekki fyrir kolum til að svíða við rolluhausa.

Úrkynjun!

[Margrét (IP-tala skráð) 25.10.2008 kl. 01:22]

Árni: Guði sé lof að örvaroddsognúmarímnakveðskaparsnillíngum hefur verið útrýmt og hámenntað fólk tekið við...án þeirra hefðum við aldrei skriðið úr torfkofunum, ef þeirra hefði ekki notið við værum við ekki sjálfstætt fólk...heldur sjálfdautt...

[Margrét Björk Magnúsdóttir, 25.10.2008 kl. 12:24]

Árni: Guði sé lof að örvaroddsognúmarímnakveðskaparsnillíngum hefur verið útrýmt og hámenntað fólk tekið við...án þeirra hefðum við aldrei skriðið úr torfkofunum, ef þeirra hefði ekki notið við værum við ekki sjálfstætt fólk...heldur sjálfdautt...