Flugvélin tók Ásmund! Skúbb.

Ásmundur Jóhannsson réri vaknaði snemma í morgun, með sól í sinni og klukkan 05:00 lét hann úr höfn við annan mann frá Sandgerðishöfn í góðu veðri og stefndi happafleyinu, Júlíu Guðrúnu á Flóann.  Þeir voru í ágætis fiski aðallega ufsa og þorsk, þegar þeir voru truflaðir af flugvél Landhelgisgæslunnar TF Sýn og skipað að halda til hafnar. Tveimur tímum seinna eða k.l. 16:00 komu þeir að landi og þar biðu þeirra fílefldir lögregluþjónar. Aflinn var ágætur eða rúm 600 kíló af stórum og fallegum fiski.

Ég vonast til að geta birt myndir í kvöld úr veiðiferðinni. 

 

Hér kemur fyrsta myndin af Ásmundi  úr veiðiferðinni

 

Vinnandi menn þurfa að taka hraustlega til hatar síns.

Flugvél Landhelgisgæslunnar bar að þegar sægarpurinn og kvótabaninn var að matast.

Undirskriftalisti

Athugasemdir

[Árni Gunnarsson, 16.7.2008 kl. 19:08]

Hvernig er þetta með gömlu þrælakistuna á Bessastöðum, ætli hún sé ennþá tiltæk fyrir snærisþjófa og aðra ámóta stórglæpamenn?

En mikið gerir þessi aldna hetja mörgum yngri trillukörlum skömm til.

 Nú ætlast ég til þess að forsætisráðherra, sjávarútvegsráðherra, forstjóri Hafró og Fiskistofustjóri komi sér fyrir á mynd með Ásmund á milli sín. Lögreglunni er skylt að hlýða skipunum sinna yfirmanna og bera enga skömm af málinu.

[Rannveig H, 16.7.2008 kl. 20:35]

Það er satt sem Árni seigir,'Asmundur gerir sér yngri mönnum skömm til,en mikið er ég stolt af þessum sjómanni að láta  ólög stjórna sér.

[Sigurður Þórðarson, 16.7.2008 kl. 21:04]

Sæl Árni og Rannveig. Þið segið nokkuð "gera skömm til".  Áhættan sem menn hafa tekið er sú að afli, veiðarfæri og bátur hafa verið gerð upptæk en auk þess hafa menn misst þakið ofan af sér, eitthvað sem menn skirrast við þegar þeir hafa börn á framfæri.

[Árni Gunnarsson, 16.7.2008 kl. 22:35]

Þú hefur svo sem lög að mæla þarna frændi sæll. Ég sá þetta kannski fyrir mér sem fjöldahreyfingu þar sem margir bátar reru frá sömu verstöð og flestar smábátahafnir væru samtímis í aðgerðinni. Þá hefði þetta mannréttindabrot orðið heimsfrétt ásamt þeim lögregluaðgerðum sem fylgdu.

Það er orðið þröngt fyrir dyrum þegar mannréttindabrot eru varin með atbeina lögregluvalds.

[Sigurður Þórðarson, 16.7.2008 kl. 23:55]

Nákvæmlega