Landvættirnar

Fæstar þjóðir eru jafn heppnar og við Íslendingar að búa í fámennu og ómenguðu landi með tvær auðlindir þ.e. ein gjöfulustu fiskimið heims og endurnýjanlegar en takmarkaðar orkulindir.  Óumdeilt er að  lífsafkoma okkar byggir á þessum tveim  auðlindum. Sagan kennir okkur, og það er jafn víst og sólin kemur upp í austri, að hér munu koma fram tækifærissinnaðir stjórnmálamenn , sem verða tilbúnir til  að gerast feitir þjónar erlendra aðila, sem ásælast þessi verðmæti. Takist það, sem ekki má verða, yrðu Íslendingar indíánar í eigin landi. 

 

 

Þessi fallegi foss í Elliðaánum er í miðri

Reykjavík

 

            

 

 

En hætturnar leynast víðar. Svokallaðir Evrópusinnar vilja fórna fullveldinu fyrir Evru og eiga jafnvel þá draumsýn að flytja til landsins 3 milljónir útlendinga. (rektor Bifrastar) 

 Treysta Íslendingar því að landvættirnar standi þessa vakt einar og óstuddar?

 Auðvitað ætti okkur að renna blóðið til skyldunnar að leggja þeim lið, ekki okkar vegna, heldur vegna barna okkar og niðja þeirra. Komum í veg fyrir að hlutskipti niðja okkar verði að vera indíánarí eigin landi. 

Fyrsta skrefið gæti verið að afnema mannréttindabrot í sjávarútvegi með því að setja X fyrir framan F í næstu kosningum. Hinir flokkarnir gera ekkert í málinu.

Meiri nettóábati af áli en þorski

Athugasemdir

[Guðjón H Finnbogason, 9.3.2008 kl. 18:23]

Var ekki allur kvóti gefinn, er eitthvað öðru vísi með orkuna,síldarmjölverksmiðjurnar voru gefnar á sínum tíma,Áburðarverksmiðjan var gefin.

[Sigurður Þórðarson, 9.3.2008 kl. 18:32]

 Sæll Guðjón og takk fyrir athugasemdina

!. gr. Fiskveiðistjórnarlaganna er eitthvað á þessa leið: Fiskveiðiauðlindin er  sameign þjóðarinnar. Fiskveiðiheimildum er úthlutað til eins árs í senn og geta aldrei myndað eignarétt.

 Þessu hefur ekki verið breytt  

[Óskar Arnórsson, 9.3.2008 kl. 18:38]

þetta var hreinasta snilld hjá þér Siggi! Þetta er stórmál sem þarfa að passa að haldist í eigu almennings! Það sýnir hverslags ráðamenn við höfum með þessa kvóta vitleysu sem varð upphafið af stærsta ráni í sögu þjóðarinnar.

Að engin sé svo öflugur og heiðarlegur að loka á þetta gengdarlausa kvótasvindl er alveg með eindæmum. En mig grunar að það séu margir valdhafar sem fá sinn hluta af þýfinnu og langar enn að vera á mála hjá þeim sem mest upp úr þessu.

Kvótakerfið er glæpur út af fyrir sig, og notkunin er glæpur númer tvö. Síðan eru til þeir sem eru búnir að ákveða að ræna restinni af auðlindum landsins og það verður erfitt að stoppa það.

Þetta verður eins að láta afbrotamann rannsaka sig sjálfan og dæma í málinu einnig. Þannig spái ég að þetta verði gert með þessi mál. Og það er virkilega sorglegt fyrir land og þjóð. 

[Sigurður Þórðarson, 9.3.2008 kl. 18:41]

Þakka þér fyrir Mannsi, mundu eftir könnuninni.

[Óskar Arnórsson, 9.3.2008 kl. 18:46]

Ég vil þjónýta bankanna og fá útlenskan fjármálamann til að koma þessu í lag sem hefur enga vini og kunningja sem hafa áhrif á hann.

Ég er búin að leggja mitt af mörkum í könnunni og henni var auðsvarað. Verður gaman að fylgjast með niðurstöðum hennar þegar fólk fer að átta sig á þessum málum og því neyðarástandi sem ríkir hér...   

[Halla Rut , 9.3.2008 kl. 20:03]

Flott færsla hjá þér Sigurður.

[Sigurður Þórðarson, 9.3.2008 kl. 20:10]

Takk fyrir það Halla.

[Rósa Aðalsteinsdóttir, 10.3.2008 kl. 02:06]

Sæll siggi minn. Mögnuð færsla hjá þér. Þú ert flottur.

[Sigurður Þórðarson, 10.3.2008 kl. 10:52]

Takk Rósa, þú ert mikil og réttsýn baráttukona fyrir góðum málstað. Ekki ertu nú árennileg í svona svaða brynju.  Ég var helst að vona að þú yrðir okkar nýja "Jóhanna af Örk" studd vaskri og óvígri sveit landvætta.

[Rósa Aðalsteinsdóttir, 10.3.2008 kl. 12:33]

Sæll Siggi minn. Þú ert frábær og fyndinn.  Aldrei að vita.

Það má skipta um skoðun. Ég var samt búin að taka ákvörðun að biðja einhvern að skrifa minningargrein um að ég væri pólitískt v.....i  þegar ég væri farin yfir móðuna miklu  

[Sigurður Þórðarson, 10.3.2008 kl. 13:00]

Gott há þér Rósa. Það eru góð eftirmæli að segja að genginn mann að hann/hún hafi haft stót hjárta. Þannig fók vantar í pólitík.

[Sigurður Þórðarson, 10.3.2008 kl. 15:49]

Takk Viðar.

[Halla Rut , 10.3.2008 kl. 22:17]

Áfram Ísland.

[Sigurður Þórðarson, 10.3.2008 kl. 22:24]

Sæl Halla það eru fordæmi fyrir því í spilltum ríkjum að öllum náttúruauðlindum sé skotið undan, jafnvel um ókomna tíð fyrir baunadisk.  Það er ótrúleg skammsýni að gera komandi kynslóðum slíkt.

[Ólafur Hannesson (IP-tala skráð) 10.3.2008 kl. 22:29]

Ég veit það nú ekki, ég set nú spurningamerki við sumt.  Hvernig viltu að farið verði útí breytingar á kvótakerfinu?  Hvernig viltu að staðið verði að því gagnvart þeim sem hafa keypt sér fiskveiðiheimildir.  Þú vilt varla að það verði kippt undan þeim einn tveir og þrír, Hvernig ert þú að hugsa þér breytinguna.

mbk

Óli 

[Sigurður Þórðarson, 10.3.2008 kl. 22:55]

Ágæti Ólafur, ég vil ógjarnan nota svo virðulegt nafn sem fiskveiðastjórnarkerfi um kvótakerfið. En það er nú alla jafna gert svo ég læt mig hafa það. Ég er sannfærður um að sóknarkerfi er arðsama fyrir þjóðarbúið en það spurðir þú ekki um, en mig lagaði að byrja þarna til að útskýra strax að ég er alfarið á móti kvóta.

Í fyrstu grein fiskveiðistjórnarlagana segir að fiskveiðiauðlindin sé sameign þjóðarinnar. Og í beinu framhaldi segir að úthlutun sé til eins árs og myndi ALDREI eignarétt.  Þessu ákvæði hefur aldrei verið breytt.  Það er auðvitað hægt að selja hvað sem er en slíkur gjörningur hefur engin réttaráhrif nena að sá sem selur eigi það sem selt er. Þess utan er "kaupandinn" ekki í góðri trú. 

Svar mitt er þetta: Ég vil á tilteknu tíma komast út úr kerfinu t.d. með því að auka línuívilnun, sem skilar dýrari og betri fiski og opna fyrir krókaveiðar. Það eru 35 þorskstofnar og í dag er úthlutað úr þeim öllum sem einn stofn sé.  Til að bregðast við þessu er rétt að skipta flotanum upp í flokka og fikra sig þannig út úr kvótakerfinu á u.þ. b. 10 árum.  Þetta myndi skila þjóðarbúinu meir, aflétta lénaskipulaginu, og opna fyrir nýliðun í greininni. Og að lokum kæmi þetta í veg fyrir brottkast.

Þetta er reyndar stutt útgáfa

[Óskar Arnórsson, 10.3.2008 kl. 23:36]

Ég tel að megnið af þjóðinni séu þegar orðnir indíánar í sínu eigin heimalandi, slátruninn á þeim fer fram með þrælkunarvinnu sem eigendur banka búa til. Indiíánar gripu þó til þess ráðs að verja sig með bogum og örvum. íslendingar eru  ekki svo hugaðir. Þeir segja bara: "Á ég að vera þræll?" "Ók, ég samþykki að vera þræll!" " Viljiði íbúðinna mína líka? "Ók, takið hana bara!" "Sögðuð þið að þið vilduð líka fá alla sparipeningana mína? " Ók, hér eru þeir" "Fyrirgefið mér að ég skyldi mótmæla þessu...lofa því að aldrei gera það aftur!"

Klassísk lýsing á sönnum íslendingi og þrælsótta hans gagnvart glæpamönnum...

"Ég er íslenskur asni sem sætti mig við pyntingar "hagfræðinnar" og af því ég er ekta íslendingur. Ég leyfi ég hverjum sem er að troða og trampa á mér eins og þeir vilja.

Svo þegar þeir eru búnir að kreista úr mér allt sem til er, verð ég seldur í nýja ánauð til Brussell" þar sem gengið verður endanlega frá mér! Ók!,..hvar á ég að skrifa undir? Hér? ÓK! ég samþykki allt! Ég er nefnilega íslenskur.... 

[Óskar Arnórsson, 10.3.2008 kl. 23:39]

Æ, ég gleymdi einu smáatriði..viljiði landið líka? Ók! hér er það með með öllu tilheyrandi..

[Sigurður Þórðarson, 11.3.2008 kl. 07:51]

Takk fyrir þín mergjuðu innlegg Óskar.

[Sigurður Þórðarson, 11.3.2008 kl. 11:26]

Takk fyrir þitt innlegg Einar, og gott til þessa að vita að í brósti unga fólksins búi virðing fyrir þjóðararfinum.

[Sigurður Þórðarson, 11.3.2008 kl. 17:27]

Takk Þór, en það er undir okkur sjálfum komið

[Guðsteinn Haukur Barkarson, 11.3.2008 kl. 18:57]

[..]að setja X fyrir framan F í næstu kosningum. Hinir flokkarnir gera ekkert í málinu.

Leyfist mér að segja Amen! 

[Sigurður Þórðarson, 11.3.2008 kl. 22:29]

Ég held ég láti verða af því ásatrúarmaðurinn sjálfur að segja amen líka.