Börnin ábyrg og mótmæla

Ráðamenn sváfu á verðinum og fengu sér eyrnatappa þegar allar viðvörunarbjöllur hringdu. Þeir eru algerlega rúnir öllu trausti erlendis þó einstaka flokkshestar styðji þá hér innanlands.  Þess vegna myndu þeir gera þjóðinni mikið gagn með því að segja af sér því þeim er ekki boðið uppá neitt nema þrælasamninga. Með hverri vikunni sem líður sökkva þeir þjóðinni dýpra í skuldafen. Nú kemur í ljós að  með svokallaðri þjóðnýtingu kallaði ríkisstjórnin yfir  okkur þvinganir og skuldasúpu en bankarnir verða síðan afhentir erlendum  aðilum. Pólitíkusarnir hugsa í mesta lagi til fjögurra ára í senn en börnin sem erfa skuldirnar vita að þeirra bíða ævilangar skuldir eða að flýja landið sitt.

Áfram íslensk þjóð. Burt með spillingarliðið

Vilja ríkisstjórnina burt

Músliimar hata Satan og grýta hann

Hvers vegna hata múslímar Satan? Satan var engill Guðs, ljósberinn Lúsífer, sat honum á hægri hönd, og hélt á kerti meðan aðrir englar báru vopn. En Lúsífer reyndist svikull og eftir misheppnaða valdabaráttu í Himnaríki fór hann með þriðjung starfsliðsins með sér og stofnaði sitt eigið ríki.  Þess vegna hata múslímar Satan.  Nú flykkjast þeir milljónum saman til Mekka til "að  grýta Satan".  Um er að ræða líkneski af Satan og ár hvert ganga milljónir fram hjá þessu líkneski undir eftirliti tugþúsunda lögregluþjóna auk enn fleiri  gæslumanna til að fylgjast með því að allt fari vel fram þegar milljónir ganga fram hjá líkneski af Satan  til að grýta það, formæla því og jafnvel hrækja í áttina að því þó það sé afgirt og múgurinn komist ekki að. Þrátt fyrir alla gæsluna deyr árlega fjöldi manna í atganginum. Það breytir ekki því að að ári mæta enn fleiri til að grýta og formæla Satan.

Milljónir flykkjast til Mekka

"Sjáið þið ekki veisluna drengir"

Þegar dýralæknirinn Árni M. Mathiesen, , fjármálaráðherra, var aðvaraður af stjórnarandstæðingum á alþingi fyrir að fara óvarlega í þenslunni, sagði hann þessi fleygu orð:

"Sjáið þið ekki veisluna drengir" 

 Árni M. Mathiesen, á nú góða möguleika á að verða útnefndur versti bankamaður í heimi.

 

Árni versti bankamaðurinn?

"Ég hef óbilandi trú á Framsóknarflokknum"

Segir Jón Vigfús Guðjónsson, óþekktur maður, sem býur sig fram til formanns.

Hvað getur hann annað sagt?

Jú hann hefði getað sagt að kosturinn við að vera óþekktur sé sá að hann hefur þá ekki tekið þátt í spillingunni, sem viðgengis hefur innan flokksins. 

Jón Vigfús býður sig fram til formanns

Þorgerður Katrín um Davíð: Starfar í þágu Sjálfstæðisflokksins

Í forystugrein Fréttablaðsins í dag er vakin athygli á ummælum Þorgerðar Katrínar Gunnarsdóttur menntamálaráðherra um Davíð Oddsson seðlabankastjóra, aðspurð um undarlega háttsemi Davíðs sagði hún:  "Ég er þess fullviss að formaður bankastjórnar seðlabankans muni á endanum velja þá leið sem er best fyrir Sjálfstæðisflokkinn" Tilvitnun líkur.  Það er með öðrum orðum skilningur varaformanns Sjálfstæðisflokksins að bankastóri Seðlabankans eigi að vinna að hagsmunum Sjálfstæðisflokksins og setja þá ofar þjóðarhag.  Davíð er sem sagt enn foringi í genginu!

Davíð: Of mikið gert úr ummælum

Endurkoma Davíðs í pólitík

Davíð er háll sem áll og kann að koma fyrir sig orði og það má með sanni segja að hann hafi átt sviðið í morgun. Ríkisstjórnin getur sig hvergi hreyft því Davíð hótar endurkomu í pólitík og það er ekkert sem ríkisstjórnin óttast meir. Þá hefur hann upplýst að hann hafi margvarað ríkisstjórnina við bönkunum en hún hafi ekki hlustað. Að lokum hæðist hann að ríkisstjórninni með því að bera fyrir sig bankaleynd en almenningur var reyndar féflettur í skjóli bankaleyndar af útrásarvíkingunum, sem Davíð varaði við. Davíð hefur nú áttað sig á að kvótakerfið er komið í öngstræti og því hefur verið látið að því liggja að hann telji sig geta átt samleið með Frjálslynda flokknum og jafnvel tekið að sér að leiða hann.

Hermann Ragnarssoner góð fyrirmynd ríkisstjórnarinnar

Hann er góð fyrirmynd hann Hermann Ragnarsson, ráðamönnum þjóðarinnar. Hvernig væri að þeir ráðamenn þjóðarinnar, sem hrintu fólki í þessi vandræði reyndu að bæta fyrir brot sitt með því að taka þátt í starfi Fjölskylduhjálparinnar?

 Hermann Ragnarsson forstjóri Flotmúrs.   Ríkisstjórnin ætti að taka hann sér til fyrirmyndar.

Forstjóri gerist sjálfboðaliði

Traust efnahagsstjórnun?

 

 

ESB-aðild ávísun á atvinnuleysi og launalækkun

Fjármálin mjakast í rétta átt

"Góðærisstjórnin" gaf út Jöklabréf fyrir 850 milljarða. Í síðasta mánuði fluttum við út 2,4 milljörðum meir en við fluttum inn. Þannig saxast á þetta smátt og smátt og ef við höldum áfram svona smeygjum við okkur úr snörunni.  Nú er bara að vona að ríkistjórnin fari ekki að taka ný lán til að festa okkur í meiri lán heldur bori göt á kvótakerfið og leggi það af. Þannig komustum við hjá brottkasti og öflum meiri tekna sem landið þarf á að halda.

Úff! Eiginkonan farin að ræða fyrirhugaðan skilnað

Hvað gera menn, sem halda að hjónabandið sé gott, þegar þeir frétta að konan sé farin að ræða væntanlegan skilnað í saumaklúbbnum? Fjarlægðin gerir fjöllin blá. Ástin er svo merkileg, lífsreyndir menn á miðjum aldri sem hafa fyrir löngu áttað sig á að fleira gerir gagn en sætasta stelpan á ballinu, geta allt í einu orðið rjóðir í kinnum eins og skólastrákar og kysst stúlkuna sína á Þingvöllum, rétt eins og þau séu ástfangin í fyrsta sinn. Hveitibrauðsdagarnir eru æðislegir, flogið í einkaþotu á skrítna staði og allt er svo óraraunverulegt. Samt var þetta bara fjarbúð  daman var svo sjálfstæð  og uppátækjasöm. Fór t.d. til Afganistan til að kynna sér ættflokkadeilur og allt borgað með VISA rað. Svo vildi hún skrá ekki bara sig heldur stórfjölskyldu beggja í fokdýra klúbba t.d.  Öryggisráðsklúbbinn og ESB klúbbinn,  sem fer fram á að klúbbfélagar hafi óheftan aðgang að veiða gullfiska heima í stofu hjá einhverjum ættingjum sem búa hvort sem er úti á landi. Getur einhver bent á hjónabandsráðgjafa?

Myndi jafngilda stjórnarslitum