Hvar fæ ég góða mynd af forsetanum?

Ég hef ákveðið að gerast þjóðlegur og setja upp stóra mynd af forseta Íslands á stofuvegginn heima.

Nú þurfa Íslendingar að standa saman.

Spurning er hvar ég fæ góða mynd?

Endurreisnaráætlun í uppnám

Vilja að Hreyfingin sé meðvirk

Það er dapurlegt að 41 þingmaður skuli styðja kröfu Sivjar Friðleifsdóttur og Steinunnar Valdísar Óskarsdóttur um að Hreyfingin sé meðvirk í að sópa skýrslu rannsóknarnefndar þingsins undir teppið. Hvers vegna er Siv Friðleifsdóttur svona umhugað um algjöra samstöðu og samtryggingu þingmanna að Hreyfingin megi ekki koma gagnrýni sinni á framfæri?

 

Með fullri virðingu fyrir hagsmunum flokkana þá eiga hagsmunir almennings að vega þyngra.

Sérstök þingnefnd verður kosin

Plan B þegar þjóðin fellir Æsseif

Samfylkingin er að átta sig á að þjóðin sem hún bendir á sem sakamann og ætlast til að borgi Æsseif, mun í þjóðaratkvæðagreiðslu fella Ísklafann sem átti að verða aðgöngumiði í ESB.

Og hvað gerist þá skrækja samfylkingabloggararnir? "Hefur þjóðin eitthvað plan b þegar skuldin gjaldfellur á Íslendinga" spyrja þeir. 

Svarið er einfalt: Í fyrsta lagi fellur skuldin ekki á ríkið, nema veitt verði ríkisábyrgð, heldur Tryggingasjóð banka og sparisjóða en í honum eru 19 milljarðar. Sjóðurinn er ekki ríkistryggður og þess vegna fara Bretar fram á ríkisábyrgð.

Þá gætu Bretar og Hollendingar farið í mál við ríkið á þeim forsendum að einhver hafi lofað einhverju. Færustu lögfræðingar hafa sagt að vinningslíkur þeirra séu óverulegar enda liggi sökin á gallaðri reglugerð  hjá Evrópusambandinu.

Fari samt svo ólíklega að Íslendingar myndu tapa slíkum málaferlum yrði niðurstaðan samt alltaf betri en samningurinn sem gerir ráð fyrir að greitt sé í beinhörðum gjaldeyri en ekki krónum. Fyrir liggur að verði Íslendingar að búa við þennan samning þýðir það áratuga fátækt og afsal auðlinda þegar ekki verður hægt að standa við samninginn.

Plan B er réttlát dómsmeðferð fyrir íslenskum dómstólum.  Það vill þjóðin.

Meirihluti vill kjósa um Icesave

Naumur meirihluti skuldbindur kornabörn

Það er greinilegt að flokkarnir eru búnir að koma Æsseif í einhverja þrjósku sín á milli.  Hagsmunir þjóðarinnar verða að víkja vegna þess að flokkarnir vilja hefna sín hver á öðrum.  Fyrir liggur að Bretar og Hollendingar hafa hossast á Íslendingum. Margir telja að Samfylkingin vilji samþykkja hvaða skuldbindingar sem er til þess að þröngva þjóðinni í ESB.  Samfylkingin hótar Vinstri grænum og Vinstri grænir vilja ekki fórna "vinstri stjórn" og eru tilbúnir að "selja ömmu sína" eins og sagt er til að halda völdum. Þá eru bæði Samfylkingin og VG sárir sjálfstæðismönnum fyrir að hafa setið hjá eftir að síðustu samningar voru lagað'ir af þessum flokkum.

Sameiginlega réttlæta ríkisstjórnarflokkarnir þessa afleitu samninga með því að fulltrúar ríkisstjórnar Samfylkingar og Sjálfstæðisflokks skrifuðu einhverja minnismiða í fáti. 

Engu máli virðist skipta að Íslendingar geta að öllum líkindum ekki greitt þessar skuldbindingar og mikil hætta er á að þeir missi sjálfstæði sitt.  Takist að borga þessar skuldbindingar þýðir það í besta falli fátækt og landflótta. Geggjunin er slík að vangaveltur færustu lögspekinga um hvort Æsseif brjóti gegn stjórnarskránni  er ekki einu sinni rædd.

 Þessu máli þarf að skjóta til þjóðarinnar sem ætlað er að borga.

Þingfundur þar til mælendaskrá er tæmd

Hanna Birna í boði Landsbankans

Það er skýlaust brot á vanhæfisreglum stjórnsýslulaga og merki um pólitíska spillingu að Hanna Birna Kristjánsdóttir skuli hafa tekið ákvörðun um staðsetningu Listaháskóla við Laugaveg enda er upplýst að hún þáði peninga frá Landsbankanum. Ef einhver siðvæðing hefur átt sér stað ætti hún líka að ná til Reykjavíkurborgar.  Sennilega er Ólafur F. Magnússon eini borgarfulltrúinn sem skilað gæti siðferðilegu heilbrigðisvottorði ef slík vottorð væru gefin út.

 

Vill að Hanna Birna víki

Skuldsetniga bautasteinn

Hávamál segja okkur að menn lifi í verkum sínum eftir sinn dag hvort sem þau eru til góðs eða ills.

 Mér líst vel á bautastein um hvernig þingmenn greiða atkvæði en ekki endilega skussabautastein.  Hættan er sú að hégómlegir þingmenn vilji komast á svona stein þó það hafi verið fyrir óþurftarverk.

 Nær væri að geta allra og kannski ekki síst þeirra sem greiða atkvæði gegn Ísklafanum.

Vilja minnisvarða um samþykkt Icesave

Yndisleg tónlist & mergjaður texti

Álfar eru líka menn!

 Það er rétt hjá herra Karli Sigurbjörnssyni að álfatrúin fylgir þjóðarsálinni.

Það skiptir engu hvort fólk er sannkristið eða trúir á vættir og Æsi, við erum flest álfatrúar. Ég er sammála biskupnum þegar hann segir eftir ömmu sinni að það þurfi að fara varlega í nánd við steina og hóla þar sem huldufólk býr.

 

Álfar eru líka menn!

 

 

Álfatrú Íslendinga til umræðu

Íslandi dembt skilyrðislaust í ESB

Samkvæmt frétt Morgunblaðsins stefnir Össur með hraði inn í Evrópusambandið og nú eftir að Steingrímur sagði hið augljósa að Þjóðin hefði ekki áhuga á sambandinu er augljóst að Samfylkingin ætlar að skipta um samstarfsaðila í ríkisstjórn. Þetta er augljóst þegar skoðað er hverjir skipa samninganefnd Íslands. Þar eru á áberandi ESB sinnar úr Sjálfstæðisflokknum, sem ekki eru líklegir til að setja nein skilyrði fyrir hönd Íslands.

Á methraða inn í ESB?

Villifé hrakið fram af björgum

Í samræmi við búfjárlög hefur verið reynt að eyða villifénu við Tálkna sem margir vilja meina að sé það eina sem eftir er af landnámssauðfénu. Því sem ekki hefur tekist að smala hefur verið skotið úr þyrlu eða hreinlega rekið fram af klettum í opinn dauðann.

Afsökunin fyrir þessari undarlegu hegðun er sú að sauðféð geti dáið úr hungri. 

Villifénu slátrað á Sauðárkróki