Uppstokkun í ríkisstjórninni fyrirsjánleg.

Öllum er nú ljóst að ef þessi ríkisstjórn á að lifa og duga til einhvers verður að vera uppstokkun í henni. Það hefur komið æ betur í ljós að Jóhanna er orðin öldruð og lúin og veldur ekki því hlutverki að vera forsætisráðherra. Þá veikti það ríkisstjórnina með afgerandi hætti að hæfasta ráðherranum, Ögmundi Jónassyni, var nánast skákað út með því að reyna að hefta sannfæringarfrelsi hans. Ögmundur er sá stjórnarliðinn sem hefur besta jarðtengingu. Augljósasta  svarið er að hann verði gerður að forsætisráðherra og Jóhanna taki við því sem hún er best í og verði félagsmálaráðherra. 

Ögmundur verði aftur ráðherra

Birtu tölvupóstinn Jóhanna

Jóhanna segist hafa sent kratanum Jens Stoltenberg tölvupóst og spurt "hvort hann ætlaði virkilega að lána Íslendingum 2000- milljarða án skilyrða og hann hafi svarað neitandi".-

Er það gert svona með tölvupósti að biðja um 2000 milljarða lán? 

Jóhanna er ekki marktæk, því hún veit að ef Íslendingar ganga ekki að öllum kröfum Breta verður ekki tekið við ESB umsókn og því mun hún gera allt til að koma í veg fyrir að aðrir möguleikar opnist. 

 Jóhanna gaf fordæmi með því að birta bréf seðlabankans til hennar nú ætti hún að birta tölvupóstinn. 

 

En hvernig væri að afla tekna eins og Færeyingar?

Hærra lán ekki í boði

Hver á að sjá um morgunbænirnar?

Eitt mikilvægasta hlutverk sendiráspresta er að leiða morgunbæn í upphafi hvers vinnudags. Þetta telja kunnugir vera best geymda leyndarmálið um lykilinn að velgengni íslenskrar utanríkisþjónustu. Nú hefur verið rætt um að nýta nýjustu tækni til hagræðingar þannig að í sjónvarpsholi sendiráðanna verði komið fyrir fjarfundabúnaði og hver sendiráðsprestur geti leitt bænahald í a.m.k. 5 sendiráðum. 

Prestsembætti í Köben aflagt

Jóhanna ætlar engu breyta í sjávarútvegi!

Jóhanna Sigurðardóttir vísaði til þess í stefnuræðu sinni að fyrir dyrum stæði endurskoðun kvótakerfisins og skipuð hefði verið nefnd til að gera tillögu um breytingar.  Staðreynd málsins er sú að stór hluti nefndarmanna hafa hagsmuni af því að prívatmönnum verði leyft að veðsetja sameign þjóðarinnar. Að hálfu Samfylkingarinnar var Svanfríður Jónasdóttir skipuð í nefndina að tillögu Jóhönnu! Jóhanna Sigurðardóttir æti allt eins fengið Gunnar í Krossinum til að endurskoða Biblíuna.

Það er ómerkilegt af Jóhönnu Sigurðardóttur að gagnrýna kvótakerfið í orði meðan hún styður það á borði

Eiga Íslendingar að fóðra makrílinn fyrir ESB?

Sjórinn við Ísland, bæði fyrir austan og vestan land, er fullur af makríl. Síldin veiktist og loðnan flúði hlýindin en það sem eftir er af henni er étið af makrílnum sem fer um eins og logi um akur. Meðan makríllinn er í íslenskri lögsögu, má enginn veiða hann nema Íslendingar eða með leyfi Íslendinga. Þá háttar svo til að Íslendingar óska eftir að komast að samningaborðinu en fá ekki, því Evrópusambandið vill eiga makrílinn! Þvílík frekja og yfirgangur! Eigum við kannski bara að fóðra makrílinn fyrir þá og reka hann svo út úr lögsögunni? Gríðarleg verðmæti er um að tefla sem gætu bjargað íslensku þjóðinni frá efnahagslegum hörmungum og létt á skuldabyrðinni, þess vegna þarf sjávarútvegsráðherra að bregðast hratt við.

Íslendingar ekki við borðið

Gordon Brown tilætlunarsamur við flokksbróur sinn Össur

Össur Skarphéðinsson er ekki sáttur við formann sinn Gordon Brown í Verkamannaflokknum breska og finnst hann vera of tilætlunarsamur. Össur segir að viðsemjendurnir "yrðu að gera sér grein fyrir því að þeir væru að þvinga ríkisstjórnina til að bera fram lausn sem erfitt verði að fá samþykkta á Alþingi."

Þetta er rétt hjá Össuri Hollendingar og Bretar sem beita ESB og AGS fá ekki liprari viðsemjendur en Samfylkinguna. 

Icesave-deilan skekur stjórnina

Ögmundur Jónasson er hetja!

Ögmundur Jónasson sagði daginn sem hann sagði af sér að hann ætlaði ekki að verða viðskila við samvisku sína. Auðvitað er skarð fyrir skildi að missa besta manninn úr ríkisstjórninni en nú er komið fram að Ögmundur fórnaði vegtyllunni til að gera það sem ríkisstjórnin hefur látið undir höfuð leggjast þ.e. að verja Ísland. Þó Samfylkingin þræti fyrir það er flestum orðið ljóst að EB og AGS eru notuð af Hollendingum og Bretum til að níðast á Íslendingum Í viðtali við BBC fer hann ekki eins og köttur í kring um heitan graut heldur segir beint út að verið sé að fjárkúga Íslendinga. Ögmundur sagði Íslendinga vilji fara með Icesave málið fyrir dóm og fá réttláta málsmeðferð.

Húrra fyrir Ögmundi hann er sannur landvarnarmaður. 

 

Sjá:  http://www.mbl.is/mm/frettir/innlent/2009/10/02/segir_breta_og_hollendinga_fjarkuga_islendinga/

Segir Breta og Hollendinga fjárkúga Íslendinga

Álfheiður sendir Ögmundi tóninn

Álfheiður uppskar ráðherraembætti fyrir foringjahollustu sína við Steingrím og tók það fram á sínum fyrsta degi að hún væri ekki verkkvíðin. Með þessu orðum hjó hún í sama knérunn og foringinn sem ásakaði Ögmund um að gefast upp fyrir  aðsteðjandi vanda í heilbrigðiskerfinu.

Allir sem til þekkja vita að þetta er fullkomlega ómaklegt. Ögmundur sagði af sér vegna þess að landstjórinn hefur sett þrýsting á Steingrím og Jóhönnu sem þau bogna undan, ekki síst vegna EB þráhyggju Samfylkingarinnar. Hann gerði þetta fyrir þingræðið vegna þess að hann er mótfallinn því að komandi kynslóðir verði gerðar að Ísþrælum með því að leggja á þær Ísklafa.

Álfheiður verður ráðherra

Besti ráðherrann hættur

Allir sem þekkja Ögmund Jónasson vita að hann er grandvar hugsjónamaður sem hefur hagsmuni umbjóðenda sinna, þjóðarinnar í fyrirrúmi. Þegar það fór ekki saman að fylgja sannfæringu sinni varðandi Ísklafann og að halda ráðherraembættinu lét hann af ráðherradómi. Ögmundur er maður að meiri en skarð hans verður vandfyllt.

Ögmundur segir af sér

Um hvað er deilt í Borgarahreyfingunni?

Framboð Borgarahreyfingarinnar kom fram við óvenjulegar aðstæður:

 

Stjórnmálaöfl voru flest ekki bara vanhæf heldur spillt. Þrír stjórnmálaflokkar voru ýmist meðvirkir eða beinlínis ábyrgir fyrir hruninu og ljóst var að þeir myndu gera allt til að hindra greiðan framgang hreinsunarstarfsins sem gæti hitt þá sjálfa fyrir. Nauðsyn bar því til að fram kæmi stjórnmálaafl með hreina samvisku.

Góðu heilli varð talsverð uppstokkun á þinginu, þó hún hefði mátt verða meiri. Margir nýir þingmenn hafa staðið sig vel og meðal þeirra fremstu eru þrír þingmenn sem kosnir voru af lista Borgarahreyfingarinnar.

Ég ætla ekki að eyða kröftum mínum í að setja mig inn í þessar deilur, auðvitað hafa menn rétt til að gagnrýna kjörna fulltrúa. Betra væri að slík gagnrýni sé málefnaleg og sanngjörn en á því hefur verið nokkur brestur. En standi stjórn stjórnmálahreyfingar í útistöðum við kjörna fulltrúa sína á opinberum vettvangi er það ekki bara venjulegur óvinafagnaður, heldur heggur sá er hlífa skyldi. Þingmenn eru kjörnir af þjóðinni en ekki þröngum hópi áhugamanna, það er ef til vill kjarni þessa máls.

 

Harma deilur í Borgarahreyfingunni