Hanna Birna í boði Landsbankans

Það er skýlaust brot á vanhæfisreglum stjórnsýslulaga og merki um pólitíska spillingu að Hanna Birna Kristjánsdóttir skuli hafa tekið ákvörðun um staðsetningu Listaháskóla við Laugaveg enda er upplýst að hún þáði peninga frá Landsbankanum. Ef einhver siðvæðing hefur átt sér stað ætti hún líka að ná til Reykjavíkurborgar.  Sennilega er Ólafur F. Magnússon eini borgarfulltrúinn sem skilað gæti siðferðilegu heilbrigðisvottorði ef slík vottorð væru gefin út.

 

Vill að Hanna Birna víki

Athugasemdir

[Flosi Kristjánsson, 1.12.2009 kl. 15:39]

"að Hanna Birna Kristjánsdóttir skuli hafa tekið ákvörðun um staðsetningu Listaháskóla við Laugaveg"

Það er næsta víst að Hanna Birna hafði verið kjörin til setu í borgarstjórn þegar umrædd ákvörðun var tekin. Því getur hún ekki þrætt fyrir að hafa verið í borgarstjórn þegar þessi ákvörðun var tekin.

Það er hins vegar spurning hvernig fyrrum borgarstjóra, Ólafi Magnússyni, og bloggaranum siggith tekst að sýna fram á með hvaða hætti hún beitti þeim Degi B. Eggertssyni borgarstjóra og Ólafi F. Magnússyni forseta borgarstjórnar svo fólskulega fyrir sig í töku þessarar ákvörðunar

Ja, þessir [allir-aðrir-en-flokksbræður-mínir] í borgarpólitíkinni!!

[Sigurður Þórðarson, 1.12.2009 kl. 19:47]

Flosi Kristjánsson sér enga mögulega tengingu milli þess að eigendur Landsbankans styrktu marga stjórnmálamenn í borgarpólitíkinni einkum í Samfylkingunni og Sjálfstæðisflokknum annarsvegar og hinsvegar þess að þessir sömu eigendur áttu í verulegum viðskiptum við borgina þar sem þessir sömu borgarfulltrúar voru viðsemjendur.

Þetta breytir ekki því að þeir sem vita um mögulega hagsmunaárekstra ber að segja sig frá ákvörðunum.  Í þessu tilviki var alls ekki um einn borgarfulltrúa að ræða.  Telur Flosi að lóðabraskarar og verktakar yrðu þá jafn fúsir til að styrkja einstaka frambjóðendur ef þeir segðu sig frá ákvörðunum um viðskipti þeirra?