Ögmundur Jónasson er hetja!

Ögmundur Jónasson sagði daginn sem hann sagði af sér að hann ætlaði ekki að verða viðskila við samvisku sína. Auðvitað er skarð fyrir skildi að missa besta manninn úr ríkisstjórninni en nú er komið fram að Ögmundur fórnaði vegtyllunni til að gera það sem ríkisstjórnin hefur látið undir höfuð leggjast þ.e. að verja Ísland. Þó Samfylkingin þræti fyrir það er flestum orðið ljóst að EB og AGS eru notuð af Hollendingum og Bretum til að níðast á Íslendingum Í viðtali við BBC fer hann ekki eins og köttur í kring um heitan graut heldur segir beint út að verið sé að fjárkúga Íslendinga. Ögmundur sagði Íslendinga vilji fara með Icesave málið fyrir dóm og fá réttláta málsmeðferð.

Húrra fyrir Ögmundi hann er sannur landvarnarmaður. 

 

Sjá:  http://www.mbl.is/mm/frettir/innlent/2009/10/02/segir_breta_og_hollendinga_fjarkuga_islendinga/

Segir Breta og Hollendinga fjárkúga Íslendinga

Athugasemdir

[Rósa Aðalsteinsdóttir, 3.10.2009 kl. 11:33]

Sæll Siggi minn

Algjörlega sammála þér. Ögmundur er hetjan okkar og vonandi getur hann haft mikil áhrif. Það þarf að vera viðtöl við hann víða, bæði í sjónvarpi, útvarpi og í dagblöðum í Evrópu og um heim allan. Óþverra kúgun af hálfu Breta og Hollendinga og þau hafa Alþjóðagjaldeyrissjóðinn, Norðmenn og alla undir hæl sér gegn okkur. Hugsaðu þér að Jóhanna og co vilja fara í bólið með þessu liði sem eru kvalarar okkar.

Guð veri með þér

Kær kveðja/Rósa

[Sigurður Þórðarson, 3.10.2009 kl. 11:54]

Takk fyrir innlegg þitt Rósa.

Ég skil ekkert í hvað Jóhanna er með lélega ráðgjafa.

[Loftur Altice Þorsteinsson, 3.10.2009 kl. 13:02]

Fréttastofa RUV gerði í buxurnar í hádegisfréttunum !

Ekki var minnst einu orði á það afrek Ögmundar að flytja umheiminum málstað Íslendinga, með viðtalinu á BBC. Hins vegar var fjallað um áhyggjur Össurar af ótryggri setu Icesave-stjórnarinnar. Þetta er einhvert stærsta hneyksli í gervallri sögu fréttastofa á Íslandi.

RUV: Icesave geti valdið stjórnarkreppu

Össur Skarphéðinsson, utanríkisráðherra, sagði í viðtali við breska útvarpið BBC í dag að Bretar og Hollendingar verði að átta sig á því að þeir gætu verið að ýta Íslendingum út í stjórnarkreppu vegna Icesave-málsins.

Í umfjöllun um Icesave-deiluna á Rás 4 í Breska ríkisútvarpsinu, BBC, sagði utanríkisráðherra það ekkert leyndarmál að íslensk stjórnvöld höfðu ekki meirihluta fyrir Icesave-samningnum í sumar þó að allt hefði verið lagt undir.

Íslendingar séu að ganga í gegnum einhverjar mestu efnahagsþrengingar í sögu þjóðarinnar og hugsanlegt að verið sé að ýta þeim út í stjórnarkreppu, því ómögulegt sé að mynda annan meirihluta í kringum Icesave-samninginn.  Hollendingar og Bretar verði að átta sig á þessu.

Heimild: http://www.ruv.is/heim/frettir/frett/store64/item304081/ 

[Sigurður Þórðarson, 3.10.2009 kl. 13:15]

Ég tók eftir þessu Loftur.

 Nú fara átakalínur stjórnmálanna að liggja milli þeirra sem líta fyrst og fremst á sig sem Evrópumenn og hinna sem vilja setja íslenska hagsmuni í öndvegi. 

Við þurfum ekki að tvístíga. 

[Árni Gunnarsson, 4.10.2009 kl. 09:15]

Ögmundur var góður í spjallinu við Sölva í gærkvöld. Eiginlega kennslustund í pólitískum heiðarleika.

[Sigurður Þórðarson, 4.10.2009 kl. 20:47]

Já hann var frábær.