Endurkoma Davíðs í pólitík

Davíð er háll sem áll og kann að koma fyrir sig orði og það má með sanni segja að hann hafi átt sviðið í morgun. Ríkisstjórnin getur sig hvergi hreyft því Davíð hótar endurkomu í pólitík og það er ekkert sem ríkisstjórnin óttast meir. Þá hefur hann upplýst að hann hafi margvarað ríkisstjórnina við bönkunum en hún hafi ekki hlustað. Að lokum hæðist hann að ríkisstjórninni með því að bera fyrir sig bankaleynd en almenningur var reyndar féflettur í skjóli bankaleyndar af útrásarvíkingunum, sem Davíð varaði við. Davíð hefur nú áttað sig á að kvótakerfið er komið í öngstræti og því hefur verið látið að því liggja að hann telji sig geta átt samleið með Frjálslynda flokknum og jafnvel tekið að sér að leiða hann.

Athugasemdir

[Jóna Kolbrún Garðarsdóttir, 5.12.2008 kl. 01:27]

Dabbi kóngur hefur valdið í sínum höndum