Loftið út. Birtið Icesavegögnin

Það þarf að lofta út!

Eiga núlifandi og óbornir Íslendingar ekki rétt á að vita af hverju þeim eru gefnir tveir kostir: Eyða ævinni í að borga drápsklyfjar eða yfirgefa landið eftir 7 ár? Er verið að sýna stjórnarandstöðuunni í trúnaði að hún hafi líka gert mistök? Kannski verða þeir mýkri þá?

Vesaldómurinn og undirlægjuhátturinn er alger hvort heldur hjá nú- eða fyrrverandi ríkisstjórn.Það er rosalegt að lesa og heyra um dýralækninn sem var eins og laminn hundur og svo koma núverandi ráðherrar og skýla sé á bak við að garmurinn skuli hafa skrifað einhverja minnismiða í fáti og sjokki í kjölfar hrunsins. 

Hver er ástæðan?

Vilja einhverjir þvinga þjóðina í Evrópusambandið? 

Fljóta menn með í samtryggingunni?

Eða ætla menn að bjarga sér hver sem betur getur?

 

Fá ekki Icesave-gögnin í hendur

EB fórnar Íslandi vegna eigin kerfisvillu

Því meira sem maður les og kynnir sér málavexti Icesave því augljósar er að við eigum ekki, sem þjóð, að  leggjast á höggstokkinn möglunarlaust. Af frásögn af þessum fundi má marka að fjármálaráðherrar EB höfðu sammælst um að fórna Íslandi vegna hættu á almennri vantrú á bankakerfinu í Evrópu. En hver er forsaga málsins?

Íslandi sem EES ríki var gert að taka upp tilskipun um bankaregluverk sem er nákvæmlega eins og í öllum löndum EB og EES svæðinu. Um þetta höfðum við ekkert að segja. Í þessu fólst að bankar mættu setja upp útibú hvar sem er á svæðinu og stofna skyldi tryggingarsjóð til að tryggja innistæður. Eftir þessu var farið í einu og öllu.  Færustu lögmenn á sviði Evrópuréttar hafa aldrei getað fundið einn stafkrók sem bendir til að þjóðríkin væru ábyrg fyrir þessum tryggingasjóð.  

Dr. Elvíra hefur bent á augljósan galla í löggjöfinni þ.e. að ekki sé gert ráð fyrir kerfishruni, því enginn tryggingasjóður í nokkru landi myndi ráða við slíkt.  Niðurstaðan er þessi:

Íslenska ríkið braut ekki EB lög, þvert á móti liggur vandi okkar í því að íslenska ríkið uppfyllti skyldur sínar og fór að EB tilskipuninni um frjáls bankaviðskipti.

Á að refsa komandi kynslóðum fyrir það?

Árni átti í vök að verjast

Góð mæting ávísun á betri Icesave samninga

Oft var þörf en nú er nauðsyn. Bretar sendu harðsnúna samningamenn gegn íslenskum viðvaningum, niðurstöðuna þekkja allir.  Þjóðin er andsnúin þessu hörmulega samningsuppkasti  en bæði ráðamenn og hún sjálf er dofin. Stjórnmálamenn sem hafa gert óteljandi mistök virðast ekki með sjálfum sér.  Hættan er sú að mönnum sé svo mikið í mun "að komast í 7 ára skjól" að þeir semji komandi kynslóðir í skuldaánauð. Það má ekki gerast! Þess vegan verðum við að mæta og sýna stjórnmálamönnunum okkar, sem eru upp til hópa gott fólk, stuðning og aðhald. Þannig og einungis þannig ná þeir betri samningum.

Borgarafundur um Icesave

Útsala á náttúruauðlindum hafin?

 Ýmislegt bendir til að útsala á náttúruauðlindum Íslands sé í þann mund að hefjast. Margir útrásarvíkingar sem stóðu að stofnun Geysis Green Energy standa ekki vel í dag en mörg sveitarfélögin á höfuðborgarsvæðinu standa engu betur. Þetta skapar góðar aðstæður fyrir erlenda útrásarvíkinga sem ásælast hlut í Hitaveitu Suðurnesja enda rauður hún yfir gríðarlega auðugu háhitasvæði. Það er kanadíska fyrirtækið Magma sem stendur í raun á bak við Geysir Green Energy. Þetta er því miður bara forsmekkurinn því sem koma skal ef alþingi samþykkir að greiða Icesave skuldirnar. Icesave skuldirnar eru miklu hærri en svo að ríkið geti greitt af þeim í erlendum gjaldeyri og því er afhending náttúruauðlindanna eini möguleikinn til að gera þær upp. 

Með því er mörkuð sú stefna að Íslendingar framtíðarinnar skuli vera Indíánar í eigin landi.

 

Kanadískt félag kaupir í HS Orku

Athyglisverð grein um ábyrgð í Icesave

Egill Jóhannsson ritar athyglisverða grein á bloggi sínu um pólitíska ábyrgð á Icesave sjá hér.   

Margir okkar færustu lögmanna hafa fært fyrir því rök að okkur beri ekki að borga Icesave. Gegn þessu stendur klúður ríkisstjórnar Geirs Haarde, loforð ráðamanna og neyðarlögin.  Við gætum haldið því fram að frá því að neyðarlögin voru sett þar til Kaupþing féll leið ein vika og þar komu til aðstæður sem menn sáu ekki fyrir. (heimskreppa & hryðjuverkalög Breta)

Ef allt þetta bregst eigum við til þrautavara traust haldreipi sem er hugtakið "grið" í þjóðarrétti með vísan til Versalasamningana.  Það er nú viðurkennt að Versalasamningarnir voru ósanngjarnir og að ekki megi þvinga þjóð eða stjórnvald ríkis til nauðungarsamninga sem eyðileggja ríkið.   Maður veitir því athygli að í Icesave samningnum eru ákvæði þar sem Íslendingar afsala sér sem þjóð griðum og þar að auki rétti til málshöfðunar!

Því verður ekki trúað að Evrópuþjóðirnar neiti okkur um að láta reyna á rétt okkar en ef þær gera það ættum við að beina viðskiptum annað.  Alþingi getur ekki skrifað undir ríkisábyrgð fyrir mun hærri upphæð en hægt er að standa við og í leiðinni afsalað okkur málsskotsrétti og griðum.

Millileiðin væri sú að leyfa samningnum að standa og án ríkisábyrgðar, afsals málskotsréttar  og griða.  Þá gæti þjóðin borgað þangað til allir vasar eru tómir og blæðir undan nöglunum í einhverja áratugi. Geta "vinaþjóðir" okkar farið fram á meir?

 

Ber okkur í raun að borga?

Jón Hannes Smárason í opinskáu viðtali: Útskýrir hvert peningarnir fóru

Jón Hannes Smárason, fjárfestir segist saklaus og útskýrir í mögnuðu og opinskáu viðtali hvert peningarnir fóru og hvernig fjármálakerfið virkar.

Hannes segist ekki hafa brotið lög

Tími Jóhönnu er liðinn

 Erlent ríki krefst þess að Íslendingar borgi skaðabætur sem eru mun hærri en þjóðin fær risið undir og fyrir liggja samningsdrög þar sem Ísland afsalar sér málskotsrétti og griðum

 Land sem hefur forsætisráðherra sem heldur ekki fram málstað landsins, heldur tönglast í sífellu á málstað gagnaðilans getur ekki vænst stuðnings erlendis.

Öll lögfræðiálitin frá allra færustu sérfæðingum þessa lands. Dr. Elvíra, Prof Stefán Már, Dr. Herdís Þorvaldsdóttir, Próf Sigurður Líndal bara svo einhver nöfn séu nefnd af þeim mikla fjölda lögmanna auk núverandi og fyrrverandi hæstaréttardómara hníga að því að Íslendingar sem þjóð eigi ekki að sæta ábyrgð fyrir afglöp útrásarvíkingana. 

 Gegn þessu stendur eitt keypt minnisblað frá manni sem stendur ekki með tærnar þar sem hinir hafa hælana. 

 

 

 

 

Hagstæð ákvæði Icesave

Mega fjárglæframenn gefa út ríkisábyrgð?

Þær yfirlýsingar bankastjóra Landsbankans að íslenska ríkið ábyrgðist allar innistæður í bankanum standast ekki. Þessu til staðfestingar nefni ég álit lögfræði- og Evrópusérfræðinganna Stefáns Más Stefánssonar, Lárusar Blöndal og Dr. Elvíru. Nefndir aðilar og raunar margir fleiri hafa tekið af öll tvímæli um að Landsbankinn var einkabanki og hafði enga heimild til að skuldbinda íslensku þjóðina. Slíkar yfirlýsingar bankamananna eru ekki á okkar ábyrgð.

Sögðu ríkið ábyrgjast Icesave

Grunaður um "einhverskonar" kynlíf

Lögreglan á á Jótlandi hefur rökstuddan grun um að bílstjóri sem lenti utan vegar hafi lagt stund á "einhverskonar kynlíf" (en eller anden form af sex). Hinn athugli lögreglumaður sem rannsakar málið benti á máli sínu til stuðnings að einungis tveir hefðu verið í bílnum þ.e. bílstjóri og farþegi og hafi báðir verið í sitthvoru framsætinu. Þess utan væri farþegi og bílstjóri af gagnstæðu kyni og fyrr um daginn hafði sést til þeirra á bílastæði þar sem þau kysstust. Öll þessi atriði bentu til þess að um "einhverskonar" kynlíf gæti hafa um verið að ræða en þó var ekki hægt að fullyrða að svo sé.

Kynlífið endaði með ósköpum

Grunn umfjöllun RUV um ESB

Nokkur aðildarríki ESB hyggja gott til glóðarinnar að fá  Ísland á hnjánum inn í bandalagið og fá auðlindir hafsins sem töpuðust þeim í þorskastríðum nú á silfurfati. Hérlendis hafa handlangarar þeirra, fjölmiðlarnir,  verið sporléttir við að fegra fyrirheitna landið.

Undanfarið hefur RUV verið með svokallaða umfjöllun sem er vægast sagt ótrúlega grunn. Kallaður hefur verið til ESB-sinni og dubbaður upp sem álitsgjafi. Hann hefur ranglega haldið því fram að engin hætta  sé á að við þurfum að deila fiskistofnunum hérlendis með öðrum löndum. Með þessu er álitsgjafinn að  setja undir sama hatt grunnlög sambandsins og tímabundnar reglugerðir sem auðvelt er að breyta.

Núna kemur þessi sami undarlegi álitsgjafi og heldur því fram að matvælaverð muni stórlega lækka hérlendis einungis við að landið gangi í ESB.

Við erum nú þegar í tollabandalagi með ESB í gegn um EES þannig að almenna reglan er að það eru engir tollar á vörur frá ESB. Varðandi sumar landbúnaðarvörur þá eru takmarkanir í formi kvóta og heilbrigðisreglna.

Hvernig getur RUV haldið því fram að vöruverð lækki? Þvert á móti mun vöruverð hækka vegna þess að tolla- og fríverslunarsamningar okkar t.d. við Asíulönd munu falla úr gildi.  ESB aðild mun líka hækka tolla á fiski frá okkur t.d. til Kína og Kóreu.

Ekki víst að ESB setji hvalveiðar fyrir sig