Þjóðin verður að útkljá þetta mál með atkvæðagreiðslu

Ögmundur gerir afar vandaða úttekt á Æsseif málinu á heimasíðu sinni. Hann segir hugsanlegt að Íslendingar geti borgað Æsseif en spyr hvað það myndi kosta. Jafnvel þó það takist þa´er spurning hvort það myndi ekki þýða fórnir á náttúrunni og grunnstoðum þjóðfélagsins.  Mikill vafi leikur á að Bretar og Hollendingar eigi nokkurn lagalegan rétt á að þjóðin borgi. Það er líka siðferðilega rangt að kynslóðir framtíðarinnar líði skort og þurfi að afsala auðlindunum til lands og sjávar fyrir kæruleysi örfárra einkaaðila. 

Ef einhvertíma hefur verið réttlætanlegt að setja eitthvað mál í  þjóðaratkvæði þá er það þetta mál. Ef þjóðin er nógu góð til að borga þá er hún líka nógu góð til að segja sitt álit.

Ögmundur: Tafir á Alþingi þjóna engum tilgangi

"Bara skrifa" "Kostar ekki krónu"

Það gengur ekki vel að finna lögmenn sem vilja skrifa uppá að Icesave samrýmist stjórnarskránni. En þetta er ekki það versta. Þjóðin vill þetta ekki og  Samfylkingin sem óttast þjóðaratkvæðagreiðslu eins og heitann eldinn, hefur nú breytt um taktík:        

       "Bara skrifa" "Kostar ekki krónu"

 Ætlar Samfylkingin að skuldsetja þjóðina inn í ESB og greiða með auðlindunum þegar aðrir kostir eru ekki í stöðunni?

Hafna að vinna lögfræðiálit á Icesave-frumvarpi

Skemmdarverk skipulögð í stjórnarráðinu!

Undirskriftasöfnunin til stuðnings Æsseif, sem stýrt er úr stjórnarráðinu gengur mjög illa, þrátt fyrir úthringingar. Svekkelsið yfir velgengni undirskriftasöfnun Indefence hefur augljóslega leitt fólk í stjórnarráðinu út í skemmdarverk.  En fyrst stjórnarráðið stendur í þessu er við hæfi að það beiti einmitt bullundirskriftum. Fram hefur komið að bullundirskriftir hafi líka verið stundaðar í Ríkisútvarpinu og Fréttablaðinu og nú bíður maður spenntur eftir því hvort sagt verður frá því á þeim bæjum.

Bullundirskriftir raktar til stjórnarráðsins

Plan B þegar þjóðin fellir Æsseif

Samfylkingin er að átta sig á að þjóðin sem hún bendir á sem sakamann og ætlast til að borgi Æsseif, mun í þjóðaratkvæðagreiðslu fella Ísklafann sem átti að verða aðgöngumiði í ESB.

Og hvað gerist þá skrækja samfylkingabloggararnir? "Hefur þjóðin eitthvað plan b þegar skuldin gjaldfellur á Íslendinga" spyrja þeir. 

Svarið er einfalt: Í fyrsta lagi fellur skuldin ekki á ríkið, nema veitt verði ríkisábyrgð, heldur Tryggingasjóð banka og sparisjóða en í honum eru 19 milljarðar. Sjóðurinn er ekki ríkistryggður og þess vegna fara Bretar fram á ríkisábyrgð.

Þá gætu Bretar og Hollendingar farið í mál við ríkið á þeim forsendum að einhver hafi lofað einhverju. Færustu lögfræðingar hafa sagt að vinningslíkur þeirra séu óverulegar enda liggi sökin á gallaðri reglugerð  hjá Evrópusambandinu.

Fari samt svo ólíklega að Íslendingar myndu tapa slíkum málaferlum yrði niðurstaðan samt alltaf betri en samningurinn sem gerir ráð fyrir að greitt sé í beinhörðum gjaldeyri en ekki krónum. Fyrir liggur að verði Íslendingar að búa við þennan samning þýðir það áratuga fátækt og afsal auðlinda þegar ekki verður hægt að standa við samninginn.

Plan B er réttlát dómsmeðferð fyrir íslenskum dómstólum.  Það vill þjóðin.

Meirihluti vill kjósa um Icesave

Þjóðin mun eiga síðast orð

Það væri lítið réttlæti í því að naumur meirihluti alþingis myndi samþykkja kvaðir á komandi kynslóði gegn einbeittum vilja þjóðarinnar.  Forsetinn hefur markað þá stefnu að skjóta m´lum til þjóarinnar þegar gjá hefur myndast mili þings og þjóðar.  Aldrei fyrr hefur slík gja verðið jafn djúp.

 Forsetinn var prófessor í stjórnmálafræði við Háskóla Íslands.  Hann þekkir stjórnarskránna sem hann hefur túlkað. Hann þekkir líka stjórnsýslulögin og mun beita valdi embættisins í samræmi við lög og markaðar hefðir en ekki handahófskennt.

 

 

Fleiri áskoranir en árið 2004

Forsetinn mun standa vaktina

Forsetinn samþykkti Æsseif síðast vegna fyrirvaranna sem nú hefur verið rutt í burtu.

Í drögum að nýrri stjórnarskrá er gert ráð fyrir að 10% geti krafist þjóðaratkvæðis hvenær sem er.

Nú hafa þæp 15% kosningabærra manna skrifað undir sem er svipað og þegar gjá myndaðist milli þings og þjóðar og forsetinn flýtti för sinni heim. 

Ég treysti forseta Íslands!

32.000 skora á forsetann

Takk Lilja og Ögmundur

Lögum samkvæmt ber þingmönnum að fara að samvisku sinni. Reynslan sýnir að fæstir þora að synda á móti straumnum þegar á reynir, jafnvel þó mikið liggi við. 

Þess vegna er ég sérlega þakklátur þeim Ögmundi Jónassyni og Lilju Mósesdóttur  sem bæði tóku pólitíska áhættu með því að standa með samvisku sinni og þjóðinni með því að greiða atkvæði gegn Æsseif.

Lilja sagði nei

Svikalogn?

Samfylkingin verður pirruð yfir að þurfa að hugsa um Ísland hún er með allan hugann við ESB. Vitað er að  þingflokkur Samfylkingarinnar ásamt stórum hluta þingliðs VG vill ljúka Æsseifmálinu sem fyrst en féllust þó með semingi á kröfur stjórnarandstöðunnar um að málstaður Íslands yrði kannaður. Það er ekki bara málþófið heldur einörð andstaða þjóðarinnar sem virðist vera að bjarga okkur.

Hægt er að skora á forsetann hér

Ágreiningurinn leystur

Villifé eða villimennska við Tálkna?

Dýraverndunarráð ásamt Bændasamtökunum hafa af  lýst yfir stuðningi við að villiféið við Tálkna verði hundelt og því fargað.  Af mannúðarástæðum má villifé á Tálkna ekki ganga frjálst eins og það hefur gert í hálfa öld eða lengur. Í staðinn er það hrakið fyrir björg -- af mannúðarástæðum, væntanlega, eða handsamað sturlað af hræðslu áður en það er drepið. Ef útiganga sauðfjár er óforsvaranleg, hvað þá með útigöngu hreindýra, hafarna, hrafna eða sela? Er ekki rétt að taka öll villidýr á landinu í hús ef útigangan er svona ómannúðleg? Eða skjóta þau að öðrum kosti? Eða getur verið að þetta sé misskilin mannúð, mistúlkuð og slitin úr samhengi? Væri of mikið að kalla þetta villimennsku?

Styðja smölun villifjár í Tálkna

Verða konur grýttar í Evrópu framtíðarinnar?

Það eru í senn ógnvænleg en um leið gleðileg tíðindi sem berast frá Spáni um að til hafi staðið að aflífa (grýta) konu fyrir hórdóm en um leið gleðilegt að tekist hafi að koma í veg fyrir níðingsverkið. Múslinmar eru 16 milljónir  innan Evrópusambandsins og fjölgar hraðar en öðrum. Það vakti mikla reiði í Bretlandi þegar þarlendur kristinn biskup vildi í nafni umburðalyndis leyfa múslimum að nota shari lög gagnvart sínu fólki.

Ég er haldinn fordómum gagnvart þeim sem vilja leyfa að konur séu grýttar.

 

Ætluðu að lífláta konu