Skatan í Sægreifanum

Ég átti erindi í  Tollinn í gær og rann bókstaflega á lyktina eða réttara sagt ilminn af vel kæstri skötu hjá vini mínum honum Kjartani sægreifa, þar sem hann er að undirbúa fiskverslun hjá veitingastaðnum. Skatan er misjafnlega mikið kæst allt eftir smekk hvers og eins. Sjálfur mæli ég með vel kæstri tindabikkju með kartöflum rúgbrauði og vestfirskum hnoðmör með örlítilli flís af selspiki, sem ég vandist á að borða þegar ég var til sjós fyrir vestan.

Þetta úrvalsfæði fæ ég hvergi nema hjá Kjartani sægreifa, sem ólíkt öðrum sægreifum er kvótabani.

„Ætti að vera orðin vel kæst“

Athugasemdir

[Jakobína Ingunn Ólafsdóttir, 17.12.2008 kl. 17:55]

Já það er gott að dreifa huganum við árstíðina. Ég þarf bráðum að fara að huga að skötunni.

[Rósa Aðalsteinsdóttir, 17.12.2008 kl. 19:03]

Sæll og blessaður

Á að drífa sig á Sægreifann með frúnna á Þorláksmessudag?

Vertu Guði falin.

Kær kveðja/Rósa