Franskir útgeramenn halda með Samfylkingunni

Eftir að bankafroðan fauk í burtu og þjóðin situr eftir með skuldirnar veðum við sem aldrei fyrr að treysta á gömlu undirstöðuatvinnugreinarnar ekki síst fiskveiðiauðlindina. Það tók franska sjómenn tvo mánuði að klára kvótann sem ESB úthlutaði þeim.  Þeir horfa nú vonaraugum til Samfylkingarinnar, að hún nái völdum í hruninu og ringulreiðinni hér. Látum það ekki gerast á kjördag  X-F fyrir auðlindir í almannaeigu.

 

   http://osammala.is

AFP: Íslensk sjómennska í blóma

Athugasemdir

[Ína (IP-tala skráð) 24.4.2009 kl. 11:02]

Samfylkingin hefur aldrei sagt að við gæfum eftir auðlindir okkar þó við sæktum um aðild að ESB.Af hverju heldur þú að stjórnin hafi lagt ofuráherslu á að breyta auðlindaákvæðinu í stjórnarskránni? Þetta er óþarfa hræðsluáróður í þér því Íslendingar myndu aldrei samþykkja aðild að ESB ef við ættum að gefa eftir auðlindir okkar.

Sækjum um og sjáum hvaða samning við fáum. Ef hann er ekki nógu góður fyrir okkur þá einfaldlega höfnum við honum. Annars verður endalaust rifist um þetta í þjóðfélaginu með allskonar draugasögum og vitleysu.

[Sigurður Þórðarson, 24.4.2009 kl. 11:13]

Takk fyrir athugasemdina Ina. Eftir því sem ég kemst næst þá snúast viðræður um aðild eingöngu um tímabundnar undanþágur og aðlögun en alls ekki að breytingu á sjálfum Rómarsáttmálanum sem gerir ráð fyrir að  fisveiðiauðlindirnar séu sameign Evrópusambandsins.

Enginn hefur svo mikið sem gefið í skyn að hægt sé að semja um annað. Ef óskoruð og óframseljanleg yfirráð væru í stjórnarskránni yrði að breyta henni til að undirgangast eign Evrópusambandsins á fiskimiðunum.  Ef fólk heldur öðru fram er það byggt á misskilningi.

[Fannar frá Rifi, 24.4.2009 kl. 11:13]

við fáum ekki inn í ESB nema við samþykkjum Rómarsáttmálan sem er einn af stofnsáttmálum ESB. Í Rómarsáttmálanum eru auðlindir hafsins sameign allra ríkja ESB. Þannig að Franskir sjómenn fá sama aðgang að Íslandsmiðum og Íslendingar.

[Óskar (IP-tala skráð) 24.4.2009 kl. 11:18]

Ína mín, hvað með eignarupptökuna á kvótanum sem þið virðist vera sammála vinstri grænum með?

[Sigurður Þórðarson, 24.4.2009 kl. 11:20]

Þetta er rétt hjá þér Fannar, við gætum þó fengið tímabundnar undanþágur eins og Malta en það er alls ekki nóg.

[Fannar frá Rifi, 24.4.2009 kl. 12:27]

Ein trilla á Arnarstapa veiðir meira heldur en allur Matlneski flotinn fyrir utan strendur Möltu.

[Fannar frá Rifi, 24.4.2009 kl. 12:27]

Maltneski átti þetta að vera.

[Sigurður Þórðarson, 24.4.2009 kl. 12:43]

Sæll Fannar.

 Það kemur þá sem sagt í ljós að eina kosningamál Samfylkingarinnar er sjónhverfing.  

[Sigurður Þórðarson, 26.4.2009 kl. 17:43]

Sæll Gulli, ég held að það sé ekkert að málstaðnum.