Auðvitað Jón Bjarnason!

Evrópusambandið og Norðmenn hafa fram að þessu litið á íslenska fiskveiðilögsögu sem ókeypis úthaga fyrir makrílinn sem þeir einir megi veða. Markílinn á sem sagt að éta sig sýlspikaðan af íslenskum seiðum þangað til honum þóknast að synda þangað sem þessar þjóðir geta veitt hann. Þetta er fráleit frekja og yfirgangur enda er Ísland ekki í Evrópusambandinu og ræður sinni lögsögu ennþá.

Ákvörðun Jóns Bjarnasonar um einhliða ákvörðun Íslands er því sanngjörn og rökrétt.

 

Ísland mun ákveða makrílkvóta einhliða

Athugasemdir

[lydur arnason (IP-tala skráð) 28.10.2009 kl. 14:20]

Sæll, Sigurður.  Það er skondið með þessa alþjóðavinavæðingu, tær og falleg rennur hún af vörum stjórnmálamanna en þegar hún er komin út í atvinnulífið orðin að beljandi jökulfljóti, ljótu og ógnandi.

LÁ

[Árni Gunnarsson, 28.10.2009 kl. 14:35]

Og mín niðurstaða er sú að því aðeins náum við að vinna okkur út úr þessari djúpu kreppu að við sækjum okkar rétt af einurð og stöndum fast í fæturna. Það á ekki síst við þegar nýir fiskistofnar leita inn í llögsögu okkar.

[Sigurður Þórðarson, 28.10.2009 kl. 14:41]

Hverju orði sannara LÁ. og frændi minn Árni Gunnarsson.

Þessir kokteilpinnar og ræðuskrifarar fyrir Jóhönnu eru ekki að gera þjóðinni neitt gagn öðru nær.

[Rósa Aðalsteinsdóttir, 28.10.2009 kl. 23:08]

Sælir strákar.

Tek undir með ykkur. Við eigum að nota allar auðlindir sem Guð hefur gefið okkur. Þurfum að muna að nýta þær með skynsemi.

Guði sé lof að við ráðum ennþá yfir fiskimiðunum okkar. En kommúnistarnir í ríkisstjórn róa öllum árum að gefa okkur og okkar auðlindir í hendur samherja sinna í ESB og því er ég mótfallin.

Ég tel að Jóhanna eigi eftir að tala um að þetta var ekki hennar tími. Hún og Steingrímur skora sjálfsmörk hvað eftir annað.

Megi almáttugur Guð forða okkur frá því stóra slysi að vera innlimuð í ESB.

Guð veri með ykkur.

Kær kveðja/Rósa

[Sigurður Þórðarson, 29.10.2009 kl. 05:34]

"Megi almáttugur Guð forða okkur frá því stóra slysi að vera innlimuð í ESB."

[Árni Gunnarsson, 29.10.2009 kl. 18:44]

Amen!