Ögmundur forðar þjóðinni frá Icesave slysi

Ögmundur Jónasson kemur mér fyrir sjónir sem vandaður maður sem vex með hverjum vanda.

Auðvitað er það rétt hjá Ögmundi að þjóðin á að kjósa um Icesave.

Það á ekki að vera í verkahring mistækra stjórnmálamanna við eftirlaunaaldurinn að skuldsetja komandi kynslóðir um ófyrirséða framtíð.

Ekkert mál of snúið fyrir þjóðina

Athugasemdir

[Bryndís Böðvarsdóttir, 3.7.2009 kl. 22:00]

Hef verið að lesa mér betur til um mótrökin í þessu máli á síðunni þinni og víðar en fólk virðist skiptast í tvær fylkingar. Það virðist vera hægt lagalega séð að gera íslenska ríkið ábyrgt samkvæmt t.d. síðasta ræðumanni í færslunni þinni á undan þessari. En landinn er íslenska ríkið og því miður höfum við valið okkur forystu í gegnum tíðina sem svaf á verðinum.

Sé hinsvegar lagalega hægt að koma okkur undan þessu, þar sem við erum jú öll sammála um að það  er ekki siðferðilega rétt að láta okkur borga, þá er ég með!

Helst vildi ég að við gætum sleppt að borga þetta, en þá munu fáar þjóðir vilja eiga verslun og viðskipti við okkur ekki satt? Spurning hvort við yrðum þá hreinlega að lifa af sjálfsþurftarbúskapi eða hvort það myndi skila einhverju ef við leituðum okkur að nýjum viðskiptasamböndum?

[Sigurður Þórðarson, 3.7.2009 kl. 22:56]

Bryndís, helstu Evrópusérfæðingar hérlendis eru Dr. Elvíra og Stefá Már Stefánsson prófessor bæði hafa þau sagt að Ísland myndi líklega vinna svona mál. Vandamálið er að Bretar vilja ekki fara fyrir dóm en ef þeir vilja ekki fara fyrir dóm eiga þeir enga kröfu.

[Sigurður Þórðarson, 3.7.2009 kl. 23:03]

Bryndís, það er tímasóun að vera að lesa fullt af illa ígrunduðu fjasi eftir fólk sem hvorki hefur sérfæðiþekkingu né rökstyðyr sitt mál. Ég ráðlegg þér að lesa Stefán Má, Elvíru, Lárus Blöndal, Dr. Herdísi Þorgeirsdóttur, Dr. Sigurð Líndal, Helga Ás Grétarssyni lektor ásamt núverandi og fyrrverandi Hæstarréttardómurum þeim Jóni Steinari og Magnúsi Thoroddsen