Öryggisráðskönnuninni lokið - Ný könnun

Spurt var hvort fólk vildi nýta  hagnaðinn af loðnuveiðunum til að greiða fyrir setu í Öryggisráðinu

Könnunin stóð í 4 daga alls greiddu 253 atkvæði. Niðurstaðan var afgerandi:

10% svöruðu játandi

84% svöruðu neitandi

og 6% voru hlutlaus 

 Nú birti ég nýja skoðanakönnun: Vilt þú að auðlindir þjóðarinnar verði  áfram í almannaeign?

Athugasemdir

[Guðmundur Jónas Kristjánsson, 9.3.2008 kl. 19:58]

Kemur alls ekki á óvart. En munurinn á Öryggisráðsruglinu og REI-kluðrinu er
sá hversu miklu miklu dýrara Öryggisráðs-ruglið er. Lágmark einn milljarður
þegar allt er talið. Allt vegna hégómagirni ÖRFÁRRA stjórnmálamanna. Þjóðin
ekkert spurð. Bara látin borga Takk, og milljarðurinn út um gluggann. Bingó.
Því líkurnar að komast þarna inn. ENGAR!

[Georg Eiður Arnarson, 9.3.2008 kl. 20:00]

Búinn að kjósa. kv .

[Sigurður Þórðarson, 9.3.2008 kl. 20:08]

Takk fyrir athugasemdina Guðmundur. Ég ætla svo sannarlega að vona að þú hafir rétt fyrir þér að líkurnar séu engar á að við komumst þarna inn, því þá lámarkast kostnaðurinn við einn milljarð.Ef við komumst inn verður tjónið meira. 

Takk fyrir það Georg. 

[Óskar Arnórsson, 9.3.2008 kl. 20:58]

Búin að kjósa! Þetta er lýðræðið sem koma skal! Þ.e. kannannir í mikilvægum málum. Þú ert góður í því að skaða umræður sem skiptir máli í þjóðfélaginu. Þú ert aldeilis frábær á þessu sviði. Ég meina það!

[Margrét St Hafsteinsdóttir, 9.3.2008 kl. 22:21]

Búin að kjósa og kaus rétt!

[Sigurður Þórðarson, 9.3.2008 kl. 22:25]

Þakka ykkur báðum Mannsi og Margrét. Það hefur einhver einn óvart kosið rangt og ekki sagt til sín.

[Árni Gunnarsson, 9.3.2008 kl. 22:26]

Búinn. En mér fannst fyrri könnunin varla nógu markviss, með því að blanda umsókn í Öryggisráðið saman við hagnað af loðnu.

Ég hefði kosið afdráttarlausa spurningu um það hvort það hafi verið skynsamlegt að sækja um inngöngu í þennan klúbb.

En mjög líklega hefði sama niðurstaða komið.

[Sigurður Þórðarson, 9.3.2008 kl. 22:42]

Árni, það var með vilja gert að hafa þetta svona. Það eru margir, ótrúlegt nokk, sem gera sér enga grein fyrir því að þetta kostar, hvað þá hvað þetta er dýrt.

[Óskar Arnórsson, 9.3.2008 kl. 22:56]

Já, það eru til mistök eins og hjá fulla svíanum sem datt á atkvæðistakkan í hvalveiðiráði og reyndi að laga það þegar hann kom heim...mikið blaðamál um hann á sínum tíma fyrir þetta rugl..

Ég held að honum hafi verið vikið úr störfum eða sendur í "launað frí" eins og það heitir þegar skandalmál eru afgreidd...

[Óskar Arnórsson, 9.3.2008 kl. 23:40]

Það er alveg rétt hjá þér Árni, að ef það yrði þjóðaratkvæðisgreiðsla um þetta mál, yrði sama niðurstaða og hjá Sigurði sem reynir að tengja saman mál, að mínu viti á mjög snilldarlegan hátt.

Mér finnst samlíkingar af hinu góða ef þær eru ekki notaðar til að villa um fyrir fólki.

En afdráttarlaus þjóðaratkvæðisgreiðsla í þessu máli yrði líklega sú sama niðurstaða, eins og þú bendir réttilega á.. 

[Árni Gunnarsson, 10.3.2008 kl. 00:11]

Því vil ég svo bæta við að mér finnst það ámælisvert að engin opinber og breið skoðanakönnun um þetta umdeilda mál hafi farið fram.

Eða er ég að fara með fleipur? 

[Jens Guð, 10.3.2008 kl. 00:51]

  Þú varst kannski aðeins of fljótur að slá af könnunina um flugvöllinn.  Hún er núna í 2.  sæti í heitustu umræðum.  En afgerandi niðurstaða var svo sem fengin.  Og að mér virðist líka niðurstaðan í spurningunni um afstöðu til náttúruauðlinda þjóðarinnar ef út í það er farið.

[Rósa Aðalsteinsdóttir, 10.3.2008 kl. 02:00]

Sæll Siggi minn. Dugnaðarforkur ertu. Ég er ánægð með niðurstöðurnar.

Frjálslyndar baráttukveðjur

[Sigurður Þórðarson, 10.3.2008 kl. 10:41]

Þakka ykkur fyrir þetta Mannsi og Árni, það hafa farið fram nokkrar kannanir um þessa öryggisráðsaðild. Niðurstöðurnar hafa ávalt sýnt að meirihluti landsmanna er á móti þessu máli. ´Árni, kannanir hafa oftast verið gerðar af Gallup en greiðandi er utanríkisráðuneytið. Þessar kannanir hafa sýnt vaxandi stuðning við umsókn að öryggisráðinu enda hafa spurningarnar verið mjög leiðandi, núna lék ég leikinn í hina áttina, með því að leyfa spurningunni að fela í sér að þessu fylgdi kostaður. Jafnframt hefur ríkisstjórnin falið menntastofnunum (háskólum landsins) að afla málinu fylgis meðal þjóðarinnar. Þannig fer talsverður kostnaður í þetta innanlands. Árni, ég myndi heldur snúa spurningunni við. Af hverju, og er það eðlilegt að ríkið sé að nota skattfé okkar í svona kannanir?

[Sigurður Þórðarson, 10.3.2008 kl. 10:45]

Takk fyrir ábendinguna Jens.  Ég ætlaði upphaflega að bæta við nýrri könnun og leyfa hinni að stands en ég er enn að læra þetta.

Takk fyrir stuðninginn Rósa.  Þetta hefst ekki nema fólk standi saman. 

[Óskar Arnórsson, 10.3.2008 kl. 12:45]

Nei Árni!, Þú ert svo sanarlega ekki að fara með fleipur. Tek undir hjá Rósu, Siggi er með hæfileika að setja mál í rétta forgangsröð. Skoðanakannanir gefa góða mynd af ástandinu og hvað fólk vill. Ég er orðin reiður og vil fá fólk í lið með mér til að skipuleggja mótmæli á því hvað yfirvöld eru að aðhafast. Er rótækur og sé enga leið. Held að ekki sé hægt að hafa nógu sterk áhrif til að fá yfirvöld að hlusta nema með fjöldamótmælum.

[Sigurður Þórðarson, 10.3.2008 kl. 12:57]

Takk fyrir að útskýra þetta Mannsi