Olli Rehn styrkir samningsstöðu VG í stjórnarmyndunarviðræðunum

Olli Rehn framkvæmdastjóri stækkunarsviðs Evrópusambandsins lýsti því yfir að hann vildi að Ísland gengi í ESB "þar ætti það heima".  En hann endurtók jafnframt að útilokað væri að Íslendingar gætu fengið undanþágu frá sjávarútvegsstefnu ESB. Með þessu hefur hann gert sínum mönnum í ríkisstjórninni Samfylkingunni óleik, því þetta útilokar algjörlega að Framsókn geti stutt aðildarumsókn á þessum forsendum.       Olli styrkti samningsstöðu VG fyrir slysni.

Þarf ekki einhug um umsókn

Fjölmiðlaelítan dásamar nýju fötin keisarans. Vantar vasareiknivél

Steingrímur hafði algerlega rétt fyrir sér.  Í hvert sinn sem Evrópuaðild kemst á dagsrá er "Evrópusérfræðingurinn" Eiríkur Bergmann kallaður til að gefa sitt álit sem felst ávalt  í því að gera lítið úr ókostum Evrópusambandsaðildar.

Þá er Framsókn í raun búin að hafna Evrópusambandsaðild með því að setja skilyrði um  forræði Íslendinga á fiskveiðiauðlindinni. Fjölmiðlamenn vita ekki að ESB mun aldrei samþykkja þetta enda hefur Eiríkur Bergmann ekki sagt þeim frá því. 

Fjölmiðlamenn hafa leyft Samfylkingunni að  komast upp með að svara engu um efnahagsmál en vísa þess í stað á hugmyndir sínar um  aðild að Evrópusambandinu.  Andstæðingar ESB aðildar eru í meirihluta bæði meðal þings og þjóðar.

Eini flokkurinn sem vill sjkja um án skilyrða er Samfylkingin sem hefur 20 þingmenn         Borgarahreyfingin er með óljósar hugmyndir en vill skjóta málinu til kjósenda 4 þingmenn                                           Evrópusinnar samt:                      24 þingmenn

 Andstæðingar Evrópusambandsaðildar eru mun fleiri:

Framsóknarmenn vilja sækja um að uppfylltum skilyrðum um forræði Íslendinga yfir fiskimiðunum, nokkuð sem ESB mun aldrei samþykkja    9  þingmenn

Sjálfst æðismenn telja hag Íslands best borgið utan ESB           16 þingmenn

VG  þelja hag Íslands best borgið utan ESB                             14 þingmenn

Andstæðingar aðildar                                         Samtals       39 þingmenn      

                                            

   

Elítan vill í ESB

Fyndinn kjörseðill

Í kosningunum vann ég fyrir yfirkjörstjón Reykjavík suður við að fara yfir utankjörfundar vafaatkvæði sem úrskurða þurfti gild eða ógil.  Flest urðu atkvæðin ógild vegna smávegilegs  klaufaskapar á formsatriðum sem þarf að fylgja en stundum stungu ógildu seðlarnir virkilega í stúf.

Einn seðill merktur tilteknum flokki voru eftirfarandi skilaboð: Ég kýs ykkur núna í þetta sinn og vona svo að þið getið gert eitthvað fyrir mig í staðin. Lalli Johns

Davíð eyðilagði landsfundinn

Franskir útgeramenn halda með Samfylkingunni

Eftir að bankafroðan fauk í burtu og þjóðin situr eftir með skuldirnar veðum við sem aldrei fyrr að treysta á gömlu undirstöðuatvinnugreinarnar ekki síst fiskveiðiauðlindina. Það tók franska sjómenn tvo mánuði að klára kvótann sem ESB úthlutaði þeim.  Þeir horfa nú vonaraugum til Samfylkingarinnar, að hún nái völdum í hruninu og ringulreiðinni hér. Látum það ekki gerast á kjördag  X-F fyrir auðlindir í almannaeigu.

 

   http://osammala.is

AFP: Íslensk sjómennska í blóma

Fönikíumenn vildu feitar konur

Holdafar kvenna hefur verið viðfangsefni tískumógúla um aldir allt frá tímum Barraséfs til Heiðars snyrtis. Í hinni fornu Fönikíu þóttu konur árennilegri eftir því sem þær voru riðvaxnari, eða svo var sagt og snemma á sjöunda áratugnum komust beinasleggjur í tísku með Tviggí.  Það merkilega við þetta er að það eru oftast hommar sem móta þessar tískusveiflur. Gagnkynhneigðir karlmenn láta sér fátt um finnast og heillast af konum samkvæmt öðrum lögmálum.

Horuð eða falleg?

Mannlegir skildir mútuþega.

Mér hefur lengi þótt Helgi Hjörvar geðugur maður, já líka þingmaður, en nú veldur hann mér sárum vonbrigðum, með því að neita að gefa upp kostunaraðila sína. Það liggur fyrir að það voru útrásarvíkingar og handbendli þeirra í stjórnmálastétt sem knésettu Ísland.  Ég ætla alls ekki að fara að væna Helga Hjörvar um neitt misjafnt en með því að neita að gefa upp styrkveitendur eru menn að búa til lifandi skildi fyrir hina raunverulegu mútuþega. Það getur ekki verið vilji Helga og því ætti hann að endurskoða ákvörðun sína fyrir kosningar.

Neitar að gefa upp

Ósammála - Ég er ósammála þeim sem vilja gefa fiskimiðin

Miðvikudagur, 22. apríl 2009

ESB andstæðingar skráið ykkur á ósammála.is!

Ég vildi athygli allra sem eru ósamála því að Ísland innlimist í ESB og afnemi fiskveiðilögsögu Íslands um leið og tekin er upp fiskveiðilögsaga ESB  á að þeir geta skráð sig hér á ósammála.is! Endilega skráið ykkur og látið alla vita sem eru ekki hlynntur ESB aðild.

 

Ósammála punktur is

VG vill hvalveiðar feigar

Sjávarútvegsráðherra hefur gert samkomulag við Hagfræðistofnun um að leggja þjóðhagslegt mat á hvalveiðum í þeim tilgangi að finna réttlætingu til að draga úr eða stöðva hvalveiðar. Þannig á Hagfræðistofnun að reikna út áhrif á ferðaþjónustu án þess að hafa til þess nokkrar forsendur. En  Hagfræðistofnun er ekki ætlað að rannsaka hagræn áhrif þess að halda vexti hvalastofna í skefjum þó vitað sé að hvalir éta í það minnsta 15 sinnum meira en við veiðum. Þannig er Hagfræðistofnun ætlað að reikna út og meta huglægar forsendur en sleppa þekktum stærðum.

Mat lagt á þjóðhagsleg áhrif hvalveiða

Fyrir hvað borgaði Eykt 5 milljónir til Framsóknarflokksins?

Það vekur athygli að fyrirtæki keppast við að fá fjölmiðla og helst af öllu sjónvarp til að mynda sig í bak og fyrir ef þau gefa nokkra hundraðþúsundkalla til líknarfélaga. En þau reyna að leyna því nánast eins og mannsmorði ef þau "styrkja" einhvern flokk sem er í valdastöðu til að endurgreiða "styrkinn".  Þannig þurfti Framsókn að suða í marga daga í styrkveiðendum sínum til að fá leyfi til að birta nöfn þeirra, enda höfðu fyrirtækin sum hver fjárfest í trausti þess að styrkurinn yrði ekki gefinn upp. Nú hefur það þó verið gert undir miklum þrýstingi og því liggur beint við að spyrja: Fyrir hvað var Eykt að borga 5 milljónir beint í Framsókn?  Þeir sem fylgst hafa með borgarmálum vita að Ólafur F. Magnússon borgarfulltrúi hefur margítrekað gagnrýnt að núverandi meirihluti gerði afar óhagkvæman samning við Eykt um leigu á Höfðatorgi til 25ára upp á 4 milljarða vísitölutryggt. Fyrir utan þessa upphæð til flokksins hefur Óskar Bergson fulltrúi Framsóknarflokksins, viðurkennt að hafa mótekið peninga beint frá Eykt en ekki viljað gefa upp upphæðina. Hvað er upphæðin há Óskar?

Framsókn opnar bókhaldið

Vistmenn á Kvíabryggju snúa baki við Sjálfstæðisflokknum

Sigurjón bróðir minn hefur gert víðreist um Snæfellsnesið, þaðan sem við erum raunar ættaðir, í kosningabaráttunni en hann skipar annað sætið á lista Frjálslyndra í kjördæminu. Sjálfstæðisflokkurinn hefur alltaf átt miklu fylgi að fagna á Snæfellsnesi og eitt sterkasta vígi hans um langa hríð hefur verið á Kvíabryggju. Gleðipinninn Árni Johnsen var þar fyrir skemmstu hrókur alls fagnaðar og naut þar engu minna fylgis en í Vestmannaeyjum. Því hefði fyrirfram mátt búast við að Sigurjón hefði átt við ramman reip að draga en það kom skemmtilega  á óvart að því var ekki þannig varið þvert á móti.  Fangarnir eru þarna af því að þeir brutu reglur samfélagsins en þeir líta  á vist sína sem betrunarvist og eiga það markmið að verða betri menn. Mútuþægni Sjálfstæðisflokksins gagnvart þeim sem ásælast auðlindir þjóðarinnar er þeim ekki aðeins áhyggjuefni heldur stríðir hún gegn lífsgildum fanganna. Eða eins og einn fanginn orðaði það: "Þetta voru mennirnir sem komu okkur á hausinn".                  Fangelsið Kvíabryggja, er mannbætandi.

Segir báða framkvæmdastjóra hafa vitað af styrkjunum