Sjófuglar og ýsa

Ýsan lifir m.a. á hrognum sandsíla þannig að ef eitthvað er til í þessu gæti hrygning sandsíla gengið vel og þorskur og fuglar þyrftu ekki að svelta.

Guð láti gott á vita

Staða ýsustofnsins slök

Pottabyltingin étur börn barna sinna

Það er aumlegt hlutskipti þeirra umskiptinga sem potta- og pönnubyltingin fleytti á þing og nú ganga erinda gömlu nýlenduveldanna með því samþykka AGS/ICESAVE/ESB pakkann. Reikningurinn verður sendur ungum og ófæddum Íslendingum. Afborgunarskilmálarnir eru valfrjálsir:  Fátækt eða landflótti.

Icesave afgreitt út úr nefnd

Ásmundi Daðasyni óskað heilla.

Heimssýn, félagsskapur sem vill setja hagsmuni Íslands í öndvegi hefur aldrei haft brýnna erindi við íslenska þjóð en einmitt núna þegar óþjóðholl og spillt öfl hafa látið greipar sópa. Á þjóðþinginu og jafnvel í ríkisstjórn er fólk sem hefur þá framtíðarsýn að afsala sjálfstæðinu, auðlindunum og gera niðja sína að skuldsettum indíánum í eigin landi. 

  Ég komst því miður ekki á aðalfund Heimssýnar þar sem ég hafði löngu ákveðið að vera á 60 ára afmælishátíð Náttúrulækningafélags Reykjavíkur sem haldið var við fjölmenni í Hveragerði í dag. Þar eins og allstaðar þar sem fólk kemur saman eru framtíðarmál þjóðarinnar rædd. Og þegar það spurðist að Ásmundur hefði verið kjörinn formaður Heimsýnar var gerður að því góður rómur af þeim sem til hans þekktu.

Ragnar Arnalds hefur skilað frábæru starfi sem formaður Heimsýnar og skilar nú keflinu í hendur ungs hugsjónamanns.

Ég óska Heimssýn til hamingju og Ásmundi Einari Daðasyni velfarnaði og gæfu.

Ásmundur Einar nýr formaður Heimssýnar

Nýtt bréf Gunnars Tómassonar til alþingismanna

Á bloggsíðu Sigurbjörns Svavarssonar er birt nýtt bréf Gunnars Tómassonar til Alþingis.

Þar eru forsendur Icesave skýrðar og viðbrögð stjórnvalda breskra og íslenskra rakin.

Augljóst er að Bretar og forysta Evrópusambandsins gerir allt aðrar kröfur til tryggingasjóðsins á Íslandi en sambærilegra sjóða í sínum löndum.

Minnihlutastjórn gæti forðað Icesave

Það er nokkuð ljóst að Íslendingum er ofviða að borga Icesave, afleiðingarnar yrðu fátækt, landflótti og líklega þjóðargjaldþrot. Samfylkingin mun samt leggja allt í sölurnar til að fá að borga Icesave svo hún komi landinu  í Evrópusambandið. Ásættanleg lausn mun því fyrirsjáanlega ekki fást í þessu deilumáli með Samfylkinguna í stjórn.

Stjórnarkreppa er ekki kostur í stöðunni og myndun nýrrar meirihlutastjórnar er erfið og jafnvel vonlaus eftir það hrun sem gerst hefur. Sá kostur sem blasir við er minnihlutastjórn. Nú reynir á þjóðhollustu og ábyrgðartilfinningu Alþingis Íslendinga.

Nú ættu formenn flokkana að fara undir feld og hugleiða hvernig hægt sé að feta Ísland út úr þeim vanda sem við blasir.

 

Viðurkenna lífskjararýrnun

Vextirnir af Æsseif 70 milljarðar nú þegar

Nú höfum við haft jákvæðan viðskiptajöfnuð (keypt minna en við seljum) í 14 mánuði þökk sé krónunni.  Það dugar þó skammt, því ef Alþingi samþykkir Æsseif eins og það liggur fyrir þá eru bara vextirnir orðnir 70 milljarðar nú þegar. Þó við myndum stöðva bílainnflutning næstu 20 árin þá dugar það engan veginn til að halda í við vextina. Þökk sé nefndinni sem Steingrímur skipaði sem samþykkti af rausnarskap 5,5% vexti sem Bretar kröfðust en þeir taka sjálfir lán á innan við 3% vöxtum þannig að þetta er stórgróði fyrir þa´ef Íslendingar geta þá nokkurn tíma  borgað. Bretar treystu því ekki betur en svo að þeir plötuðu samninganefndina til að skrifa undir að "íslenska ríkið afsalaði sér rétti til að óska þegnum sínum griða ævarandi og óafturkallanlega".  Svavar sagðist ekki hafa nennt að hanga yfir þessu og fékk mikið lof frá Steingrími fyrir skörungsskap. 

 Hver á að fá skussaverðlaun fyrir Icesave samninginn?

Mér þætti ekki ósanngjarnt þó nokkrir deildu þessu með sér. 

Hvað finnst ykkur?

 

 

Áfram afgangur á vöruskiptum

Gegnheill stjórnmálamaður sem þorir!

Lilja Mósesdóttir hefur sýnt það með störfum sínum og málflutningi að hún er ábyrgur stjórnmálamaður sem þorir að taka storminn í fangið þegar á þess er þörf.  Það  er meiri mannsbragur á  að takast á við tímabundna erfiðleika en að ógna sjálfstæði þjóðarinnar með því að leggja þyngri klyfjar á börn okkar og barnabörn en þau fá risið undir.

Ég veit að þjóðin styður Lilju í þessu máli. 

Getur ekki samþykkt Icesave

ESB vill þiggja fiskveiðiauðlindina

Í samtölum og yfirlýsingum ráðamanna EB hefur margkomið fram að þeir vilji þiggja fiskveiðiauðlindina við Ísland. Þetta kom fram í máli stækkunarstjóra ESB og eins t.d. hafa spænsk yfirvöld sagt að "þau muni ekki gefa eftir réttmæta hlutdeild sína við Íslandsmið".  

Samfylkingin hefur ekki mótmælt þessum sjónarmiðum hvorki hérlendis né erlendis. Því er viðbúið að þau noti Svavarsaðferðina og samþykki allt sem að þeim verður rétt. Ég treysti Jóni Bjarnasyni til að halda fram kröfu Íslands um óskoruð yfirráð yfir fiskveiðiauðlindinni.

 

 

ESB-umsóknin þungbær

Glitnir lánaði 12 ára barni fyrir stofnbréfum í Byr

Hróbjartur Jónatansson hrl rekur mál fyrir hönd 12 ára barns sem fékk lánaðar 6 milljónir fyrir verðlausum stofnbréfum í  Byr. Vonandi mun barnið vinna málið en það er ekki sloppið því blessað barnið verður að borga mun hærri upphæð fyrir Icesave ef frumvarp ríkisstjórnarinnar verður samþykkt á þinginu.

Bretar og Hollendingar beittu Evrópusambandinu og AGS til að fá ríkisstjórnina til að samþykkja kvaðir á börnin þannig að þau verði að velja á milli slakra lífskjara eða flytja af landi brott.

Var ekki taktlaust af Hrannari B. Arnarssyni ræðuskrifara Jóhönnu að senda hana með lofrullu um Evrópusambandið á Norðurlandaráðsþing við þessar aðstæður?

 

Börnum var lánað til að kaupa stofnbréf

Grein Lilju Mósesdóttur "Hljóðs bið ég allar helgar kindir"

Lilja Mósesdóttir prófessor í hagfræði og alþingismaður skrifaði skarpa grein í Morgunblaðið í dag sem á svo brýnt erindi við alla íslensku þjóðina, að mér flaug í hug upphafserindi Völuspár. Lilja dregur upp þær hættur sem steðja að íslensku þjóðinni og þá valkosti sem fyrir liggja. Ég ætla mér ekki að endursegja greinina en hvet alla til að lesa hana. Ef valkostirnir eru þeir að ganga í gegnum tímabundna erfiðleika eða leggja óbærilega skuldafjötra og ófrelsi á afkomendur okkar þá þykist ég vita hvorn kostinn þjóðin velur.

Lilja er kannski boðberi illra tíðinda fyrir suma en það ber að segja hverja sögu eins og hún er: AGS er ekki góðgerðarstofnun.

Lilja Mósesdóttir býr yfir þekkingu og frumlegri hugsun til að finna lausnir. Þannig stjórnmálamenn þurfum við Íslendingar í dag. 

Gera þarf róttæka breytingu á efnahagsáætlun AGS