Þorgerður Katrín um Davíð: Starfar í þágu Sjálfstæðisflokksins

Í forystugrein Fréttablaðsins í dag er vakin athygli á ummælum Þorgerðar Katrínar Gunnarsdóttur menntamálaráðherra um Davíð Oddsson seðlabankastjóra, aðspurð um undarlega háttsemi Davíðs sagði hún:  "Ég er þess fullviss að formaður bankastjórnar seðlabankans muni á endanum velja þá leið sem er best fyrir Sjálfstæðisflokkinn" Tilvitnun líkur.  Það er með öðrum orðum skilningur varaformanns Sjálfstæðisflokksins að bankastóri Seðlabankans eigi að vinna að hagsmunum Sjálfstæðisflokksins og setja þá ofar þjóðarhag.  Davíð er sem sagt enn foringi í genginu!

Davíð: Of mikið gert úr ummælum

Athugasemdir

[Rannveig H, 5.12.2008 kl. 08:57]

Það er von að frúnni finnist spennandi og skemmtilegir tímar framundan hjá sér.

[Sigurður Þórðarson, 5.12.2008 kl. 09:00]

Já Rannveig, hjá sér og sjálfstæðismönnum.

[Jón Valur Jensson, 5.12.2008 kl. 09:06]

Rétt hjá þér, Sigurður, og ekki eru betri ummæli hans sjálfs um að sá flokkur sem hann eigi (tilheyri) sé Sjálfstæðisflokkurinn. Hliðstæð ummæli væru t.d. mjög óviðeigandi af hálfu forseta Íslands, biskups Íslands eða hæstaréttardómara. – M.b.kv.,

[Sigurður Þórðarson, 5.12.2008 kl. 09:19]

Rétt Jón Valur, hann virðist hafa einstakt lag á að vera óviðeigandi, samt líta forystumenn Sjálfstæðisflokksins á seðlabankastjóra sem leiðtoga sinn sbr ummæli Þorgerðar.  Römm er sú taug

[Hörður Mar Karlsson (IP-tala skráð) 5.12.2008 kl. 09:19]

Þetta eru nymæli hja sjöllunum fyrst koma þeir svo koma þeir aftur, siðan kemur hitt pakkið. I siðuðum löndum þyrfti raðherra sem segði svona að segja af ser og einnig seðlabankastjorinn fyrir sin ummæli.

[Sigurður Þórðarson, 5.12.2008 kl. 09:27]

Hörður, þetta er alveg rétt hjá þér en þeir segja ekki af sér enda taka þeir ekki eftir þessu sjálfir. Í því felst siðblindan.

[Ólína Kjerúlf Þorvarðardóttir, 5.12.2008 kl. 10:39]

Já, þetta eru makalaus ummæli og því miður lýsandi fyrir viðhorf svo margra Sjálfstæðismanna, þ.e. að þeir séu þjóðin.

Ég setti tengil á þessa færslu þína Sigurður.

[Jóna Kolbrún Garðarsdóttir, 5.12.2008 kl. 10:42]

Dæmigert eftir fréttir undanfarnar vikur.

[Sigurður Þórðarson, 5.12.2008 kl. 10:44]

Takk fyrir það Ólína, það er þó þakkarvert að Þorgerður skuli opinskátt viðurkenna þetta.

[Jakobína Ingunn Ólafsdóttir, 5.12.2008 kl. 12:52]

Já þetta afhjúpar slíka siðblinduna á þeim bæ. Það má oft lesa af máli Þorgerðar það hugarfar sem ríkir innan forystunar. Hún er svo steypt í þetta mót að hún fattar ekki að það sé neitt athugavert við þetta.

Þess vegna segi ég þetta fólk á aldrei eftir að læra. Þetta fólk getur ekki gert neitt fyrir þjóðina vegna þess að í hugum þess er hún aukaatriði.

[Sigurður Þórðarson, 5.12.2008 kl. 13:04]

Rétt hjá þér Jakobína, Þorgerður er vel gefin kona en hún er búin að vera svo lengi "innvígð og innimúruð" eins og það er kallað, að hún virðist hafa tileinkað sér þetta spillta hugarfar.

[Jóhanna Magnúsar- og Völudóttir , 5.12.2008 kl. 13:19]

Váts, sagði hún þetta virkilega!

[Sigurður Þórðarson, 5.12.2008 kl. 14:15]

Já það gerði hún Jóhanna

Kannski sannast þarna hið fornkveðna að það er tungunni tamast sem hjartanu er næst.

[Baldur Fjölnisson, 5.12.2008 kl. 17:19]

Hún er sjálfsagt á milli lyfja, eins og Davíð ...

[Sigurður Þórðarson, 5.12.2008 kl. 17:29]

Sæll Baldur, gaman að sjá þig.

Allt gott að frétta?

[Baldur Fjölnisson, 5.12.2008 kl. 18:02]

Jamm, maður hjarir ennþá í skaplegri vinnu hjá góðu fyrirtæki.

[DoctorE (IP-tala skráð) 5.12.2008 kl. 20:34]

Hvaða mismunun er að hafa Þorgerði ekki á þessari mynd.. hvar er femínistafélagið eiginlega ;)

[Rannveig H, 5.12.2008 kl. 21:02]

Góður DoctorE

[Jens Guð, 5.12.2008 kl. 21:21]

  Þessi ummæli útskýra margt.  Meðal annars um störf Þorgerðar þegar Sigurður G.  Tómasson var rekinn frá rás 2 og hún ráðin yfirmaður rásarinnar í hans stað.  Þótti þá ýmsum sem rás 2 væri einn allsherjar sellufundur hjá stuttbuxnadeildinni.  

[Sigurður Þórðarson, 5.12.2008 kl. 21:37]

Þetta er alls ekki mismunun kæri Doktor, þvert á móti hlífa stákarnir henni við svona karlmannsverkum f því að þeir vilja vera sætir í sér eins og þú sérð á myndinni.

[Sigurður Þórðarson, 5.12.2008 kl. 21:39]

Ég er sammála þér Jens, það má lesa margt í þessi ummæli.

[Árni Gunnarsson, 5.12.2008 kl. 23:06]

Sjálfstæðisflokkurinn er ráðvillt hjörð og aumkunarverð. Tilvistarkreppa flokksins stafar af forystuleysi sem verður enn meira áberandi vegna gamla einvaldsins sem situr á fjósbita sínum í Seðlabankanum og getur ekki á sér setið með að verða sínum arftökum til vandræða hvenær sem hann fær því við komið.

Þorgerður aðstoðarflugstjóri er á báðum áttum og talaði af sér þegar hún taldi að Davíð ætti að víkja úr Seðlabankanum. Nú hefur hún séð að sér þegar í ljós kemur að Flokkurinn hefur ekki burði til að koma Dabba frá og þá kemur í ljós hið fornkveðna að "Man sauður hvar lamb gengur." Hún er pólitískt fósturbarn Davíðs og ósjálfrátt sendir hún honum bænarkall þegar syrtir í álinn eins og nú.

Gömlu ævintýrin sem notuð voru til að hrella börnin sögðu frá þursanum sem var svo óviðráðanlegur að þegar höfuðið var höggvið af honum þá uxu samtímis tvö í staðinn!

[Sigurður Þórðarson, 6.12.2008 kl. 00:01]

Vel að orði komist

[Rósa Aðalsteinsdóttir, 6.12.2008 kl. 00:20]

Sæll Siggi minn.

Þetta er auðvita út í Hróa Hött.

Skemmtileg myndin.

Vertu Guði falinn.

Kær kveðja/Rósa

[Sigurður Þórðarson, 6.12.2008 kl. 00:23]

Takk sömuleiðis

[Svava frá Strandbergi , 6.12.2008 kl. 17:52]

Davíð velur fyrst og fremst það sem honum finnst best fyrir hann sjálfan. Hann er eiginhagsmunaseggur og hefur alltaf verið eins og allir sjáfstæðismenn. Minnstu svo  ekki á Þorgerði Katrínu ógrátandi, hún er algjörlega óþolandi kvenmaður. svo hrokinn og sjálfumgleðin skín af henni langar leiðir.

[Sigurður Þórðarson, 6.12.2008 kl. 17:59]

Þorgerður má eiga það að hún viðurkennir það sem flestir hinna forðast eins og heitan eldinn það er að flokkshagsmunirnir séu á undan þjóðarhagsmunum.

[Hallgrímur Guðmundsson, 6.12.2008 kl. 18:16]

Þarna kemur staðfesting á því sem ég sagði hér, Davíð hefur aldrei farið neitt hann skipti bara um skrifstofu og fékk nýtt símanúmer.

Djö....... og rosalega mörg óprenthæf lýsingarorð í viðbót...

[Sigurður Þórðarson, 6.12.2008 kl. 20:32]

Rétt hjá þér Halli en hann hefur líka alið Þorgerði Katrínu vel upp.

[Gunnar Skúli Ármannsson, 6.12.2008 kl. 20:43]

Mjög góð færsla hjá þér Siggi. Aftur á móti er þetta grafalvarlegt mál. Upplifun þjóðarinnar er sú að flokkarnir hugsi fyrst um hag sinn. Því kemur þessi staðfesting Þorgerðar okkur ekki svo mikið á óvart. Á einhvern hátt þarf þjóðin að finna leið úr þessu öngstræti flokksræðisins.

[Sigurður Þórðarson, 6.12.2008 kl. 20:53]

Satt segir þú Gunni mágur.

Það væri æskilegt að einhver blaðamaður spyrði Þorgerði beint að þessu og benti henni á að bæði hún og Davíð þiggja laun frá þjóðinni en ekki flokknum.

[Haraldur Jóhannson (IP-tala skráð) 7.12.2008 kl. 00:37]

Sigurður. 

Þú yrðir góður pólitíkus, tekur orð Þorgerðar, tekur þau listilega úr samhengi og bloggar síðan um. Raunin er hins vegar sú að Þorgerður var ekki að tala um að Davíð væri að vinna fyrir Sjálfstæðisflokkinn í seðlabankanum og þeim stöfum sem hann vinnur þar "fyrir þjóðina" (maður er nú efins um það) heldur var hún að tala um þá "hótun" hans að fara aftur út í pólitík og að hann ætti í þeim efnum (fara út í pólitík) að hugsa um hag flokksins í pólitískum skilningi, þar sem hann er nú mjög óvinsæll virðist vera í dag (hann er flokksbundinn í Xd og í raun  ekkert að því).

Þetta tengist ekki störfum hans í seðlabankanum, heldur einungis þeim ummælum að hann kæmi aftur í stjórnmálinn ef honum yrði vikið úr embætti, sem yrði hugsanlega ekki gott fyrir flokkinn (þó ég útiloki ekkert). 

Í mínum huga væri það ekki leiðin að betra samfélagi,sem þú predikar, ef allir tækju upp á því að snúa ummælum úr samhengi til þess að koma höggstað á aðra.

Einnig vil ég taka það fram að ég hef aldrei kosið Sjálfstæðisflokkinn og mun ekki gera það.

[Sigurður Þórðarson, 7.12.2008 kl. 01:06]

Ágæti Haraldur Jóhannson, ég vil byrja á að þakka þér þá hugulsemi að  koma að þínum skilningi á þessum orðum: "Ég er þess fullviss að formaður bankastjórnar seðlabankans mun á endanum velja þá leið sem er best fyrir Sjálfstæðisflokkinn"  Hún nefnir ekki Davíð á nafn heldur embættismann sem gegnir starfi formanns bankastjórnar seðlabankans. Það gerir skýringu þína enn ólíklegri að ef hann fer í pólitík mun hann ekki samhliða gegna starfi formanns bankastjórnar seðlabankans. En takk samt.

 

[Guðrún María Óskarsdóttir., 7.12.2008 kl. 02:49]

Sæll Siggi.

Myndin er alveg milljón... he he...

Þorgerður reynir að slá sig til riddara en tekst illa upp í þessu sambandi.

kv.gmaria.

[Sigurður Þórðarson, 7.12.2008 kl. 11:00]

Sæl Þorgerður fær ekki að vera með á myndinni. Það er ekki kvenmannsverk að brjótast inn í banka.  Ég vona samt að hún kæri mig ekki til jafnréttisráðs.

[Óskar Helgi Helgason (IP-tala skráð) 8.12.2008 kl. 00:09]

Heill og sæll; Sigurður, líka sem aðrir skrifarar og lesendur !

Hygg; sökum yfirdrifinna skapsmuna minna, að ég láti kyrrar liggja, allar ályktanir mínar, um það viðfangsefni þitt, hvert þú reifar, hér og nú, Sigurður minn.

Þakka þér samt; ágæta samantekt, sem oftar og fyrr.

Skal nú kyrrt verða, um hríð,, af minni eykt.

Með baráttukveðjum góðum, sem ætíð /

Óskar Helgi Helgason

[Sigurður Þórðarson, 8.12.2008 kl. 00:47]

Þakka innlitið og góðar kveðjur Óskar og gangi þér allt vel.