Góð mæting ávísun á betri Icesave samninga

Oft var þörf en nú er nauðsyn. Bretar sendu harðsnúna samningamenn gegn íslenskum viðvaningum, niðurstöðuna þekkja allir.  Þjóðin er andsnúin þessu hörmulega samningsuppkasti  en bæði ráðamenn og hún sjálf er dofin. Stjórnmálamenn sem hafa gert óteljandi mistök virðast ekki með sjálfum sér.  Hættan er sú að mönnum sé svo mikið í mun "að komast í 7 ára skjól" að þeir semji komandi kynslóðir í skuldaánauð. Það má ekki gerast! Þess vegan verðum við að mæta og sýna stjórnmálamönnunum okkar, sem eru upp til hópa gott fólk, stuðning og aðhald. Þannig og einungis þannig ná þeir betri samningum.

Borgarafundur um Icesave

Útsala á náttúruauðlindum hafin?

 Ýmislegt bendir til að útsala á náttúruauðlindum Íslands sé í þann mund að hefjast. Margir útrásarvíkingar sem stóðu að stofnun Geysis Green Energy standa ekki vel í dag en mörg sveitarfélögin á höfuðborgarsvæðinu standa engu betur. Þetta skapar góðar aðstæður fyrir erlenda útrásarvíkinga sem ásælast hlut í Hitaveitu Suðurnesja enda rauður hún yfir gríðarlega auðugu háhitasvæði. Það er kanadíska fyrirtækið Magma sem stendur í raun á bak við Geysir Green Energy. Þetta er því miður bara forsmekkurinn því sem koma skal ef alþingi samþykkir að greiða Icesave skuldirnar. Icesave skuldirnar eru miklu hærri en svo að ríkið geti greitt af þeim í erlendum gjaldeyri og því er afhending náttúruauðlindanna eini möguleikinn til að gera þær upp. 

Með því er mörkuð sú stefna að Íslendingar framtíðarinnar skuli vera Indíánar í eigin landi.

 

Kanadískt félag kaupir í HS Orku

Athyglisverð grein um ábyrgð í Icesave

Egill Jóhannsson ritar athyglisverða grein á bloggi sínu um pólitíska ábyrgð á Icesave sjá hér.   

Margir okkar færustu lögmanna hafa fært fyrir því rök að okkur beri ekki að borga Icesave. Gegn þessu stendur klúður ríkisstjórnar Geirs Haarde, loforð ráðamanna og neyðarlögin.  Við gætum haldið því fram að frá því að neyðarlögin voru sett þar til Kaupþing féll leið ein vika og þar komu til aðstæður sem menn sáu ekki fyrir. (heimskreppa & hryðjuverkalög Breta)

Ef allt þetta bregst eigum við til þrautavara traust haldreipi sem er hugtakið "grið" í þjóðarrétti með vísan til Versalasamningana.  Það er nú viðurkennt að Versalasamningarnir voru ósanngjarnir og að ekki megi þvinga þjóð eða stjórnvald ríkis til nauðungarsamninga sem eyðileggja ríkið.   Maður veitir því athygli að í Icesave samningnum eru ákvæði þar sem Íslendingar afsala sér sem þjóð griðum og þar að auki rétti til málshöfðunar!

Því verður ekki trúað að Evrópuþjóðirnar neiti okkur um að láta reyna á rétt okkar en ef þær gera það ættum við að beina viðskiptum annað.  Alþingi getur ekki skrifað undir ríkisábyrgð fyrir mun hærri upphæð en hægt er að standa við og í leiðinni afsalað okkur málsskotsrétti og griðum.

Millileiðin væri sú að leyfa samningnum að standa og án ríkisábyrgðar, afsals málskotsréttar  og griða.  Þá gæti þjóðin borgað þangað til allir vasar eru tómir og blæðir undan nöglunum í einhverja áratugi. Geta "vinaþjóðir" okkar farið fram á meir?

 

Ber okkur í raun að borga?

Jón Hannes Smárason í opinskáu viðtali: Útskýrir hvert peningarnir fóru

Jón Hannes Smárason, fjárfestir segist saklaus og útskýrir í mögnuðu og opinskáu viðtali hvert peningarnir fóru og hvernig fjármálakerfið virkar.

Hannes segist ekki hafa brotið lög

Tími Jóhönnu er liðinn

 Erlent ríki krefst þess að Íslendingar borgi skaðabætur sem eru mun hærri en þjóðin fær risið undir og fyrir liggja samningsdrög þar sem Ísland afsalar sér málskotsrétti og griðum

 Land sem hefur forsætisráðherra sem heldur ekki fram málstað landsins, heldur tönglast í sífellu á málstað gagnaðilans getur ekki vænst stuðnings erlendis.

Öll lögfræðiálitin frá allra færustu sérfæðingum þessa lands. Dr. Elvíra, Prof Stefán Már, Dr. Herdís Þorvaldsdóttir, Próf Sigurður Líndal bara svo einhver nöfn séu nefnd af þeim mikla fjölda lögmanna auk núverandi og fyrrverandi hæstaréttardómara hníga að því að Íslendingar sem þjóð eigi ekki að sæta ábyrgð fyrir afglöp útrásarvíkingana. 

 Gegn þessu stendur eitt keypt minnisblað frá manni sem stendur ekki með tærnar þar sem hinir hafa hælana. 

 

 

 

 

Hagstæð ákvæði Icesave

Jóhanna á móti tortryggni gagnvart Icesave

Jóhanna varar við tortryggni gagnvart Icesave en hún hefði betur sýnt meiri aðgæslu varðandi þessa afleitu samninga því nú hefur henni verið bent á að vaxtagreiðslur upp á 300 milljarða er ekki forgangskrafa í eignir Landsbankans. Jóhanna segir samt að fólk skilji bara ekki hvað endurskoðunarákvæðið sé svakalega gott og raunar alveg einstakt. Þess vegna verður að kaupa lögfræðiálit væntanlega frá einhverjum samfylkingarlögfræðingum til að útskýra sinn skilning  á því. Það er þó merkilegt´miðað við allan þann fjölda lögmanna sem tjáð hafa sig um málið að enginn virðist vilja hæla þessu í sjálfboðavinnu  Hún segist sjálf svekkt yfir að þurfa að borga þetta en ef lánið verður ekki gjaldfellt fellur það ekki með fullum þunga fyrr en hún verður komin vel á níræðisaldurinn.

Nú þarf velviljað fólk að forða þessari fullorðnu og góðu konu frá því að fremja þennann gjörning svo hún þurfi ekki að þjást í hárri elli yfir að hafa komið þjóð sinni á vonarvöl. 

 

Tortryggni í samfélaginu

Finnur ekki í persónulegum ábyrgðum

Finnur  er háll sem áll því hann er ekki í persónulegum ábyrgðum fyrir Langflug. Tjónið lendir á Landsbankanum. Finnur hefur margsýnt þaö að hann er glúrinn í viðskiptum.

Langflug gjaldþrota

Mega fjárglæframenn gefa út ríkisábyrgð?

Þær yfirlýsingar bankastjóra Landsbankans að íslenska ríkið ábyrgðist allar innistæður í bankanum standast ekki. Þessu til staðfestingar nefni ég álit lögfræði- og Evrópusérfræðinganna Stefáns Más Stefánssonar, Lárusar Blöndal og Dr. Elvíru. Nefndir aðilar og raunar margir fleiri hafa tekið af öll tvímæli um að Landsbankinn var einkabanki og hafði enga heimild til að skuldbinda íslensku þjóðina. Slíkar yfirlýsingar bankamananna eru ekki á okkar ábyrgð.

Sögðu ríkið ábyrgjast Icesave

Grunaður um "einhverskonar" kynlíf

Lögreglan á á Jótlandi hefur rökstuddan grun um að bílstjóri sem lenti utan vegar hafi lagt stund á "einhverskonar kynlíf" (en eller anden form af sex). Hinn athugli lögreglumaður sem rannsakar málið benti á máli sínu til stuðnings að einungis tveir hefðu verið í bílnum þ.e. bílstjóri og farþegi og hafi báðir verið í sitthvoru framsætinu. Þess utan væri farþegi og bílstjóri af gagnstæðu kyni og fyrr um daginn hafði sést til þeirra á bílastæði þar sem þau kysstust. Öll þessi atriði bentu til þess að um "einhverskonar" kynlíf gæti hafa um verið að ræða en þó var ekki hægt að fullyrða að svo sé.

Kynlífið endaði með ósköpum

Grunn umfjöllun RUV um ESB

Nokkur aðildarríki ESB hyggja gott til glóðarinnar að fá  Ísland á hnjánum inn í bandalagið og fá auðlindir hafsins sem töpuðust þeim í þorskastríðum nú á silfurfati. Hérlendis hafa handlangarar þeirra, fjölmiðlarnir,  verið sporléttir við að fegra fyrirheitna landið.

Undanfarið hefur RUV verið með svokallaða umfjöllun sem er vægast sagt ótrúlega grunn. Kallaður hefur verið til ESB-sinni og dubbaður upp sem álitsgjafi. Hann hefur ranglega haldið því fram að engin hætta  sé á að við þurfum að deila fiskistofnunum hérlendis með öðrum löndum. Með þessu er álitsgjafinn að  setja undir sama hatt grunnlög sambandsins og tímabundnar reglugerðir sem auðvelt er að breyta.

Núna kemur þessi sami undarlegi álitsgjafi og heldur því fram að matvælaverð muni stórlega lækka hérlendis einungis við að landið gangi í ESB.

Við erum nú þegar í tollabandalagi með ESB í gegn um EES þannig að almenna reglan er að það eru engir tollar á vörur frá ESB. Varðandi sumar landbúnaðarvörur þá eru takmarkanir í formi kvóta og heilbrigðisreglna.

Hvernig getur RUV haldið því fram að vöruverð lækki? Þvert á móti mun vöruverð hækka vegna þess að tolla- og fríverslunarsamningar okkar t.d. við Asíulönd munu falla úr gildi.  ESB aðild mun líka hækka tolla á fiski frá okkur t.d. til Kína og Kóreu.

Ekki víst að ESB setji hvalveiðar fyrir sig