Bill Clinton slær Obama undir buxnastreng, fyrir frúnna.

Þær eru sérkennilegar gróusögurnar um Barrak Obama, sem rekja má til kosningateymis Hillary Clinton.  Þeim kvitt hefur  verið komið á  kreik að hann sé  muslimi og andasnúinn  gyðingum , sem hvorutveggja er drottinssvik í  henni Ameríku.  Á netinu má lesa urmul greina um að hann skilji Kóraninn aldrei við sig  og geymi hann á náttborðinu.  Sjaldnast hefur verið hægt að reka þetta til háttsettra kosningastjóra.

 

Nú var undartekning á því þegar gamli Bill Clinton gaf í skyn að Barrak Obama hefði föðurlandsást og ynni ekki landi sínu.

Einhvertíma  heyrði ég það hjá Bubba og Ómari að það ætti að draga stig af dónum sem kýldu undir beltisstað.

Bill Clinton gagnrýndur

Athugasemdir

[Jens Guð, 23.3.2008 kl. 00:23]

  Ég hef aldrei fylgst mjög náið með kosningabaráttu í Bandaríkjunum.  En mér er sagt af mér fróðari markaðsfræðingum að þar sé reynt á öll þolrif markaðsfræðinnar.  Þrátt fyrir að lýðræði í Bandaríkjunum sé að sumu leyti vanþróað þá er þetta fjölmennasta lýðræðisríki veraldar.  Þetta er jafnframt það lýðræðisríki þar sem virkilega er látið reyna á þanþol "trixanna".  Árangurinn af þeim tilraunum eru síðar mátuð við kosningabaráttu annarra vestrænna ríkja.

  Burt séð frá því er bloggið þitt komið í 33ja sæti yfir vinsælustu bloggin.  Stöðugt á uppleið.  Enda,  eins og Daníel sonur minn sagði í kvöld:  Ein af hressilegustu og skemmtilegustu bloggsíðunum.

[Rannveig Margrét Stefánsdóttir (IP-tala skráð) 23.3.2008 kl. 00:54]

Gleðilega hátíð.  Guðs blessun yfir þér og þínum veri.

[Sigurður Þórðarson, 23.3.2008 kl. 11:53]

Sæll Jens, gamli góði vinur.

Ég er svo sem enginn áhugamaður um stjórnmál þar vestra heldur, hvað þá að ég telji mig vita eitthvað að gagni um þau mál. Hitt er annað að Bandaríkin eru eina heimsveldið og þannig séð varðar okkur öll með beinum og óbeinum hætti í hvaða átt Bandaríkin þróast. Besta kveðja til strákanna þinna. Sæl Rannveig, ég þakka þér góða kveðju á þessum helga degi og endurgeld þér þínar góðu óskir um gleðilega hátíð. Sæll Viðar, ég veit afskaplega lítið um páskana en get þó fullyrt með öruggri vissu að þeir tengjast með engum hætti norrænni heiðni, sem ég þekki aftur vel til. Það merkilega við þessa gömlu hátíðisdaga forfeðra okkar er að þeir hafa lifað allar trúarumbreytingar, þó önnur merking sé að einhverju leyti lögð í þá. Mér skilst að páskarnir hafi í Miðausturlöndum verið vorhátíð, þá urpu fuglar fyrsta lambinu var slátrað osf.  Það segir sig sjálft að þetta passar ekki við okkar veðurfar. Þess utan notuðu norrænir menn vikur og daga sem tímamælieiningu og hátíðir þeirra báru upp á sama tíma en það gera páskar ekki. 

Gleðilega páska.