Ríkisstjórnin ætlar ekki að virða mannréttindi á Íslandi

Ríkisstjórnin hefur nú lýst því yfir að hún ætlar að hundsa niðurstöðu Mannréttindanefndar Sameinuðu þjóðanna og greiða ekki bætur til þeirra manna sem mannréttindi voru brotin á eins og mannréttindanefndin ályktaði að skyldi gert.

Margir hæstaréttarlögmenn og fyrrum hæstaréttardómari hafa fullyrt að úrskurður nefndarinnar sé bindandi að þjóðarrétti. Það gerir líka Aðalheiður  Ámundadóttir laganemi sem unnið hefur að ritgerð um álit mannréttindanefndarinnar, um mál þetta segir hún: "Má þar fyrst nefna að Íslenska ríkið hefur fullgilt hina 'valfrjálsu bókun' þess efnis að einstaklingar geti sent erindi til nefndarinnar til umsagnar. Bókunin er sérstakur viðauki við mannréttindasamninginn og því sérstakur þjóðréttarsamningur. Að auki er bókunin valfrjáls og ríkinu bar engin skylda til að fullgilda hana. Ríkið gerði það hins vegar og því er ansi fjarstæðukennt að ætla nú að hafa það að engu."

Bæði Geir Haarde og Ingibjörg Sólrún Gísladóttir hafa lýst því yfir að að ríkisstjórninni beri ekki að virða þennan úrskurð. Þau hafa þessi í stað ákveðið að þæfa málið í nefnd og segjat ætla að fikra sig í átt að áliti mannréttindanefndarinnar á löngum tíma. Byrjunin lofar ekki góðu þ.e. að neita að greiða nokkrar bætur til þeirra einstaklinga sem sannanlega voru brotin mannréttindi á.   

 

 

Ekki forsendur til að greiða skaðabætur

Athugasemdir

[Ásdís Sigurðardóttir, 1.6.2008 kl. 22:45]

Var nokkurntíman von??

[Sigurður Þórðarson, 1.6.2008 kl. 22:51]

Þykjast Íslendingar ekki vera að skipta sér af mannréttindum úti í heimi? Ég vil ekki trúa því að mönnum sé sama.

Ef það er engin von þá verður að skipta um stjórnarherra. 

[Haraldur Davíðsson, 1.6.2008 kl. 22:57]

Það er löngu ljóst Sigurður.

[Guðrún María Óskarsdóttir., 1.6.2008 kl. 23:51]

Takk fyrir daginn í dag Sigurður, þetta var flott.

kv.gmaria.

[Sigurður Þórðarson, 1.6.2008 kl. 23:57]

Haraldur, þá er bara að spýta í  lófana. Kerfið fellur um sjálft sig fyrr eða síðar

Guðrún takk sömuleiðis 

[Jón Valur Jensson, 2.6.2008 kl. 10:42]

Sammála þessari grein þinni, Sigurður. Hitt vil ég þó ítreka, að við eigum líka að láta okkur mannréttindi annarra þjóða miklu varða, og gleymum því ekki, að í sumum tilvikum er þar beinlínis um líf eða dauða að tefla. Við eigum t.d. ekki að sitja hjá, meðan Súdanstjórn (studd af Kínastjórn) horfir á það með þegjandi velþókknun, að vígasveitir fremji fjöldamorð í Darfúr. Við gætum bæði beitt okkur í því máli á vettvangi Sameinuðu þjóðanna með því að styðja vopnaða íhlutun þeirra og eins boðizt til að taka við flóttamönnum frá Darfúr. Fyrir hvern einn palestínskan flóttamann frá Írak hefði verið ástæða til að taka við fimm flóttamönnum frá Súdan.

[Sigurður Þórðarson, 2.6.2008 kl. 11:34]

Takk fyrir þína góðu athugasemd Jón. Um hana vil ég segja þetta: Þeir sem eru með allt í drasli hjá sér eru síður til þess fallnir að taka til hjá öðrum.  Við eigum að gæta að "bróður okkar" hvort heldur hann býr í Darfur eða annarsstaðar. Við búum í litlu landi sem til skamms tíma var talið harðbýlt en hér ríkti samkennd.  Í dag á þjóðin endurnýjanlegar auðlindir í fiskimiðum og orku auk þess sem við höfum nægt vatn.  Þetta er meir en margar aðrar þjóðir hafa. Hér er gott að búa en við sjáum merki þess að þjóðin sé að gliðna. Við eigum að hjálpa öðrum en ef við gætum ekki að okkar litla viðkvæma samfélagi verðum við síður fær til þess.

[Bumba, 3.6.2008 kl. 06:59]

Sæll, mikið sammála þér sem svo oft. Eitt í viðbót, NIÐUR MEÐ SAMFYLKINGUNA. Með beztu kveðju.

[Óskar Arnórsson, 3.6.2008 kl. 13:30]

Ef Ríkistjór er nákvæmlega sama um eigið fólk, er þá ekki ástæða að ætla að því sé nákvæmlega sama um fjöldamorð í Súdan og mannréttindabrot af öllu tagi! Það er ekki nóg að tala fallega, enda eru bæði verk þeirra og orð orðin ljótari enn orð fá lýst! Það á að slíta þingi og losa sig við þetta fólk sem er gjörsamlega orðið forskrúfað...

[Rósa Aðalsteinsdóttir, 3.6.2008 kl. 20:53]

Sæll Siggi sæti.

Ætli Geir sé að bjóða Ingibjörgu Sólrúnu út að borða? Hvaða hvísl vesen er á þeim?  Það er nú ekki meðmæli fyrir konungshjónin að hunsa úrskurð Mannréttindadómsstóls Sameinuðu þjóðanna á sama tíma eru þau að sækjast eftir aðild að Öryggisráði Sameinuðu þjóðanna. Getur ekki virkað jákvætt fyrir þjóðir sem vita um úrskurð Mannréttindadómsstóls Sameinuðu þjóðanna.

Baráttukveðjur/Rósa

[Óskar Arnórsson, 3.6.2008 kl. 22:47]

geir Haarde og Ingibjörg Sólrún er tveggjamanna póltískur sértrúarsöfnuður af verri gerðinni..langar ekki að vera með neinn forarkjaft, þess vegna segi ég ekkert meira..