Friða mink í hænsnabúi?

Það er ekki annað hægt en að vera sammála ungum sjálfstæðismönnum á Snæfellsnesi um að rétt sé að auka aflaheimildir og að halda áfram að veiða hval til að fiskistofnarnir geti dafnað. En það ætti að taka skötusel úr kvóta því maður friðar ekki mink í hænsnabúi. 

Vilja auka aflaheimildir

"Gjafir eru yður gefnar" (ábending um furðulega bloggfærslu)

Séra Baldur Kristjánsson fer með himinskautum og skrifar lofgjörð um Evrópusambandið á blogginu :

Takið hinni postullegu kveðju hér

Íslandi dembt skilyrðislaust í ESB

Samkvæmt frétt Morgunblaðsins stefnir Össur með hraði inn í Evrópusambandið og nú eftir að Steingrímur sagði hið augljósa að Þjóðin hefði ekki áhuga á sambandinu er augljóst að Samfylkingin ætlar að skipta um samstarfsaðila í ríkisstjórn. Þetta er augljóst þegar skoðað er hverjir skipa samninganefnd Íslands. Þar eru á áberandi ESB sinnar úr Sjálfstæðisflokknum, sem ekki eru líklegir til að setja nein skilyrði fyrir hönd Íslands.

Á methraða inn í ESB?

Íslendingar átta sig

Ég hef eytt talsverðum tíma í að kynna mér þessi mál og er sannfærður um að  ESB aðild hentar ekki ríkjum sem eiga fiskveiðiauðlind og þaðan af síður löndum sem vilja flytja út fisk til landa utan ESB.   Við þekkjum hvernig skriffinnskuapparatið  er búið að rústa fiskveiðar Skota og Íra  og með inngöngu myndu tollar sjávarafurða til Kína, Kóreu og annarra landa utan ESB skrúfast upp í 40-60%.

Þeir sem átta sig ekki á hagsmunum Íslands og vilja inn nefna Evruna  en það væri dýru verði keypt að fórna strax hagsmunum Íslands fyrir að geta kannski tekið upp Evru eftir 30 ár. 

 

29% vilja ganga í ESB

Vextirnir af Æsseif 70 milljarðar nú þegar

Nú höfum við haft jákvæðan viðskiptajöfnuð (keypt minna en við seljum) í 14 mánuði þökk sé krónunni.  Það dugar þó skammt, því ef Alþingi samþykkir Æsseif eins og það liggur fyrir þá eru bara vextirnir orðnir 70 milljarðar nú þegar. Þó við myndum stöðva bílainnflutning næstu 20 árin þá dugar það engan veginn til að halda í við vextina. Þökk sé nefndinni sem Steingrímur skipaði sem samþykkti af rausnarskap 5,5% vexti sem Bretar kröfðust en þeir taka sjálfir lán á innan við 3% vöxtum þannig að þetta er stórgróði fyrir þa´ef Íslendingar geta þá nokkurn tíma  borgað. Bretar treystu því ekki betur en svo að þeir plötuðu samninganefndina til að skrifa undir að "íslenska ríkið afsalaði sér rétti til að óska þegnum sínum griða ævarandi og óafturkallanlega".  Svavar sagðist ekki hafa nennt að hanga yfir þessu og fékk mikið lof frá Steingrími fyrir skörungsskap. 

 Hver á að fá skussaverðlaun fyrir Icesave samninginn?

Mér þætti ekki ósanngjarnt þó nokkrir deildu þessu með sér. 

Hvað finnst ykkur?

 

 

Áfram afgangur á vöruskiptum

Gegnheill stjórnmálamaður sem þorir!

Lilja Mósesdóttir hefur sýnt það með störfum sínum og málflutningi að hún er ábyrgur stjórnmálamaður sem þorir að taka storminn í fangið þegar á þess er þörf.  Það  er meiri mannsbragur á  að takast á við tímabundna erfiðleika en að ógna sjálfstæði þjóðarinnar með því að leggja þyngri klyfjar á börn okkar og barnabörn en þau fá risið undir.

Ég veit að þjóðin styður Lilju í þessu máli. 

Getur ekki samþykkt Icesave

Guð blessi Ísland

Ég hlakka til að horfa á Útsvar í kvöld. Guð blessi Ísland.

Átti að vera vinaleg kveðja

Villifé hrakið fram af björgum

Í samræmi við búfjárlög hefur verið reynt að eyða villifénu við Tálkna sem margir vilja meina að sé það eina sem eftir er af landnámssauðfénu. Því sem ekki hefur tekist að smala hefur verið skotið úr þyrlu eða hreinlega rekið fram af klettum í opinn dauðann.

Afsökunin fyrir þessari undarlegu hegðun er sú að sauðféð geti dáið úr hungri. 

Villifénu slátrað á Sauðárkróki

Íslenskir útgerðarmenn við dauðans dyr. Færeyskir brosa breitt

Fyrir um 10 árum voru Færeyingar í djúpri kreppu sem kom fram í verðlausum og óseljanlegum eignum, atvinnuleysi og landflótta, Þetta leiddi til bankahruns enda bjuggu þeir við skuldsett kvótakerfi og þjóðin var að sligast undan erlendum skuldum. Alþjóða hafrannsóknarráðið sagði þeim að draga úr afla en þeir óskuðu jafnframt eftir að  fá íslenskan fiskifræðing Jón Kristjánsson til ráðgjafar.

 

 Jón Bjarnason, góður maður en brestur kjark

Vandinn var svo mikill að það var ekki tími til að skipa nefnd svo þeir fóru að ráðum Jóns og afnámu kvótakerfið og þar með brottkastinu á einni nóttu. Í dag dettur engum að hverfa aftur til  kvótakerfisins enda er sjávarútvegurinn nær skuldlaus og gengur vel. Færeyingar eru aflögufærir og lána Íslendingum vaxta- og skilyrðalaust enda eru þeir þakklátir Íslendingum fyrir að hafa vísað sér veginn út úr kvótakerfinu og losað sig við skuldirnar og brottkast, Í Færeyjum þrífast ekki fiskbúðir því fólk fær að hirða hluta af því sem annars hefði þurft að fleyja.

Hér grætur útgerðaraðallinn og þykist vera að deyja úr hræðsluhrolli yfir tilhugsuninni einni saman að 5% aflaheimildanna verði kallaðar inn ár hvert. Ástæðan er sú að ríkisstjórnarflokkarnir þurftu, til að ná kosningu, að lofa almenningi að strax yrði farið í þessa innköllun. Ríkisstjórnin hefur ekkert gert með bindandi úrskurð Mannréttindanefndar Sameinuðu þjóðanna. En setti þó á laggirnar nefnd skipaða stuðningsmönnum núverandi kerfis. Jón Bjarnason brestur kjark og því þarf hann að skýla sér á bak við úrskurð þeirrar nefndar. Af tvennu illu kýs ríkisstjórnin frekar að taka erlend lán en að afnema brottkast.

 

Segir innköllun aflaheimilda þýða fjöldagjaldþrot

Dr. Gunnar Tómasson varar alþingismenn við að skuldsetja Ísland meir

27.10.2009 | 21:25

Bréf frá Gunnari Tómassyni um núverandi gjaldþrot Íslands.

Ágætu bloggvinir, fékk sendan tölvupóst sem Gunnar Tómasson hagfræðingur sendi upp á Íslands strendur. Gunnar hefur verið mjög gagnrýninn á að stjórnvöld hafa þverskallast við að horfast í augu við vandann og hagað sér að hætti okkar 2007.

Í þessu bréfi tjáir einn virtasti hagfræðingur Bandaríkjanna sig um stöðu Íslands. Hann segir blákalt að við séum gjaldþrota. Þrátt fyrir að allar helstu fréttastofur landsins hafi fengið bréfið frá Gunnari s.l nótt sjá þau enga ástæðu til að fræða okkur almenning um það. Þetta kallast þöggun og stríðir gegn upplýstri umræðu sem er almenningi nauðsynleg. Hverjum gagnast þessi þöggun?

Hér er bréf Gunnars;

 

Ágætu alþingismenn.
Í fyrradag spurði ég James Galbraith, einn virtasta hagfræðing Bandaríkjanna, um álit hans á því mati AGS (sjá IMF Survey 21. október sl.) að erlend skuldsetning Íslands að jafngildi 310% af vergri landsframleiðslu væri þjóðarbúinu ekki ofviða.
Galbraith svaraði um hæl (í minni þýðingu; enskur texti að neðan):
„Það segir sig sjálft: það er fáránlegt að ímynda sér að Ísland eða eitthvað annað land geti tekið á sig gjaldeyrisskuldir sem jafngilda 300 eða 400 prósent af vergri landsframleiðslu (VLF) og forðast greiðsluþrot. Ef skuldir væru 400 prósent og vextir aðeins þrjú prósent þyrfti afgangur á viðskiptajöfnuði og hliðstæður samdráttur innlendrar neyzlu að vera 12 prósent af VLF án nokkurrar greiðslu af höfuðstól. En auðvitað myndi enginn vilja eiga lágvaxta íslenzk skuldabréf vegna áhættunnar á vanskilum.

Ef stjórnvöld reyndu að axla slíka skuldabyrði myndu vinnufærir einstaklingar flytja af landi brott.  Útkoman yrði lýðfræðileg eyðilegging Íslands að viðbættu greiðsluþroti.  Staðan er því ekki síður alvarleg en sú sem kom upp vegna stríðsskaðabóta í Versalasamningnum eða Morgenthau áætluninni fyrir Þýzkaland 1945.  Samningurinn leiddi til óðaverðbólgu en áætlunin var ekki lögð til hliðar fyrr en ljóst varð að hún myndi leiða til brottflutnings eða útrýmingar mikils hluta þjóðarinnar sem lifði af stríðið.

Eins er það augljós skrípaleikur að leggja slíka skuldabyrði á litla þjóð, fyrst með svikum og síðan með hótunum.

Eins og málum er háttað er það siðferðileg skylda Íslands gagnvart alþjóðasamfélaginu að sækja svikahrappana til saka eftir því sem landslög leyfa.  Hitt er fyrir stjórnvöld erlendra ríkja, sem brugðust skyldum sínum við bankaeftirlit, að ákveða hvernig deila skuli tapinu sem af því hlaust milli reikningshafa og skattborgara sinna.

Þér er heimilt að koma þessum skoðunum mínum á framfæri við aðra.”
Virðingarfyllst,
Gunnar Tómasson, hagfræðingurDr.

Íslandslán rædd á Norðurlandaráðsþingi