Ilmur Kristjánsdóttir gróf. Heldur áfram sem Gísli Marteinn!

Kastljós var með óvenjulegu sniði í kvöld þegar þau Ilmur Kristjánsdóttir, í gervi Gísla Marteins og Guðmundur Steingrímssonar mættu til að fara yfir fréttir vikunnar. Þátturinn var rosalega fyndinn, allavega til að byrja með en endaði með talsvert gráu gamni. Helgi Seljan er þekktur fyrir að vera  talsvert óvægin við pólitíkusa, þó ég hafi hingað til verið sáttur við hann en núna fannst mér hann ganga of langt í gráu gamni: Í fyrstu lagði Ilmur Gísla þau orð í munn að Sjálfstæðisflokkurinn hafi komið í veg fyrir að fulltrúar hinna flokkana gæfu auðmönnum Orkuveitu Reykjavíkur. En steininn tók út þegar hún lagði borgarfulltrúanum þau orð í munn að Arni M. Mathiessen hafi staðið rétt að skipun héraðsdómara, með því að setja son Davíðs í embættið þó aðrir hæfari en lakar ættaðir hefðu sótt um. Og ekki var síður gróft af henni að leggja Gísla þau orð í munn að sjálfsagt sé að deila við umboðsmann Alþingis.  Þarna gekk Ilmur alltof langt!  Hvað á þetta einelti að þýða? Er Kastljós að reyna að rústa pólitískri framtíð Gísla?

 

Hvers á Gísli að gjalda?

Athugasemdir

[Halla Rut , 9.1.2009 kl. 23:06]

Eins vel og ég þekki Sigga þá veit ég vel að hér er kaldhæðni við höfð.

Við skulum hlægja með Sigurði.

[Hólmdís Hjartardóttir, 9.1.2009 kl. 23:16]

já Ilmur var fullgróf.

[Sigurður Þórðarson, 9.1.2009 kl. 23:22]

Verst hvað gervið var gott. Það voru margir sem rugluðust,

[Haraldur Hansson, 10.1.2009 kl. 12:54]

Þessi færsla er bara flott!!!

[Baldur Hermannsson, 10.1.2009 kl. 18:12]

Já Siggi minn, kommarnir alltaf við sama heygarðshornið, nagandi æruna af fólki, en mér þykir bara verst að Gísli, þessi góði drengur, er búinn að leggja sína pólitísku framtíð í rúst og hann þurfti enga hjálp til þess.

[Þórður Magnússon (IP-tala skráð) 10.1.2009 kl. 21:01]

Stórskemmtileg grein hjá þér frændi, já þeir geta verið skeinuhættir húmoristarnir - hvort sem þeir heita Ilmur eða Sigurður.