Jón Bjarnason beygi af blindgötunni

Eftir að sápukúlur bankanna sprungu og skildu eftir sig skuldaklístur hefur enn og aftur komið í ljós að Íslendingar lifa af sjávarútvegi. Vitað er að sjávarspendýr éta 20 x meira magn en við veiðum.  Íslendingar eiga því tilveru sína undir því að fá að halda jafnvægi í lífríkinu. 

Nú hefur komið á daginn sem við vöruðum við að Evrópusambandið myndi banna sel- og hvalveiðar ef og þegar það tæki við stjórn landhelginnar.  Afrakstur af hvalveiðum hefur dugað fyrir rándýru aðildarviðræðuferli. Þessu vilja aðildarsinnar fórna og telja sig geta fengið styrk frá Evrópusambandinu fyrir viðræðukostnaði.  Sérfræðingar munu fá vinnu í Brussel en almenningur tapar lífsbjörginni. 

Vonandi tekst Jóni að koma Össuri í skilning um þetta.

Vilja að við hættum hvalveiðum

Athugasemdir

[Óskar Arnórsson, 19.6.2010 kl. 03:07]

Það er kostulegt að ætla að byggja járnbúr í kringum "aðalin" á Íslandi og tryggja tilvist hans með ESB. Er ekki komin reynsla á hver ber hag landsins fyrir brjósti og hver ekki? Þarf ekki bara að taka yfir stjórn landsins? Með hvaða ráðum sem tiltæk eru?

[Sigurður Grétar Guðmundsson, 19.6.2010 kl. 10:54]

Bann við hvalveiðum byggist hvorki á vísindum né hagkvæmni. Það byggist á tilfinningum og þeim yfirgengilega áróðri sem umhverfisverndarsamtök hafa rekið. Til þess virðast þau hafa ótakmörkuð fjárráð. Ég er fylgismaður inngöngu Íslands í ESB en engan vegin með hvaða skilyrðum sem er. Við getum engan veginn samþykkt að hætta hvalveiðum með öllu, heldur þurfum við að auka þær. Það er ekki vegna þess að ég við fá á minn disk gott hvalkjöt og vel verkað súrsað rengi eingöngu, heldur vegna þess sem þú segir að ofan nafni; það verður að halda jafnvægi í lífríkinu hafsins, það er farið að raskast alverulega vegna hinnar hlálegu hvalverndarstefnu´

Óskar, ef þú vilt koma skoðunum þínum á framfæri þarftu að setja þær fram þannig að skiljanlegt sé. Það eina sem er skiljanlegt í þínu máli er að þú mælir með stjórnatbyltingu.

Með hvaða ráðum sem tiltæk eru?  segir þú. Ég veit varla hvers vegna ég er að nefna þetta, þetta er ekki svaravert og það ættirðu að vita.

[Óskar Arnórsson, 19.6.2010 kl. 13:44]

Ég var að kommentera Sigga Þórða og hann veit nákvæmlega hvað ég á við. Til að útskýra þetta fyrir þér þá á ég við að Ríkisstjórnin hagar sér svo hroðalega með öll mikilvæg mál, eins og Icesave, ESB aðild, Fiskveiðimál og önnur mikilvæg mál, að ég vil að Ríkisstjórninni sé hent út úr þinginu og völdinn tekin af þeim með öllum tiltækum ráðum.

Ég er sammála þér í Hvalveiðimálunum enn skil ekki hvaða svör þú ættir að koma með. Ég car ekki að spyrja þig að neinu. Þú varst ekki inn á þessari síðu þegar ég skriafi þetta komment. Mér sýnist helst að þú hafir ruglað saman þínu eigin bloggi og Sigurðar...og það er allt í lagi mín vegna.

[Sigurður Þórðarson, 21.6.2010 kl. 11:31]

Með því að ganga í Evrópusambandið afhenda Íslendingar Sambandinu fiskveiðilögsögu sína sem verður fiskveiðilögsaga Evrópusambandsins.

 Allir sjá að það myndi ganga illa fyrir Kristján Loftsson  og hrefnuveiðimenn að sækja til Brussel

[Sigurður Grétar Guðmundsson, 22.6.2010 kl. 13:05]

Við munum ALDREI afhenda Evrópusambandinu fiskveiðilögsöguna, íslensk fiskveiðilögsaga verður ALDREI fiskveiðilögsaga ESB. Ég er hlynntur inngöngu okkar í ESB og þá að sjálfsögðu því að aðildarviðræðurnar haldi áfram, á þeim er góður skriður og Össur utanríkisráðherra er búinn að vera duglegur að koma aðildarviðræðunum af stað.

Ég sé enga ástæðu til að fullyrða það sem Sigurður segir að ofan, við skulum sjá hvað árangri við náum. Samningur sem inniber að við afhendum ESB fiskveiðilögsögu okkar verður aldrei samþykktur svo við skulum reyna að halda umræðunni á vitlegum nótum, ekki vera að fullyrða þetta og hitt út í loftið.

[Sigurður Þórðarson, 24.6.2010 kl. 09:01]

Kæri nafni, ég vil byrja á að þakka þér innleggið og allt framlag til umræðunnar. Öll skrif þín bera þess merki að þú vilt þjóðinni allt hið besta. Ég hef reynt að kynna mér þessi mál af bestu getu, t.a.m. sótt fræðslufundi og  spurt menn sem hafa unnið í ESB fiskveiðikerfinu. Að mínu mati svo ber mikið á milli þegar menn lýsa  fiskveiðistefnu Brussel að báðir aðilar geta ekki sagt satt.

 Hér á landi er rekinn einhliða áróður með fiskveiðistefnu Evrópubandalagsins, t.d. af Ríkisútvarpinu þar sem kynningarefni frá EB agent er notað sem "fræðsluefni". 

Spurðu þína menn í pólitík hvort þeir geri t.d. kröfu um að fá að halda landhelginni í aðildarviðræðunum og láttu mig vita hvað þeir segja.