Sérfræðingar íslenska utanríkisráðuneytisins til Pakistan

Hlutverk Íslands á alþjóðavettvangi verður seint ofmentið eftir að við leystum upp Járntjaldið með því að leyfa Gorbasef og Reagan að hittast hérna. Íslendingar tóku þátt í hernaðinum í Írak og það er óþarfi að gera grín að því að okkur hafi næstum því tekist að finna gjöreyðingavopnin. Staðreyndin er sú að sérfræðingar Landhelgisgæslunnar hefðu fundið þau og eytt þeim ef þau hefðu verið til staðar. Við munum öll þegar Ingibjörg Sólrún fór til Afganistan að yfirlýstur tilgangur ferðarinnar var sá að hún myndi setja sig inn í gríðarlega flóknar ættflokkadeilur í landinu. Sjá :
Auðvitað dugar ekki ein stutt ferð til að Ingibjörg geti sett sig rækilega inn í málin en þetta er mikilvægt fyrsta skref og við væntum öll mikils árangurs þegar hún hefur kynnt sér þessar deilur til hlítar.  
En fyrst við erum á góðri leið með að leysa málin í Afganistan finnst mér að við ættum að taka á þessu í Pakistan í leiðinni, þetta eru jú nágrannaríki.  Ingibjörg gæti fengið  Margréti Sverrisdóttur, formann Kvennaréttindafélagsins með  sér því þær eru báðar vanar að setja upp  islömsk höfuðföt.

Sjálfsvígsárás í Pakistan

Athugasemdir

[Ásdís Sigurðardóttir, 6.7.2008 kl. 16:48]

[Óskar Helgi Helgason (IP-tala skráð) 6.7.2008 kl. 17:17]

Heill og sæll; Sigurður, og aðrir skrifarar !

Hefi engu við, að bæta. Snilldarfærzla, sem þér var einum lagið, Sigurður minn.

Með beztu kveðjum, sem jafnan / Óskar Helgi Helgason  

[Rósa Aðalsteinsdóttir, 7.7.2008 kl. 00:47]

Sæll Siggi minn.

Meiri sperringurinn hjá sumum að þykjast vera að leysa málefni annarra þjóða á meðan þjóðarskútan er strönduð hér. Ömurlegt að vera í því að reyna að fá atkvæði hjá þjóðhöfðingjum sem eru stöðugt að vinna ljót verk gegn þegnum sínum.  Ættu að líta sér nær og skoða fjármálin okkar og ráða menntaða sérfræðinga í stöður Seðlabankans og eins þegar er verið að mynda nýja ríkisstjórn þarf að fá einhvern sem hefur vit á rekstri í stöðu fjármálaráðherra. Ekki einhvern dýralæknir eða uppgjafa þingmenn í stöður Seðlabankastjóra.

Þvílík mæða.

Kær kveðja og Guðs blessun/Rósa