Af hverju ganga Íslendingar ekki í Noreg?

Íslendingar eru dvergþjóð, sem sem býr að tveimur sérlega verðmætum auðlindum, sem eru auðugustu fiskimið í N-Atlandshafi og endurnýjanlegar orkuauðlindir. Eftir nokkra ára kæruleysi í efnahagsstjórninni er svo komið að fjölmargir hafa tapað lönguninni til að varðveita sjálfsstæði Íslands.  Heill stjórnmálaflokkur, hvers formaður er nú í Langtíburtustan, með fulltingi 5 sérsveitarmanna sem lífvara,  að kynna sér ólík sjónarmið stríðandi ættflokkahöfðingja,  gengur þar lengst og lítur á það sem sáluhjálparatriði að losna við krónuna og forræði yfir fiskimiðunum.  Þeim finnst þetta komið í vonlausa stöðu hvort sem er og nenna ekki að pælaíþví.  En fyrst að er kominn þessi leiði, getum við væri ekki haldið áfram á sömu braut.  Evrópusambandið  vill að sjálfssögðu komast yfir fiskimiðin okkar sem myndi endanlega gera út af við sjávarbyggðirnar. Væri ekki nær fyrir okkur að ganga í Noreg? Það virðist  styttra og áhættuminna skref fyrir Ísland.

Athugasemdir

[Óskar Arnórsson, 15.3.2008 kl. 13:54]

Frábært Siggi! Ekki það að ég trúi að Norðmenn hafi nokkurn áhuga á að vera barnapíur Íslendinga, þá er er það alla vega meira vit en að REYNA að snobbast inn í ESB!

Ef við gætum haft manndóm í okkur og eynt að ná samkomulagi við Norðmenn að senda h´pa af Íslendingum til náms í Fiskeldi og vera með í þeirra frábæru hugmyndum þá er þetta með bestu hugmyndum um að fjárfesta af viti í einhverju sem myndu rífa upp þjóðartekjur Íslendinga.

Langar að skrifa heilmikið, en er upptekinn í augnablikinu. Það eru alltof fáir sem skilja þeitta nema þá Guðbjörn ráðgjafi sem mér finnst nú persónulega sem efni í Fjármálaráðherra. Svo snjall er nú sá maður að mínu viti. Tak fyrir gott innlegg. 

[Heimir Lárusson Fjeldsted, 15.3.2008 kl. 13:57]

Auðvitað er löngu tímabærrt að halda aftur heim á leið eftir ellefu hundruð ára skreppitúr.

Við höfum klárað okkur bærilega, en heima er best;-)

Olíuauður þeirra og Lífeyrissjóðirnir okkar; frábært saman.

[Gestur Guðjónsson, 15.3.2008 kl. 14:35]

Við getum líka sagt að Danmörk hafi verið hersetin þegar við lýstum yfir sjálfstæði frá þeim og því sé sú yfirlýsing ómark og við séum í raun ennþá í danska ríkjasambandinu!

[Óskar Arnórsson, 15.3.2008 kl. 15:20]

Það er kannski eina vonin okkar Gestur! Að skila bara íslenska fánanum og biðja Dani afsökunar á þessari fljótfærni okkar 17.júní 1944. Vona að þeir síðan hjálpi okkur á sama hæatt og Færeyjum þegar Japanir gerðu tilboð í alla þjóðina vegna skulda!! hehehe..

[Sigurður Þórðarson, 15.3.2008 kl. 21:26]

Já Mannsi, það yrði líklega miklu meira vit í að ganga í Noreg. Þeir eru nokkuð góðir gagnvart sínum útkjálkum í norðri, við yrðum að eftirláta þeim Snorra Sturluson en flestum yrði svo sem sama. Pizzukynslóðin þekkir varla til Snorra, hvað þá Einars Þveræings og Héðins milda. Rétt Mannsi, Guðbjörn er einstakur í sinni röð og gefst aldrei upp.   Ekki galin hugmynd Heimir, svo gætum við sameinað alla stjórnmálaflokka á Íslandi í einn heimastjórnarflokk, selt okkur dýrt og ráðið úrslitum um ríkisstjórnarmyndanir í Noregi. Rétt hjá þér Gestur, margir Danir  eru okkur gramir fyrir að hafa gengið úr Danmörku. Til öryggis verðum við að láta þá lofa að selja okkur ekki aftur maðkað mél.

[Halla Rut , 15.3.2008 kl. 21:30]

Sumir hafa haft orð á þessu undanfarna daga. Og í hvert sinn sem ég heyri það þá líst mér betur á það. Af hverju heldur þú að Noregur sé ekki ESB. Jú af því að þeir eiga svo mikið af auðlindum. Land með mikið af auðlindum græða ekkert á að fara í sambandið.

Ísland skal vera sjálfstætt nú sem um alla tíð en gott væri að vera í sambandi við Noreg sem við erum í raun en gætum aukið það með því að taka upp Norska krónu. 

[Ásthildur Cesil Þórðardóttir, 16.3.2008 kl. 13:44]

Við skulum taka ykkur að okkur þegar við höfum stofnað okkar sjálfstæða ríki, en bara með því skilyrði að þið hættið að viðhalda sjálfstæðisflokknum, hann er mesti vandi dreyfbýlisins.

[Þórleifur Ásgeirsson (IP-tala skráð) 16.3.2008 kl. 21:50]

Við gerum kröfu um að fá jósku heiðarnar sem okkur voru boðnar en einhverjir heimastjórnargemlingar höfnuðu. Ísland er bara dvergur með stórmennskubrjálæði.

Til lykke med blogget

Leifur 

[Árni Gunnarsson, 16.3.2008 kl. 22:45]

Ég vil gull- og silfurdali og svo náttúrlega spsíur eins og þegar við Jón biskup Vídalín vorum srákar.