Hvað ef Graham biður fyrir Obama?

Ég skal segja ykkur það ein aðalfréttin í USA er að það hafi hlaupið á snærið hjá  Romney að fá öldunginn Billy Graham til að biðja fyrir sér og þetta muni skipta sköpum. En hvað ef Obama fær Billy til að biðja fyrir sér. Er hann þá ekki búinn að jafna metin? 

Graham biður fyrir Romney

Auglýst eftir atkvæðum fyrir erfðaprins

Nú liggur fyrir að Fjórflokkurinn mun bjóða fram klofið, því einn að ástsælustu erfðaprinsum hans hefur tekið höndum saman við Besta flokkinn. Þetta gums auglýsir nú eftir nafni, stefnu, stuðningsmönnum og frambjóðendum.  Gumsið er samt ekki alveg stefnulaust því það vill allskyns grín t.d. ganga í Evrópusambandið sem þó er ekki beinlínis grín. Grænn hagvöxtur og sjálfbær hagkvæmni er forystumönunum hugleikin en en mestu skiptir þó að kjósendur styðji flokkinn svo  frambjóðendur komist á þing.

Nýtt fólk meldar sig daglega

Framboð til stuðnings fjórflokknum

Fjórflokkurinn hefur lofað að fjarlæga flugvöllinn í Reykjavík og því er Reykjavíkurframboðið í raun til stuðnings fjórflokknum

Fara gegn fjórflokknum

Forseti Landsdóms lítur málið alvarlegum augum

Það er hverjum manni ljóst að alþingi við Austurvöll er vanhæft til að fjalla um hvort Landsdómur á að taka fyrir mál þingmanna og ráðherra, þ.e. þeirra sjálfra.

 

 Forseti Landsdóms: "Mun taka hlutverk mitt alvarlega"

Fjölluðu um rannsóknarskýrslu

Dr. Gunnar Tómasson varar alþingismenn við að skuldsetja Ísland meir

27.10.2009 | 21:25

Bréf frá Gunnari Tómassyni um núverandi gjaldþrot Íslands.

Ágætu bloggvinir, fékk sendan tölvupóst sem Gunnar Tómasson hagfræðingur sendi upp á Íslands strendur. Gunnar hefur verið mjög gagnrýninn á að stjórnvöld hafa þverskallast við að horfast í augu við vandann og hagað sér að hætti okkar 2007.

Í þessu bréfi tjáir einn virtasti hagfræðingur Bandaríkjanna sig um stöðu Íslands. Hann segir blákalt að við séum gjaldþrota. Þrátt fyrir að allar helstu fréttastofur landsins hafi fengið bréfið frá Gunnari s.l nótt sjá þau enga ástæðu til að fræða okkur almenning um það. Þetta kallast þöggun og stríðir gegn upplýstri umræðu sem er almenningi nauðsynleg. Hverjum gagnast þessi þöggun?

Hér er bréf Gunnars;

 

Ágætu alþingismenn.
Í fyrradag spurði ég James Galbraith, einn virtasta hagfræðing Bandaríkjanna, um álit hans á því mati AGS (sjá IMF Survey 21. október sl.) að erlend skuldsetning Íslands að jafngildi 310% af vergri landsframleiðslu væri þjóðarbúinu ekki ofviða.
Galbraith svaraði um hæl (í minni þýðingu; enskur texti að neðan):
„Það segir sig sjálft: það er fáránlegt að ímynda sér að Ísland eða eitthvað annað land geti tekið á sig gjaldeyrisskuldir sem jafngilda 300 eða 400 prósent af vergri landsframleiðslu (VLF) og forðast greiðsluþrot. Ef skuldir væru 400 prósent og vextir aðeins þrjú prósent þyrfti afgangur á viðskiptajöfnuði og hliðstæður samdráttur innlendrar neyzlu að vera 12 prósent af VLF án nokkurrar greiðslu af höfuðstól. En auðvitað myndi enginn vilja eiga lágvaxta íslenzk skuldabréf vegna áhættunnar á vanskilum.

Ef stjórnvöld reyndu að axla slíka skuldabyrði myndu vinnufærir einstaklingar flytja af landi brott.  Útkoman yrði lýðfræðileg eyðilegging Íslands að viðbættu greiðsluþroti.  Staðan er því ekki síður alvarleg en sú sem kom upp vegna stríðsskaðabóta í Versalasamningnum eða Morgenthau áætluninni fyrir Þýzkaland 1945.  Samningurinn leiddi til óðaverðbólgu en áætlunin var ekki lögð til hliðar fyrr en ljóst varð að hún myndi leiða til brottflutnings eða útrýmingar mikils hluta þjóðarinnar sem lifði af stríðið.

Eins er það augljós skrípaleikur að leggja slíka skuldabyrði á litla þjóð, fyrst með svikum og síðan með hótunum.

Eins og málum er háttað er það siðferðileg skylda Íslands gagnvart alþjóðasamfélaginu að sækja svikahrappana til saka eftir því sem landslög leyfa.  Hitt er fyrir stjórnvöld erlendra ríkja, sem brugðust skyldum sínum við bankaeftirlit, að ákveða hvernig deila skuli tapinu sem af því hlaust milli reikningshafa og skattborgara sinna.

Þér er heimilt að koma þessum skoðunum mínum á framfæri við aðra.”
Virðingarfyllst,
Gunnar Tómasson, hagfræðingurDr.

Íslandslán rædd á Norðurlandaráðsþingi

Ég mæli með Jóhannesi

 Ég fór í bíó í gær og sá Jóhannes. Ég man ekki eftir að hafa hlegið jafn mikið

Óborganleg skemmtun!

 Herdís Þorvaldsdóttir fór á kostum

 

Hver er þessi Jóhannes?

Ég fauk í vinnuna. Undur og stórmerki!

Ég gáði til veðurs í morgun og ætlaði að liggja í leti svona einn föstudag í óveðrinu en viti menn:   Það kom allsnörp vindkviða sem feykti mér af stað og  ég fauk alla leið í vinnuna og þar biðu mín verkefni.

Undur og stórmerki!

Snælduvitlaust á Kjalarnesi

Fundarstjórn forseta

 

Fundarstjórn forseta

Sigmundur fer mikinn í Æsseif. Æsifengin myndbönd

 

Hérna er umræðan óstytt: http:   http://www.althingi.is/altext/hlusta.php?raeda=rad20090820T225551&horfa=1

Funda um Icesave um helgina

Grunaður um "einhverskonar" kynlíf

Lögreglan á á Jótlandi hefur rökstuddan grun um að bílstjóri sem lenti utan vegar hafi lagt stund á "einhverskonar kynlíf" (en eller anden form af sex). Hinn athugli lögreglumaður sem rannsakar málið benti á máli sínu til stuðnings að einungis tveir hefðu verið í bílnum þ.e. bílstjóri og farþegi og hafi báðir verið í sitthvoru framsætinu. Þess utan væri farþegi og bílstjóri af gagnstæðu kyni og fyrr um daginn hafði sést til þeirra á bílastæði þar sem þau kysstust. Öll þessi atriði bentu til þess að um "einhverskonar" kynlíf gæti hafa um verið að ræða en þó var ekki hægt að fullyrða að svo sé.

Kynlífið endaði með ósköpum