Kínverska ginseng- skákfjölskyldan í Rimahverfi

Ég hitti stolta foreldra þessa unga Íslandsmeistara skömmu fyrir jól á ginsengskynningu í Netto Grafarvogi, en þá var sonurinn að fara að tefla í fjöltefli við Friðrik Ólafsson stórmeistara.   Þau keyptu tvo stóra ginsengspakka og nú verðum við að verðlauna þessa glæsilegu stúlku.

Fyrst að verða Íslandsmeistari

"Löglegt en siðlaust"

Forseti Íslands hefur tvisvar sent lög sem samþykkt voru á alþingi við Austurvelli til þjóðarinnar sem hafnaði þeim með afgerandi hætti. Með þessu beindi þjóðin málinu í réttláta dómsmeðferð.

Fulltrúalýðræðið er augljóslega stórgallað eins og best hefur komið fram í vanhelgu bandalagi stjórnmála- fjölmiðlunar og atvinnulífs. Það er nokkuð ljóst að kvótakerfi, einhverskonar lénskipulag, í sjávarútvegi hefði ekki verið samþykkt í þjóðaratkvæðagreiðslu.

Í þessu samhengi er umhugsunarefni að mikill meirihluti stjórnmálastéttarinnar skuli enn og aftur hugleiða lagaklæki til að sniðganga skýran vilja þjóðaratkvðagreiðslu um Æsseif.

Óvíst um forræði í Icesave

Bjöggi velkominn í Dalinn

Bjöggi (Björgólfur Takefusa) er fæddur og uppalinn Þróttari eða köttari eins og við köllum þá okkar á milli. Hann hefur alltaf kunnað best við sig að röndóttur á vellinum en persónulega kann ég þó langbest við hann í lit, enda stóð hann sig alltaf best. Bjöggi er ekki bara mikill markaskorari heldur útsjónasamur dugnaðarforkur á vellinum og auðvitað góður félagi. Góðar kveðjur úr Dalnum.

Björgólfur af stað með KR-ingum

Nýtt ár, ný fyrirheit Hvernig þróast Ísland?

Flestir Íslendingar kveðja árið 2008 með blendnum huga. Langvinn spilling og óstjórn í landinu leiddi það af sér að efnahagslægðin kom óvenju hart niður á íslensku þjóðinni og mun hún þurfa að glíma við afleiðingar þess næstu áratugina. Vonandi reynist Páll Skúlason sannspár í því að þjóðin muni nú kasta fyrir róða þeim sérhagsmunagildum sem komu henni á vonarvöl.  En hvernig koma menn á nauðsynlegri siðbót sem fólkið þyrstir eftir og er söguleg nauðsyn ef þjóðin á að komast á lappirnar. Kannski munu menn reyna að laga einhvern þeirra flokka sem fyrir eru. Kosturinn við þetta er sá að flestir flokkarnir hafa góða stefnuskrá og markmiðasetningu. Gallinn við það er sá að  þar sitja á fleti fyrir menn sem ýmist eru sekir um núverandi ástand eða hafa sýnt ótrúlega meðvirkni og hafa engu meiri skilning á þörf byrir breytingar en sjálfir gerendurnir. Ef til vill verður stofnaður nýr stjórnmálaflokkur einn eða fleiri. Þetta er ekki áhlaupaverk, m.a. vegna þess að núverandi stjórnmálaflokkar hafa skapað sér forskot. En á móti kemur að nýir aðilar þurfa ekki að dragnast með fortíðarvanda annarra. Því er það kannski besti kosturinn?

Sjálfur vona ég að ég geti verið betri við fólkið mitt og komið ýmsu þörfu til leiðar sem setið hefur á hakanum alltof lengi  sakir leti. 

 

Ég óska bloggvinum mínum

Gleðilegs árs og vona að komandi ár verði þeim gjöfult og hamingjusamt í einkalífi.

 

Gleðilegt nýtt ár

Mislukkuð sviðsetning á hneyksli

Ég fæ ekki betur séð en Geir svari æstum fréttamanni af stakri kurteisi. Fréttamaðurinn sem þráspurði Geir birtir nú myndbandið sem  hann upplifir þannig að Geir hafi sýnt honum dónaskap. Hvaða rugl er þetta?

Gengur burt úr viðtali

Vilja stjórn VR burt

Rétt í þessu er eða hefjast mótmælastaða við skrifstofur  VR sem almennit félasmenn standa fyrir. Fólkið krefst þess að  að öll stjórn VR eins og hún leggur sig víki vegna stuðning hennar við Gunnar Pál Pálsson. Gunnar sem persónulega þáði 6,2 milljónir á ári fyrir einn fund í mánuði, sem fulltrúi lífeyrissjóðs VR. Hann er umdeildur fyrir að hafa tekið hagsmuni æðstu stjórnenda Kaupþings framyfir hagsmuni venjulegra lífeyrisþega.                                                       Burt með spillingarliðið, hvar í flokki sem það stendur!  

Vilja stjórn VR burt

Íslensku stelpurnar flottastar

Maður getur ekki annað en verið stoltur af "stelpunum okkar". Þær voru mikklu betri en írsku stelpurnar, bæði tæknilega og í styrk. Baráttuandinn hjá stelpunum er greinilega meiri á heimavelli þar sem þær finna stuðning.

Ísland á EM 2009

Vill ISG ekki stefna flokksbróður sínum, hr. Gordon Brown?

"Ingibjörg Sólrún Gísladóttir, utanríkisráðherra, sagði að það væri ekki endilega skilvirkasta leiðin til að endurreisa orðstír Íslendinga að fara í mál vegna hryðjuverkalaganna."

 Óttalegt rugl er þetta!  Málið snýst um að sækja skaðabætur fyrir tjón sem breska stjórnin hefur valdið Íslendingum og talið er geta numið hundruðum milljarða.  Íslendingar eru skuldum vafðir og landið er það langskuldugasta í Evrópu.  Er Ingibjörg enn með hugann við öryggisráðið?

Furðulegt að samtalið skyldi leka í fjölmiðla

Ég vorkenni líka Íslendingum

Ég vorkenni líka Íslendingum fyrir að eiga "vini" eins og Breta. Við getum vel sleppt yfirflugi þeirra hér í desember enda þurfum við enga óvini, eigandi að slíka forláta vini. Sendiherra Breta nýtti tækifærið til að vera með aulahúmor um að hann vorkenni Íslendingum að fá ekki að vera með í öryggisráðinu. Geir Haarde veit ekki að þjóðin vildi ekki fara í öryggisráðið og hann fattar ekki háðið hjá breska sendiherranum og er því þakklátur honum

Bretar vorkenna Íslendingum

"Núna er ekki tími til að benda á sökudólgana" Er vit í þessari klisju?

 Bresku hagfræðingarnir Willem H. Buiter og Anne C. Sibert, sem sögðu til um yfirvofandi bankakreppu og fall bankanna voru beðnir að þegja yfir skýrslunni. Í fyrstu var skýrslan kynnt fyrir þröngum hóp en 11. júní  var hún endurbætt og kynnt fyrir hagfræðingar frá Seðlabankanum, fjármálaráðuneytinu, einkageiranum og háskólasamfélaginu. Þetta var sem sagt allt vitað fyrir. (Ætli einhver þeirra hafi skyndilega þurft að tæma peningabréfsreikninga?) Nú þrástagast ráðamenn á að ekki megi benda á  sökudólga, meðan verið sé að slökkva elda. Þetta stenst ekki, því að  það er allt brunnið sem brunnið getur. Það er því engin þörf á að brennuvargarnir meldi sig í slökkviliðið eða til starfa við vettvangsrannsókn. 

Professor Willem H. Buiter

Æviágrip

Bankaskýrsla undir stól