Góðar fréttir fyrir Frjálslynda flokkinn

Ef marka má kynni mín af starfi Kristins H. Gunnarssonar í Frjálslynda flokknum get ég ekki annað en ályktað að það styrki hvern flokk að Kristinn gangi úr honum.  Eftir þessu hefur lengi verið beðið.

Frjálslyndi flokkurinn hefur langbestu málefnastöðu allra flokka en geldur fyrir að hafa verið stjórnlaus lengi spurningin er hvort þessar góður fréttir komi of seint eða  leiði til þess að flokkurinn nái vopnum sínum aftur skal ég ekki fullyrða. Guð láti gott á vita.  

 

 Það var meira sungið og brosað áður en Kristinn kom.             

Kristinn hættur í þingflokki frjálslyndra

Athugasemdir

[Gunnlaugur Ingvarsson (IP-tala skráð) 26.2.2009 kl. 12:33]

Heill og sæll Sigurður.

Ekki held ég nú að þetta sé rétt munað hjá þér Sigurður.

Kristinn H. var nefnilega í Alþýðubandalaginu og sagði sig úr þeim flokki og gekk til liðs við Framsókn, stuttu síðar var Alþýðubandalagið lagt niður.

Síðan sagði hann upp vistinni í Framsóknarfjósinu og í næstu kosningum þar á eftir fékk flokkurinn verstu útreið í kosningum sem flokkurinn hefur fengið í 90 ára sögu sinni.

Þannig að ég skil þig nú ekki alveg. Ég er ansi hræddur um að þetta með útgöngu Kristins nú leiði til þess að Frjálslyndi flokkurinn þurkist út í næstu kosningum eða verði lagður niður.

Það er að mörgu leyti synd því að þjóðfélagið þarf á því að halda að hafa róttækan flokk sem berst áfram fyrir afnámi þessa rangláta gjafakvótakerfis, sem er stór áhryfavaldur á spillinguna og það efnahagshrun sem þjóðin er nú að ganga í gegnum.

Góðar stundir.

[Sigurður Þórðarson, 26.2.2009 kl. 13:04]

Gunnlaugur Ingvarsson, takk fyrir innleggið sem er því miður skrifað af takmarkaðri þekkingu. Kristinn hefur aldrei barist gegn kvótakerfinu, þvert á móti.  Kristinn átti þátt í því óþurftarverki að koma smábátum í kvóta þegar hann studdi ríkisstjórn Framsóknar og Sjálfstæðisflokks. 

Fyrir skömmu varð uppi ágreiningur í þingflokki Frjálslyndra þegar Grétar Mar og Jón Magnússon studdu að 30.000 tonnin sem komu til úthlutunar færu til þjóðarinnar en Kristinn vildi að þau færu beint til kvótaþega. 

Ég tel Kristinn vera tækifærissinna sem hafi misnotað velvild Guðjóns frænda síns til að komast á þing fyrir atkvæðastyrk kvótaandstæðinga. 

Farið hefur fé betra. 

[Sigurður Þórðarson, 26.2.2009 kl. 13:09]

Sæll Ryan, gott að við urðum þá loks sammála um eitthvað.

[Sigurður Þórðarson, 26.2.2009 kl. 13:28]

Takk fyrir þetta Ryan.

Ég veit ekki hvort hann vill fara aftur í pólitík hann hefur svo mikið að gera. 

Kannski les hann þetta?  Ég veit ekki hvernig þetta fer allt saman.

[Heimir Lárusson Fjeldsted, 26.2.2009 kl. 13:41]

Þið fagnið alltaf ákaft þegar burðarásar yfirgefa flokkinn. Hvort eru það þeir sem eru óhæfir eða flokkurinn?

[Sigurður Þórðarson, 26.2.2009 kl. 13:52]

Heimir þið megið eiga Kristinn.

Fyrir mitt leyti snýst þetta um málefni en ekki flokka og menn

[Þórður Magg (IP-tala skráð) 26.2.2009 kl. 14:38]

Afar athyglisvert er að frjálslyndir hafa ekki undann því að fagna brotthvarfi manna úr flokknum.  Niðurstaða mín er sú að innan skamms verði frjálslyndi flokkurinn bæði minnsti og hamingjusamasti stjórnmálaflokkur norðan Alpafjalla.  Góða skemmtun.

[Rannveig H, 26.2.2009 kl. 14:45]

Get nú ekki annað en tekið undir með Þórði Magg fagnaðarlætin eru áberandi hjá FF eftir því sem fleiri fara þetta verður yndislegt partí há ykkur í restina.

[Heimir Lárusson Fjeldsted, 26.2.2009 kl. 14:46]

[Rannveig H, 26.2.2009 kl. 15:03]

Heimir var nú ekkert hoppandi glaður að fá Jón Magg en Kristinn frændi hans á nú kanski eftir að bæta það upp.

[Heimir Lárusson Fjeldsted, 26.2.2009 kl. 15:17]

Það fer kannski að vera pláss fyrir mig hjá Frjálslyndum Rannveig og Siggi?

[Rannveig H, 26.2.2009 kl. 15:28]

Heimir það var ekki pláss fyrir mig enda er ég plássfrek og ég var með þeim fyrstu sem fóru það þurfti hvorki Jón né Kristinn til. Ef flokkshollustan er númer 1, 2 ,og 3 hjá þér og litlar sem engar skoðanir er örugglega pláss.

[Sigurður Þórðarson, 26.2.2009 kl. 15:29]

Heimir það er allstaðr pláss fyrir þig Heimir svona kurteisan og góðan mann.

[Heimir Lárusson Fjeldsted, 26.2.2009 kl. 15:34]

Bæði talið þið af viti, þekkingu og raunsæi. Takk.

[Sigurður Þórðarson, 26.2.2009 kl. 16:27]

Heimir, aðalatriðið er aðþað eru allir í góðu skapi hérna

[Jens Guð, 1.3.2009 kl. 02:44]

  Nú sem aldrei fyrr á við orðatiltækið að þungu fargi sé af okkur létt.

[B.N. (IP-tala skráð) 4.3.2009 kl. 16:13]

Alltaf gaman að fylgjast með sínum gömlu góðu félögum sem eftir eru í Frjálslynda flokknum.

Baldvin Nierlsen Reykjanesbæ

[Heimir Lárusson Fjeldsted, 4.3.2009 kl. 16:19]

Er þetta nokkuð líf eftir Kristin?