Sjófuglar og ýsa

Ýsan lifir m.a. á hrognum sandsíla þannig að ef eitthvað er til í þessu gæti hrygning sandsíla gengið vel og þorskur og fuglar þyrftu ekki að svelta.

Guð láti gott á vita

Staða ýsustofnsins slök

Pottabyltingin étur börn barna sinna

Það er aumlegt hlutskipti þeirra umskiptinga sem potta- og pönnubyltingin fleytti á þing og nú ganga erinda gömlu nýlenduveldanna með því samþykka AGS/ICESAVE/ESB pakkann. Reikningurinn verður sendur ungum og ófæddum Íslendingum. Afborgunarskilmálarnir eru valfrjálsir:  Fátækt eða landflótti.

Icesave afgreitt út úr nefnd

Vinnueftirlið skoði undarlega stóla alþingis

Það hefur verið hrífandi að lesa og hlýða á kraftmikla og innihaldsríka pistla öflugra fótgönguliða í VG á borð við Einar Má Guðmundsson, sem hafa ýtt við þjóðinni. Það er því dapurlegt að fylgjast með því hvað sumir liðsmenn Vinstri grænna á þingi ætla að vera léttir í taumi Samfylkingarinnar í ICESAVE/ASG/ESB herleiðingu þjóðarinnar.    Vinnueftirlitið þarf að skoða hvort stólar Alþingis eyðileggi bakið á einstaka þingmönnum. Hjá sumum fer hryggjarsúlan að gefa sig við tilhugsunina eina saman. Þetta er varla eðlilegt?                               

Kýs líklega með Icesave

Ásmundi Daðasyni óskað heilla.

Heimssýn, félagsskapur sem vill setja hagsmuni Íslands í öndvegi hefur aldrei haft brýnna erindi við íslenska þjóð en einmitt núna þegar óþjóðholl og spillt öfl hafa látið greipar sópa. Á þjóðþinginu og jafnvel í ríkisstjórn er fólk sem hefur þá framtíðarsýn að afsala sjálfstæðinu, auðlindunum og gera niðja sína að skuldsettum indíánum í eigin landi. 

  Ég komst því miður ekki á aðalfund Heimssýnar þar sem ég hafði löngu ákveðið að vera á 60 ára afmælishátíð Náttúrulækningafélags Reykjavíkur sem haldið var við fjölmenni í Hveragerði í dag. Þar eins og allstaðar þar sem fólk kemur saman eru framtíðarmál þjóðarinnar rædd. Og þegar það spurðist að Ásmundur hefði verið kjörinn formaður Heimsýnar var gerður að því góður rómur af þeim sem til hans þekktu.

Ragnar Arnalds hefur skilað frábæru starfi sem formaður Heimsýnar og skilar nú keflinu í hendur ungs hugsjónamanns.

Ég óska Heimssýn til hamingju og Ásmundi Einari Daðasyni velfarnaði og gæfu.

Ásmundur Einar nýr formaður Heimssýnar

Nýtt bréf Gunnars Tómassonar til alþingismanna

Á bloggsíðu Sigurbjörns Svavarssonar er birt nýtt bréf Gunnars Tómassonar til Alþingis.

Þar eru forsendur Icesave skýrðar og viðbrögð stjórnvalda breskra og íslenskra rakin.

Augljóst er að Bretar og forysta Evrópusambandsins gerir allt aðrar kröfur til tryggingasjóðsins á Íslandi en sambærilegra sjóða í sínum löndum.

"Vilja nýta VG þar til samningar nást við ESB"

 Náinn samverkamaður Össurar viðurkennir hér að hann é þreyttur á stjórnarsamstarfinu og vilji slíta því á heppilegum tímapunkt: 

"Ekki skilja orð mín svo að ég sé hættur að styðja þetta stjórnarsamstarf. En þetta samstöðuleysi þingmanna er farið að pirra mig. Tel að þetta sé besta fyrirkomulagið þar til að samningar nást við ESB. Þá þarf aveinið slíta stjórninni. Því að ESB samninginn þarf samhent stjórn að fylgja vel eftir." Segir Magnús Helgi Björgvinsson. sem sér um heimasíðu Össurar"

Ráðherrann virðist vera sammála eða andævir í það minnsta ekki skósveinum sínum sínum

Stjórnarflokkarnir ósamstíga

Grá, hvít, mórauð og svört!

Hlustaði á Þorgerði Katrínu á Útvarpi sögu í gær.
Hver er afstaða Sjálfstæðisflokksins til Icesave?
Hún er ekki einlit heldur í sauðalitunum: Grá, hvít, mórauð og svört.

Minnihlutastjórn gæti forðað Icesave

Það er nokkuð ljóst að Íslendingum er ofviða að borga Icesave, afleiðingarnar yrðu fátækt, landflótti og líklega þjóðargjaldþrot. Samfylkingin mun samt leggja allt í sölurnar til að fá að borga Icesave svo hún komi landinu  í Evrópusambandið. Ásættanleg lausn mun því fyrirsjáanlega ekki fást í þessu deilumáli með Samfylkinguna í stjórn.

Stjórnarkreppa er ekki kostur í stöðunni og myndun nýrrar meirihlutastjórnar er erfið og jafnvel vonlaus eftir það hrun sem gerst hefur. Sá kostur sem blasir við er minnihlutastjórn. Nú reynir á þjóðhollustu og ábyrgðartilfinningu Alþingis Íslendinga.

Nú ættu formenn flokkana að fara undir feld og hugleiða hvernig hægt sé að feta Ísland út úr þeim vanda sem við blasir.

 

Viðurkenna lífskjararýrnun

Breyting til bóta í sjávarútvegi

Árni Matthísen jók heimildir til að flytja aflamark á milli ára í þeim tilgangi að hækka leiguverð á kvóta. Leiguliðarnir áttu að bæta greifunum niðurskurðinn. Þannig var hann í hlutverki þjónsins sem skar lamb fátæka mannsins. Nú hefur þetta verið fært aftur til betri vegar af Jóni Bjarnasyni sem ætti að þýða aukið framboð og betri kjör leiguliða í sjávarútveJóni Bjarnasyni sgi.

 

Fyrrum sjávarútvegsráðherra lagði áherslu á að slátra lambi fátæka mannsins.

Dregið úr heimildum um flutning aflamarks

Leigupennar Davíðs Oddssonar

Það er ekki ofsögum sagt að Davíð Oddsson er fyrirferðamikill í hugum margra. Frændi minn Haraldur Johannessen geldur þess og hefur verið dæmdur til að vera papparitstjóri í hugum þessa fólks (sbr. pappalöggur). Þannig að ef eitthvað birtist í ritstjórnargreinum er aldrei spurning um að það var skrifað af Davíð. Ég er búinn að vera nokkurn tíma á Moggablogginu vegna þess að umhverfi þess er vel hannað og aðgengilegt.  Eftir ritstjóraskiptin hafa sumir andstæðingar hans hætt.  Steininn tekur úr þegar menn eru farnir að halda því fram að við sem alltaf höfum verið gagnrýnir á Evrópusambandsaðild Íslands án þess að þekkja nokkuð til Davíðs Oddssonar séum handbendli hans.