Stórglæsilegt framtak!

Við hljótum öll að fagna því að eina útvarpsstöðin sem ekki er hagsmunatengd skuli hafa eflst svo mjög að hún sé nú af eigin rammleik að opna fréttastofu. Ég treysti því að almenningur muni taka þessu framtaki fagnandi.

Ég sendi Arnþrúði og öllu starfsfólkinu hamingju- og velfarnaðaróskir.

 

 

Ný fréttastofa í loftið

Vilja inn um hundalúguna en í þágu hverra?

Í ellefu hundruð ára sögu Íslandsbyggðar hefur okkur farnast best þegar við höfum ráðið okkar málum sjálf. Lýðveldistíminn er stuttur og vissulega höfum við gert afdrifarík mistök. Í stað þess að gefast upp og kasta frá okkur ábyrgðinni ættum við að taka okkur saman í andlitinu, draga lærdóm af mistökunum og bregðast við þeim eins og menn.

"Lengi getur vont versnað" Já ótrúlegt en satt:

Jafn afleitt og kvótakerfið er hér á Íslandi, færum við fyrst úr öskunni í eldinn með því að hér yrði innleitt Brusselfiskveiðikerfið. Og þá myndi fáráðlingahátturinn ná nýjum hæðum ef þjóðin afhendi fiskimiðin, lífsbjörgina, til Evrópusambandsins og þeir fáu húskarlar sem hér strituðu fyrir mat, þyrftu að halda uppi heilu stóði af hámenntuðum íslenskum möppudýrum sem nytu lífsins í Brussel þar sem menn sópa göturnar fyrir 300.000.

Víglínur skýrast gagnvart ESB

Páfi vill ekki lögreglurannsókn

Páfinn krefst þess að lögreglan í Belgíu hætti að rannska kynferðisglæpi presta. 

Ég votta kaþólskum mönnum samúð mína vegna þessar undarlegu hegðun páfa.

Páfi gagnrýnir belgísku lögregluna

Össur hefur sterkar þjóðir með sér

En íslenska þjóðin styður hann ekki í því að ganga í Evrópusambandið og enn síður að ganga að afarkostum Breta til þess. Bretar vita val af þráhyggju Samfylkingarinnar og spila á hana.

Össur: Höfum sterkar þjóðir með okkur

Vill þingmaður Samfylkingarinnar að ríkið styrki vogunarsjóðina?

Að öllu jöfnu þýðir dómur Hæstaréttar að í gengistryggðum lánum að gjaldeyrisstaða landsins batnar vegna minni skulda og vaxtabyrði til erlendra kröfuhafa. Dómurinn þýðir líka stórauknar tekur ríkisins vegna þess að fyrirtæki sem hafa haft háa fjármagnsliði munu greiða skatta af umtalsverðum hagnaði.

Þess vegna kemur það á óvart að Mörður Árnason, þingmaður Samfylkingarinnar vilji snúa við dómi Hæstaréttar og skuli bera því við að ósanngjarnt sé að skattgreiðendur borgi skuldir þeirra sem tóku gengislán.

Er nokkur önnur skýring á þessum málflutningi þingmannsins önnur en sú að hann vilji að skattgreiðendur borgi tap erlendra vogunarsjóða sem eiga bankana?

Vill verðtryggingu á lánin

Jón Bjarnason beygi af blindgötunni

Eftir að sápukúlur bankanna sprungu og skildu eftir sig skuldaklístur hefur enn og aftur komið í ljós að Íslendingar lifa af sjávarútvegi. Vitað er að sjávarspendýr éta 20 x meira magn en við veiðum.  Íslendingar eiga því tilveru sína undir því að fá að halda jafnvægi í lífríkinu. 

Nú hefur komið á daginn sem við vöruðum við að Evrópusambandið myndi banna sel- og hvalveiðar ef og þegar það tæki við stjórn landhelginnar.  Afrakstur af hvalveiðum hefur dugað fyrir rándýru aðildarviðræðuferli. Þessu vilja aðildarsinnar fórna og telja sig geta fengið styrk frá Evrópusambandinu fyrir viðræðukostnaði.  Sérfræðingar munu fá vinnu í Brussel en almenningur tapar lífsbjörginni. 

Vonandi tekst Jóni að koma Össuri í skilning um þetta.

Vilja að við hættum hvalveiðum

2/3 Íslendinga vilja draga umsóknina að ESB til baka

Í nýrri könnun sem MMR gerði kemur fram að mikill meirihluti landsmanna vill draga umsókn landsins að ESB til baka. Sjá könnun hér

Ennfremur kom í ljós að mikill meirihluti landsmanna telur að peningum til umsóknar að Evrópusambandinu sé illa varið. 

Evrópusambandið situr við sinn keip og ætlar að hefja aðildarviðræður í óþökk þjóðarinnar 17. júní  en  setur þau skilyrði að  Ísland verði fyrst að semja um Æsseif

Reiðubúnir að hefja aðildarviðræður

Reynum að koma í veg fyrir landflótta

Verkefni dagsins hlýtur að vera að vernda atvinnuna og auka tekjur. Atvinna fólksins sem er á vinnumarkaði í dag er jafn mikilvæg og nýrra fyrirtækja. Opinberir starfsmenn eru ekki of haldnir af launum sínum en ég er ósammála Lilju Mósesdóttur um að tekjufall þeirra sé ef til vill meira en á almennum markaði. Taxtahækkanir hafa kannski verið hærri en öll vinna á frjálsum markaði er mun ódýrari, nema ef vera skyldi hjá skilanefndum bankanna.  Ágæt grein hér

Óttast landflótta

Færeyingar og Íslendingar sameinist!

Nú er allt útlit fyrir að Danir muni greiða atkvæði gegn hagsmunum Færeyinga í þágu Evrópusambandsins með því að gera málamiðlun um hvalveiðar.  Vinir okkar Færeyingar eru æfir út í Dani fyrir þennan lúgahátt.  Við eigum að sameinast Færeyingum og fela þeim stjórn sjávarútvegs- og efnahagsmála sem þeir ráða mun betur við.

 Færeyskir stjórnmálamenn spretta úr atvinnulífinu og skammast sín ekki fyrir að spyrða fisk  ef engin eftirspurn er eftir þeim lengur, ólíkt íslenskum stjórnmálamönnum sem krefjast þess að verða sendiherrar eða seðlabankastjórar. Þetta ráðslag Íslendinganna þenur út utanríkisráðuneytið og hvetur til þess að sótt sé um aðild að öryggisráðinu þó það sé dýrt og Evrópusambandinu þó þjóðin tapi  á því.  

Færeyingar æfir út í Espersen

Kína kastar líflínu til Íslands

Utanríkisráðherra verður að manna sig upp í að klára fríverslunarsamninginn við Kína sem er búinn að vera nánast tilbúinn í nokkur ár. Hvað er hann að dreyma?

ZZZZ

Fríverslunarsamningur myndi veita veita Íslendingu öfluga stöðugagnvart Evrópusambandinu þegar það reynir að innlima Ísland.

Ef svo illa tækist til að Ísland yrði innlimað í Sambandið myndum við í fyrsta lagi tapa mikilvægum mörkuðum fyrir vörur sem við getum ekki selt í Evrópu.

(Allir fríverslunarsamningar falla niður, og markaðir munu lokast fyrir loðnuhrogn, hvalaafurðir sæbjúgu úthafskarfa ofl ofl.)

Í öðru lagi bannar Evrópusambandið allar veiðar á sjávarspendýrum sem éta 20 sinnum meira en við veiðum.

Í þriðja lagi missum við forræði yfir okkar mikilvægustu auðlind þ.e. fiskinum í hafinu.

Fylgismenn aðildar, virðast ekki vita af þessu og hafa þess utan ekki getað bent á neinn raunverulegan ávinning. Helst hefur verið talað um evru og lægra matarverð en það eru fuglar í skógi, sem erfitt er að sýna hvað þá að handsama.

Gjaldeyrissamningur við Kína