Samfylkingin er algjörlega umboðslaus til ESB viðræðna

 Í grein sem Stefán Jóhann Stefánsson, varaborgarfulltrúi Samfylkingarinnar, ritaði í Morgunblaðið nýlega rakti hann ítarlega hvernig að forystumenn flokksins hafa afflutt svokallað "umboð" sem þeir segjast hafa úr póstkosningu og landsfundarsamþykkt, sem í raun gekk út á að kanna samningsstöðu Íslandsog skilgreina samningsmarkmið. Til þess átti að skipa 9 manna nefnd en sú vinna fór aldrei í gang

Eftir stendur þetta:

 

Samfylkingin hefur aldrei farið í saumana á hverju við myndum fórna og hvað við myndum hugsanlega fá. Samfylkingin hefur aldrei mótað samningsmarkmið  né heldur mótað stefnu um hverju megi fórna. 

Samt er Evrópusambandsaðild eina lausn Samfylkingarinnar við öllum vanda á Íslandi í atvinnu og efnahagsmálum. 

 Vissulega er Ísland illa statt og fólk kallar eftir lausnum, ýmsir hafa þó bryddað upp á lausnum í atvinnumálum t.d. í sjávarútvegi en Samfylkingin þarf ekki að taka þátt, hún hefur sagt ESB.  Mér segir svo hugur að menn sjái að ESB aðild myndi við þessar aðstæður gera illt verra og jafnvel setja í uppnám markaði utan ESB og forræði yfir sjávarauðlindinni. 

Landsþing Sjálfstæðisflokksins er markleysa þar sem forystan veit að hún verður að sækja um aðild til að bjarga ríkisstjórnarsamstarfinu.

Segir forystu ekki hafa umboð

Athugasemdir

[Jónas Tryggvi Jóhannsson, 27.12.2008 kl. 10:48]

Ég á yfir 200 blaðsíðna bók frá Samfylkingunni árið 2002 þar sem rædd eru samningsmarmið Íslands við aðild að Evrópusambandinu, og hver einasti landsfundur síðan hefur samþykkt að sækja ætti um aðild. Flokkurinn var með þetta sem stefnumál í síðustu kostningum, og var kosinn á þeim forsendum.

Stefán Jóhann er að lýsa sinni persónulegri skoðun, en ekki hver staðan er innan flokksins í raun. Formaðurinn kom í sjónvarpinu sama kvöld og sagði að þetta væri rangt hjá honum - það er því alveg ljóst að flokkurinn hefur fullt umboð frá kjósendum sínum (sem skv könnunum eru yfir 90% hlynntir aðild) - annað er bara útúrsnúningur.

[Jónas Tryggvi Jóhannsson, 27.12.2008 kl. 10:57]

Annað; við erum nú þegar partur af innri markaði evrópu, og með enga verulega samninga við markasvæði utan þess. Því mun aðild okkar að Evrópusambandinu ekki setja neina markaði í uppnám, 60-70% viðskipta okkar eru við innri markað ESB og þeir viðskiptasamningar sem við göngum inn í með ESB aðild eru mun hagstæðari en þeir sem við getum gert (enda erum við örþjóð).

Auk þess munum við sitja ein að fiskveiðiauðlindinni eftir inngöngu í Evrópusambandið. Í ESB er sameiginleg auðlindastefna, sem þýðir að nýting á sameiginlegum auðlindum er stýrt - en ekki að auðlindir séu sameiginlegar. Þannig eru t.d. auðlindir sem liggja á landamærum aðildarríkja undir forsjá Evrópusambandsins, en staðbundnir fiskistofnar eins og 85% af sjávarauðlind Íslendinga er mun vera úthlutað bara til okkar Íslendinga á meðan við þyrftum að semja um hin 15% rétt eins og nú. Sjávarútvegur á Íslandi mun því ekkert breytast við inngöngu í Evrópusambandið, við munum ein sitja að þeirri auðlind sem og öðrum hér á landi - annað er bara hræðsluáróður.

[Fannar frá Rifi, 27.12.2008 kl. 11:09]

Deildu þá með okkur Jónas hverju má ekki fórna. hvaða þættir í samninga viðræðum eru "ef við höldum ekki fullu forræði yfir þessu þá förum við ekki inn"?

eru einhver svona skilyrði eða ertu tilbúinn að fórna öllu? hvernig er annars með sjávarútveg í Bretlandi? 

[Hjörleifur Guttormsson, 27.12.2008 kl. 11:15]

Jónas Tryggvi gerði rétt í því að fara yfir málið á grundvelli flokkssamþykkta í Samfylkingunni áður en hann leggur út á ritvöllinn. Stefán Jóhann gerir ekki annað en vekja athygli á grafalvarlegri stöðu í þessu máli innan Samfylkingarinnar. Sigurður Þórðarson gerir rétt í að vekja athygli á þessu líkt og ég hef gert ítarlega á minni bloggsíðu í morgun.

Í svona stóru máli eiga stjórnmálaflokkar ekki að komast upp með að leika tveimur skjöldum eða afgreiða málin af handahófi. Ljóst er að Samfylkingin hefur ekki enn skilgreint samningsmarkmið, þótt hún krefjist aðildarviðræðna.

[Fannar frá Rifi, 27.12.2008 kl. 13:01]

Hjörleifur. Samfylkingin vill ekki skilgreina nein markmið því flokksforystan er tilbúin að fórna öllu fyrir aðild. markmið myndum aðeins flækjast fyrir aðildarviðræðum og "við segjum Já við öllu" stefnunni eins og dæminn sanna með Icesave.

[Georg Eiður Arnarson, 27.12.2008 kl. 13:30]

Það var mikið að við Fannar erum lokksins sammála . kv .

[Guðmundur Jónas Kristjánsson, 27.12.2008 kl. 13:45]

Það er alveg með ÓLÍKINDUM hversu langt Jónas Tryggvi og fleiri eru tilbúnir til að ljúga og blekkja þjóðina varðandi ESB. Ef þessi samningsmarkmið Samfylkingarinnar eru til hver eru þau t.d varðandi
sjávárútveginn? Hversu langt er Samfylkingin tilbúin til að ganga í því að
fórna yfirráðum okkar yfir þeirri mikilvægu auðlind sem fiskimiðin eru?
Og hvernig í ÓSKÖPUNUM ætlar Samfylkingin að koma í veg fyrir að útlendingar komist  yfir kvótann með tíð og tíma þegar þeim verður
gert það 100% frjálst að kaupa upp íslenzkar útgerðir með framseljanlegum
kvóta?  Allt þetta er í lausu lofti hjá Samfylkingunni, enda ætíð andskotans
sama um allla íslenzka hagsmuni.  Því á að úthýsa henni án tafar úr
íslenzkum stjórnmálum! Þjóðarhagsmunum Íslands til heilla!

[Jónas Tryggvi Jóhannsson, 27.12.2008 kl. 13:56]

Hvað gengur að þér Guðmundur; því ætti ég að vera ljúga nokkrum sköpuðum hlut! Ég vill bara þjóðinni vel, og er að segja hlutina eins og þeir eru, og finnst mjög leiðinlegt að vera vændur um blekkingar og að mér sé sama um íslensku þjóðina. Eina ástæðan fyrir áhuga mínum á inngöngu í Evrópusambandið er það hversu annt mér er um þjóðina og hagsmuni heimila á Íslandi - sjálfur hef ég engra hagsmuni að gæta sem fara ekki með hagsmunum heildarinnar. Auk þess er ég af miklum sjómanna og bænda- ættum of finnst alveg til skammar að vera vændur um að vera sama um fjölskylduna mína. 

Samfylkingin hefur eytt miklum tíma í að kanna hvernig úthlutun veiðiheimlida myndi fara fram eftir að við göngum í Evrópusambandið, og það er fullljóst að við munum ein sitja að fiskimiðunum hér við Ísland þá rétt eins og nú - og að því þurfum því ekki að breyta neinu varðandi sjávarútveginn við inngöngu. Þú hefur áhyggjur af erlendu eignarhaldi í sjávarútvegsfyrirtækjum á Íslandi, og það er þín skoðun - mér er sama hver á fyrirtækin sem eru rekin á Íslandi og hvaða peningarnir koma til Ísland - og ég held að það hafi sýnt sig berlega að Íslenskir auðmenn eru ekkert endilega góðir þjóðinni og séu ekkert að fjárfesta á Íslandi. Mætti ég þá biðja um smá samkeppni erlendis frá á þeim markaði eins og öðrum.

Þú spyrð hversu langt Samfylkingin er til í að ganga til að fórna yfirráðum okkar á auðlindinni og svarið er einfalt; Samfylkinging mun aldrei fórna yfirráðum yfir auðlindunum! Þetta er það einfalt! Til þess að sanna það er best að ganga til samninga við Evrópusambandið og fá aðildarsamning í hendurnar, og við getum þá rökrætt smáatriðin byggt á því sem stendur í honum. Við hljótum öll að geta verið sammála um að þannig sé best að vinna hlutina. 

[Fannar frá Rifi, 27.12.2008 kl. 14:23]

Jónas. komdu með það svart á hvítu að Samfylkingin sé ekki tilbúinn að fórna íslenskum sjávarútvegi á altari ESB.

[Guðmundur Jónas Kristjánsson, 27.12.2008 kl. 14:33]

Jónas. Við inngöngu Íslands í ESB þá um leið undirgöngumst við 100%
sjávarútvegstefnu ESB. Þannig að ÖLL formleg yfirráð færast úr okkar
höndum yfir til Brussel. Þar með ALLIR samningar okkar um ALLA flökku-
stofna hér við land. Sild, loðna, makríll yrði ALFARIÐ komið undir Brussel
varðandi samninga við þriðja aðila. Hefðum td ekki fiskað tonn af makríl í
sumar hefðum við verið í ESB. Og að þú skulir VOGA þér að segja það
ekki skipta máli hverjir eiga kvótann á Íslandsmiðum. Það er algjört
GRUNNDVALLARATRIÐI að það séu ÍSLENZKIR AÐILAR sem eigi hann svo
að tryggt sé 100% að ALLUR virðisauki af fiskimiðunum skili sér 100%
í okkar hagkerfi. - Að þú skulir dirfast að segj það ekki skipta máli fyrir
hagsmuni íslenzku þjóðarinnar þá ættur þú að skammast þín. Því þarna
erum við að tala um stjarnfræðilegar fjárhæðir inn í okkar hagkerfi ef
kvótinn flyst úr landi með tíð og tíma og það til frambúðar.

Það er MIKILL barnaskapur að halda því fram að við 300 þúsnd manna
þjóð geti nokkurn tíman haft áhrif á sjávarútvegsstefnu ESB.  Fyrst
Bretar sem er annað fjölmennasta þjóð innan ESB hefur hingað til
ekki geta gert það, þrátt fyrir skelfilegar afleiðingar fyrir breskan
sjávarútveg, þá er það helber blekking af ykkur ESB sinnum að halda
slíkri lýgi að þjóðinni.

ESB-aðild er meiriháttar fórn okkar yfir okkar helstu auðlind, fiskimiðum
umhverfis Ísland. Þess vegna er Samfylkingin tilbúin að fórna slíkum
hagsmunum, auk þess fullvelda og sjálfstæðu Íslandi. Svo enfallt er
það, enda hefur þú Jónas ekki enn komið með BEINA tilvitnun um
samningsmarkmið Samfylkingarinnar varðandi sjávarútveginn.
Engin. Enda ekki til!

[Sigurður Þórðarson, 27.12.2008 kl. 15:41]

Ég þakka ykkur athugasemdirnar Jónas, Hjörleifur, Fannar, Georg og Guðmundur, sem eru áhugaverðar. Ég hef ekki tíma til að blanda mér í umræðuna núna.

[Jónas Tryggvi Jóhannsson, 27.12.2008 kl. 16:37]

Áfram heldur þú að leggja mér orð í munn Guðmundur, og segir að ég skuli "VOGA þér að segja að ekki skipta máli hverjir eiga kvótann á Íslandsmiðum" - þegar ég sagði að það skipti engu máli hver ætti fyrirtækin. Fiskveiðiauðlindin er alltaf þjóðareign, það er skilgreint í stjórnarskrá lýðveldisins. Ég hélt heldur aldrei fram að við gætum breytt sjávarútvegsstefnu ESB, en fyrst þú minnist á það þá hefur okkur verið boðið að koma og vera með stefnumótandi vinnu í sambandinu vegna reynslu okkar á sjávarútvegi. Það er barnaskapur af þér að útiloka það án nokkurrar skoðunnar.

Skrýtið að rífast við þig Guðmundur - það skiptir engu máli hvað maður skrifar, það er eins og þú lesir það ekki eða meðtakir ekki það sem maður hefur verið að segja við þig. Við erum búnir að rífast um þetta í margra mánuði, og þú segir alltaf sömu hlutina.

[Guðmundur Jónas Kristjánsson, 27.12.2008 kl. 17:04]

Sömuleiðis Jónas. Sama hversu oft sama tuggan er tyggð þá skulir þú
ætíð snúa út úr og fara með RANGFÆRSLUR. Skiptir ENGU hvað stendur í
okkar stjórnarskrá Jónas eftir að gengið er í ESB. Enda þarf að breyta
henni í dag svo hún samræmist ÖLLU fullveldiframsalinu til Brussel.
Rómarsáttmálinn og ÖLL hans lög og reglur eru OFAR þjóðarrétti hverrar
þjóðar innan ESB. Þýkist þú ekki vita það Jónas? En Þetta áttu að vita. Og þá skiptir ENGU máli að tala um þjóðareign á fiskimiðunum þegar útlendingar fá sömu yfirráðaréttindi yfir kvótanum og við Íslendingar
kaupi þeir meirihluta í íslenzkri útgerð. Hversu oft þarf að tyggja þessa
bláköldu staðreynd ofan í þig Jónas? Auðvitað fer maður í illt skap að
þurfa að leiðrétta sömu rangfærslunar í þér hvað eftir annað.

Og barnaskapurinn í þér heldur svo áfram. Hversu mikil áhrif heldur þú
að við hefðum á sameiginlega fiskveiðistefnu ESB sitjandi við ESB
borðið? ENGIN í ljósi þess að ANNAÐ STÆRSTA ríki ESB  Bretland hefur setið við þetta sama ESB borð í tugi ára og hefur ENGIN áhrif haft á sjávarútvegsstefnu ESB hingað til. Talaðu við td skoska sjómenn, en breskur sjávarútvegur er í RÚST vegna aðildar hans  að sjávarútvegsstefnu ESB sbr allt  kvótahoppið svokallaða. Þannig allt er þetta út í hött hjá
þér Jónas eins og hvernig Samfylkingin hagar sér í dag í þessum málum.

[Árni Gunnarsson, 27.12.2008 kl. 17:38]

Við skulum fara að undirbúa að taka upp- eða tengja okkur við annan gjaldmiðil og hætta þessu ESB rugli. Hvernig á örþjóð með auðlindir á borð við okkar að geta grætt eitthvað á því að ganga í ríkjasamband?

Bölvað rugl er þetta!

[Sigurður Þórðarson, 27.12.2008 kl. 22:11]

Að öðrum ólöstuðum finnst mér Árni oftast sérlega fundvís á kjarna málsins.

[Jóna Kolbrún Garðarsdóttir, 28.12.2008 kl. 01:56]

Ég er algjörlega sammála Árna Gunnarssyni. 

[Jónas Tryggvi Jóhannsson, 28.12.2008 kl. 20:41]

Ekkert bölvað rugl; Ísland getur ekki tekið upp einhliða aðra mynt vegna þeirra skulda og skuldbindinga sem ríkiðsjóður hefur! Ríkði væri gjaldþrota ef skuldunum yrði breytt í erlenda mynt, og ríkið þyrfti allt í einu að fara útvega gjaldeyri fyrir það fé sem vill komast úr landi. Áhlaupið á annars veika ríkisbanda yrði þvílíkt að innistæður myndu tæmast hratt, og ekkert að ástæðulausu; það myndi enginn treysta því að ríkið gæti haldið úti öðrum gjaldmiðli en krónunni! seðlabankinn gat ekki einusinni verið með fastgengi í heilan dag fyrir nokkrum vikum síðan!

Það á að hætta þessum skyndilausnum og taka á vandamálunum almennilega - hér verður ekkert skipt um gjaldmiðil án hjálpar, og þess vegna er mikill gróði af því að ganga alla leið í Evrópusambandið fyrir Ísland, í stað aukaaðildar okkar í gegnum EES.

[Fannar frá Rifi, 28.12.2008 kl. 21:37]

þessu heldurðu fram og getur síðan ekki beint á eitt né neitt sem segir að Samfylkingin sé ekki tilbúinn að gefa allt frá sér í viðræðum við ESB.

hvernig er það með gjaldeyrishöfting sem Ingibjörg og vinir settu á? hefur það ekki stoppað þetta allt saman? erum við ekki með tæpa 6 milljarða dali að láni? hafa ekki hinir ýmsu fræðimenn og sérfræðingar sem Samfylkingin hefur hreykt sér af að hún fari að þeirra ráðum, sagt að upptaka annars gjaldmiðils sé sára einföld?  

Jónas málflutningur þinn heldur ekki vatni og hefur aldrei gert. Við munum ekki fá evruna innan ESB fyrr en við höfum gert upp einmitt þessar skuldir sem þú nefnir og þær verða ekki gerðar upp fyrr en einhverntíman eftir 2020. þannig að Evran í gegnum ESB er möguleg fyrir 2025. frábær lausn að ganga í ESB til þess að skipta um gjaldmiðil og auka stöðugleikann í dag. 

eina skyndilausnin sem hefur verið rædd er tuð ykkar ESBsinna um að ESB muni bjarga öllu og umbreyta landinu svo að smjör drepi hér af hverju strái. 

við eigum að einbeita okkur að því að byggja upp þetta land og sjá til eftir 4 til 6 ár hvort að ESB sé álitlegur kostur. 

[Sigurður Þórðarson, 28.12.2008 kl. 21:48]

Fannar þú hefur lög að mæla, við höfum enga samningsstöðu að fara inn núna með skuldir upp fyrir haus og Samfylkinguna í stjórn án samningsmarkmiða eins og lóðatík að komast inn án skilyrða af okkar hálfu.

Heyrðuð þið í Páli Skúlasyni fyrrv. Háskóarektor sem sagði landstjórnina vera landráðamenn af gáleysi en landráðamenn samt?