Vistmenn á Kvíabryggju snúa baki við Sjálfstæðisflokknum

Sigurjón bróðir minn hefur gert víðreist um Snæfellsnesið, þaðan sem við erum raunar ættaðir, í kosningabaráttunni en hann skipar annað sætið á lista Frjálslyndra í kjördæminu. Sjálfstæðisflokkurinn hefur alltaf átt miklu fylgi að fagna á Snæfellsnesi og eitt sterkasta vígi hans um langa hríð hefur verið á Kvíabryggju. Gleðipinninn Árni Johnsen var þar fyrir skemmstu hrókur alls fagnaðar og naut þar engu minna fylgis en í Vestmannaeyjum. Því hefði fyrirfram mátt búast við að Sigurjón hefði átt við ramman reip að draga en það kom skemmtilega  á óvart að því var ekki þannig varið þvert á móti.  Fangarnir eru þarna af því að þeir brutu reglur samfélagsins en þeir líta  á vist sína sem betrunarvist og eiga það markmið að verða betri menn. Mútuþægni Sjálfstæðisflokksins gagnvart þeim sem ásælast auðlindir þjóðarinnar er þeim ekki aðeins áhyggjuefni heldur stríðir hún gegn lífsgildum fanganna. Eða eins og einn fanginn orðaði það: "Þetta voru mennirnir sem komu okkur á hausinn".                  Fangelsið Kvíabryggja, er mannbætandi.

Fangelsid_Kviabryggja


mbl.is Segir báða framkvæmdastjóra hafa vitað af styrkjunum
Tilkynna um óviðeigandi tengingu við frétt

« Síðasta færsla | Næsta færsla »

Athugasemdir

1 Smámynd: Jón Valur Jensson

Eins og þú sagðir mér þetta, Sigurður:

Fangarnir eru hneykslaðir á ábyrgðarleysi Sjálfstæðismanna.

Gleðilega páska, ágæti vinur.

Jón Valur Jensson, 12.4.2009 kl. 02:21

2 Smámynd: Guðrún María Óskarsdóttir.

Sæll fyrrum félagi.

Hefur þú verið sammála fjármálastjórnun í þínum eigin flokki frá síðustu kosningum ?

kv.Guðrún María.

Guðrún María Óskarsdóttir., 12.4.2009 kl. 03:06

3 Smámynd: Sigurður Þórðarson

Sæll ágæti vinur Jón Valur, já fangarnir eru hneykslaðir og það er gott til þess að vita að siðferðisvitund þeirra er meiri en forystumanna Sjálfstæðisflokksins. Kæra Guðrún María, engin færð mig aldrei til að kalla þig fyrrum félaga. Í mínum huga ert þú og verður alltaf sannur og góður félagi. Varðandi spurningu þína þá hefði ýmsislegt betur mátt fara og ekki síður hefði margt mátt betur fara í samskiptum við þig.

Þakka ykkur báðum athugasemdirnar og ég vona að þið eigið gleðilega páskahelgi. 

Sigurður Þórðarson, 12.4.2009 kl. 10:09

4 Smámynd: Baldur Hermannsson

Ég held að Vestfirðingar séu endanlega búnir að gefast upp á Guðjóni. Hann kemur engu til leiðar. Hann er bara á þokkalegum launum. Grjóni bróðir skiptir engu máli og hefur aldrei gert. Í fótboltanum kallast þetta að vaða í færum en nýta þau ekki. Manstu eftir Andy Cole? Hann þurfti alltaf 10 dauðafæri til að skora eitt mark. Að lokum var hann seldur.

Vestfirðingar eru búnir að setja Guðjón á sölulista.

Baldur Hermannsson, 12.4.2009 kl. 12:45

5 Smámynd: Sigurður Þórðarson

Sæll Baldur, það er kannski rétt að gamlir leikmenn lýjast með árunum og eru þá stundum gerðir að þjálfurum. Veist þú um einhvern góðan á sölulista?

Sigurður Þórðarson, 12.4.2009 kl. 13:16

6 Smámynd: Ólafur Als

"já fangarnir eru hneykslaðir og það er gott til þess að vita að siðferðisvitund þeirra er meiri en forystumanna Sjálfstæðisflokksins."

- hvað er gott við það?

Það er e.t.v. við hæfi að fangarnir á Kvíabryggju eru farnir að leiða þroska- og siðferðisumræðuna hjá þér, Siggi minn. Kannski nær bróðir þinn nokkrum atkvæðum út á að brigsla menn um mútur. Það virðist í tísku þessa dagana.

Páksakveðja til þín ... og siðferðispostulanna á Kvíabryggju. 

Ólafur Als, 12.4.2009 kl. 13:41

7 Smámynd: Sigurður Þórðarson

Sæll Ólafur og takk fyrir innlitið.

Þú spyrð hvað sé gott við það?

Svar:  Vistmennirnir líta ekki endilega á sig sem siðferðispostula, þeir eru þarna því þeir hafa misstigið sig og eru í betrunarvist. Ég óska þeim alls hins besta á þeirri braut og það er vissulega fagnaðrefni að þeir skuli vera áhugasamir um að bæta siðferði á Íslandi. Við erum vonandi sammála um það.

Bestu páskakveðjur  til þín og vistmanna á Kvíabryggju.

Sigurður Þórðarson, 12.4.2009 kl. 13:55

8 Smámynd: Ólafur Als

Bætum eigið siðferði, ekki annarra!

Ólafur Als, 12.4.2009 kl. 14:03

9 Smámynd: Baldur Hermannsson

Sigurjón, það er svo margt á hvolfi þessa dagana og enginn leið að vita hver kemur niður á fæturna. En hver veit - kannski íhaldið setji Gulla á sölulistann, og þá gæti nú vænkast ykkar hagur!

Baldur Hermannsson, 12.4.2009 kl. 14:10

10 Smámynd: Sigurður Þórðarson

Rétt hjá þér Ólafur það er einmitt það sem fangarnir eru að gera með góðum árangri. Sammála þér Baldur, Gulli er örugglega vænsti maður og Gunni mágur sem er svæfingalæknir á Landspítalanum gefur honum besta orð. En hann mætti, rétt eins og Þórunn Sveinbjarnardóttir, vanda sig betur í meðferð okkar ástkæra og ylhýra tungumáls. Þetta er kæruleysi og  létt verk fyrir Gulla því hann er bæði skarpur og röskur.

Sigurður Þórðarson, 12.4.2009 kl. 15:08

11 Smámynd: Baldur Hermannsson

Afsakaðu, þú varst að tala um Grjóna bróður og ég kallaði þig óvart Sigurjón, hef reyndar tekið eftir því á þínu bloggi að það gera fleiri. En ég sé að þú ert strax farinn að hæla Gulla!

Baldur Hermannsson, 12.4.2009 kl. 15:41

12 Smámynd: Sigurður Þórðarson

Rétt hjá þér Baldur, ég tek mikið mark á þér.

Sigurður Þórðarson, 12.4.2009 kl. 15:48

13 Smámynd: Salvör  Kristjana Gissurardóttir

Sæll Sigurður, ég vil benda þér á að þú brýtur á mannréttindum fólks sem er í mjög erfiðri stöðu með því að ljóstra upp um einkahagi fólks sem situr í fangelsum. Það er ekki víst að fangarnir kæri sig um að þú gefir eitthvað upp um stjórnmálaskoðanir þeirra og það er auðvelt að ímynda sér aðstæður þar sem það gæti komið sér illa fyrir þá að vera stimplaðir á einhverri pólitískri línu.

Það getur verið að fangarnir spili þann leik að vera alltaf á bandi þess sem heimsækir þá hverju sinni, það myndi ég gera ef ég væri í þeirra stöðu. En allt fólk á stofnunum, sérstaklega fólk sem er þar ekki sjálfviljugt á rétt á einhverri vernd gagnvart kastljósi umheimsins á þess einkahagi og skoðanir og viðhorf nema fólkið hafi gefið þér sérstakt umboð til að tjá skoðanir þess.

Ég bið þig að kynna þér betur mannréttindi og siðgæði þegar þú fjallar um nafngreint fólk (sb fyrra blogg) og hópa fólks sem er fangað inni.

Salvör Kristjana Gissurardóttir, 12.4.2009 kl. 23:58

14 Smámynd: Jens Guð

  Það ber til tíðinda ef fangar á Kvíabryggju og annarsstaðar eru farnir að gefa eftir í stuðningi við Sjálfstæðis-FL-okkinn. 

Jens Guð, 13.4.2009 kl. 00:22

15 Smámynd: Sigurður Þórðarson

Sæl Salvör, þessi færsla þín kemur mér mjög á óvart. Getur það verið að fangarnir þykist vera framsóknarmenn þegar þú talar við þá?      Sæll Jens,  þú hittir naglann á höfuðið. Ég er síst af öllu að gera lítið úr föngum eins og Salvör gefur í skyn. Reyndar kalla ég þá ekki fanga heldur vistmenn enda eru þeir í betrunarvist og hafa að mínu mati hærra siðferðisþrek en sumir sem starfa í almannaþágu.

Sigurður Þórðarson, 13.4.2009 kl. 00:34

16 Smámynd: Baldur Hermannsson

Viðbjóðslegt að sjá fólk smjaðra svona fyrir glæpahyskinu. Hvernig verður það þegar Kvíabryggja verður full  út að dyrum af bankaræningjum og útrásarvíkingum? Ætli Salvör verði jafn væmin þá?

Baldur Hermannsson, 13.4.2009 kl. 00:39

17 Smámynd: Óskar Arnórsson

Hvað er að þér Salvör? Ég hef verið fangi á Kvíabryggju og þeir myndu bara skellihlægja að kellingum eins og þér!

Ertu feminísti eða bara lasin í höfðinu?

Óskar Arnórsson, 13.4.2009 kl. 00:46

18 Smámynd: Óskar Arnórsson

Baldur! Hvar heldur þú að ég hafi lært að vinna í fengelsum um öll Norðurlðnd? Í einhverjum skóla? Ég var að vísu bara unglingur og snarvitlaus.

Enn það eru engvir glæpamenn á íslandi í fangelsum. Bara afbrotamenn.

Minn síðasti vinnustaður var Litla-Hraun og ég er búin að vinna í fullt af fangelsum um öll norðurlönd. Alveg væri mér skísama þó Lalli Jóns væri dómsmálaráðherra. Hann er alla vega ekki jafnspilltur og þeir sem hafa verið ráðherrar þar.

Veit nú reyndar ekkert um þessa kellingu sem er Dómsmálaráðherra núna, enn ég hef ekki heyrt neitt um að aðalglæponar Íslands sé handteknir svo ég hef enga trú á henni.

Á Íslandi er það þannig að afbrot borga sig ekki, enn glæpir gera það.

Ísland er Sykiley Norðursins. Vona bara að "luparaveikin" breiði ekki úr sér. Það er mjög óheilsumsam "veiki". Banvæn í öllum tilfellum.    

Óskar Arnórsson, 13.4.2009 kl. 01:06

19 Smámynd: Baldur Hermannsson

Óskar, ég botna ekkert í þessu eilífa spillingar-rausi í þér. Íslendingar eru alls ekki spillt þjóð svo heitið geti. Allir erum við hinsvegar breyskir og okkur getur orðið á. En það þarf ansi mikið til að menn séu dæmdir til vistar á Kvíabryggju eða Litla-Hrauni. Verstir eru ofbeldismennirnir. Það má ekki láta þá ganga lausa í samfélaginu. En lánist Frjálslynda flokknum að kría út einhver atkvæði á Litla-Hrauni þá skulum við bara vona að glæponarnir sjái ekki eftir þeim.

Baldur Hermannsson, 13.4.2009 kl. 01:25

20 Smámynd: Björn Birgisson

Mestu glæpónar Íslands eru ekki á Kvíabryggju, heldur ekki á Hrauninu. Þeir ganga lausir. Friðaðir eins og háhyrningarnir. Samt algjörir "Killer Whales". Óðir morðhundar, sem myrða samfélagið, sem ól þá af sér, fyrir fáeinar krónur. Glotta við tönn, því flokkarnir og stjórnkerfið í heild sinni ræður ekki við þá. Á Íslandi er frábært að vera glæpamaður - en bara ef þú ert nægilega stórtækur.

Björn Birgisson, 19.4.2009 kl. 01:00

21 Smámynd: Óskar Arnórsson

Baldur! Hefurðu ekkert fylgst með? Það er ekki talað um annað enn spillingu til hægri og vinstri á toððstöðum í þessu þjóðfélagi. Ég er ekkert að rausa um það. Frekar endurtaka það sem megnið af þjóðinni veit. Fjármálaofbeldismennirnir eru verstir. Þeir kýla niður heila þjóð. Enn venjulegir ofbeldisseggir kýla og berja bara einn og einn. Meiri tuggurnar sem, þú kemur með Baldur , bara einstaka sinnum, mér sem farið að líka svo vel við kommentin þín.

Það sem Björn Birgirsson er algjörlega hárrétt. Aðalviðskiptarándýr 'islands eru friðaðir eins og heilagar kýr í Indlandi. AF ÖLLUM FLOKKUM!!!

Óskar Arnórsson, 19.4.2009 kl. 05:26

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Innskráning

Ath. Vinsamlegast kveikið á Javascript til að hefja innskráningu.

Hafðu samband