Flottasti forsetinn: "Hverskonar klúbbur er þetta eiginlega?"

Máttvana Samfylking hefur reynt að draga taum Evrópusambandsins en má sín lítils gegn forseta lýðveldisins.   " Heill forseta vorum og fósturjörð"

Hvers konar klúbbur er þetta?

Landsdómur - pólitískur skrípaleikur

Það kemur fáum á óvart að sjálfstæðis- og samfylkingarmenn á þingi vilji sópa öllu undir þykkt teppi.

Ekki samstaða í nefndinni

Ísland má ekki borga. Ææó!

Íslenska ríkið myndi brjóta lög með því að greiða fyrir skuldir einkabanka.

 Þetta er álit norsks prófessors í Evrópurétti. 

Þetta eru slæmar fréttir fyrir þá Evróputrúarmenn, sem haldnir eru þeirri þráhyggju að ekkert sé betra en að fá að greiða Æsseif. 

Segir Ísland ekki mega borga fyrir Icesave

Siðblinda stjórnmálastéttarinnar

Nýleg ráðning í embætti talsmanns neytenda sýnir svo ekki verður um villst að siðblinda stjórnmálastéttar Fjórflokksins á sér engin takmörk. Samtryggingin blasir við s.b.r. að Halldór Ásgrímsson skuli enn gegna mikilvægum trúnaðarstörfum

 

Sorglegt.

 

Gagnrýna ráðningu stjórnvalda

Jón Bjarnason kominn með upp í kok

Laxafræðingurinn Össur Skarphéðinsson sagði ekki múkk þegar Stefan Füle, stækkunarstjóri ESB lýsti því yfir að Íslendingar gætu ekki gert sér neinar vonir um að fá varanlega undanþágu frá sjávarútvegsstefnu ESB. Þetta þýðir á mannamáli að baráttan nánast alla síðustu öld er til einskis ef landið gengi í Evrópubandalagið. 

Það er gott hjá Jóni Bjarnasyni að stöðva þessa vitleysu strax.

Jón vill hætta viðræðum

Voru Sameinuðu þjóðirnar ekki upplýstar um Rannsóknarskýrslu Alþingis?

Ingibjörg Sólrún Gísladóttir fékk falleinkunn hjá Rannsóknarnefnd Alþingis. Þar kom í ljós að hún var í fremstu röð þeirra sem bera hvað þyngsta ábyrgð á hruninu en auk þess sem hún leyndi viðskiptaráðherra mikilvægum upplýsingum.

 

Hér má sjá afstöðu Ingibjargar til Mannréttindanendar Sameinuðu þjóðanna:

Boðið að stýra rannsókn SÞ

Vilja inn um hundalúguna en í þágu hverra?

Í ellefu hundruð ára sögu Íslandsbyggðar hefur okkur farnast best þegar við höfum ráðið okkar málum sjálf. Lýðveldistíminn er stuttur og vissulega höfum við gert afdrifarík mistök. Í stað þess að gefast upp og kasta frá okkur ábyrgðinni ættum við að taka okkur saman í andlitinu, draga lærdóm af mistökunum og bregðast við þeim eins og menn.

"Lengi getur vont versnað" Já ótrúlegt en satt:

Jafn afleitt og kvótakerfið er hér á Íslandi, færum við fyrst úr öskunni í eldinn með því að hér yrði innleitt Brusselfiskveiðikerfið. Og þá myndi fáráðlingahátturinn ná nýjum hæðum ef þjóðin afhendi fiskimiðin, lífsbjörgina, til Evrópusambandsins og þeir fáu húskarlar sem hér strituðu fyrir mat, þyrftu að halda uppi heilu stóði af hámenntuðum íslenskum möppudýrum sem nytu lífsins í Brussel þar sem menn sópa göturnar fyrir 300.000.

Víglínur skýrast gagnvart ESB

Össur hefur sterkar þjóðir með sér

En íslenska þjóðin styður hann ekki í því að ganga í Evrópusambandið og enn síður að ganga að afarkostum Breta til þess. Bretar vita val af þráhyggju Samfylkingarinnar og spila á hana.

Össur: Höfum sterkar þjóðir með okkur

Jón Bjarnason beygi af blindgötunni

Eftir að sápukúlur bankanna sprungu og skildu eftir sig skuldaklístur hefur enn og aftur komið í ljós að Íslendingar lifa af sjávarútvegi. Vitað er að sjávarspendýr éta 20 x meira magn en við veiðum.  Íslendingar eiga því tilveru sína undir því að fá að halda jafnvægi í lífríkinu. 

Nú hefur komið á daginn sem við vöruðum við að Evrópusambandið myndi banna sel- og hvalveiðar ef og þegar það tæki við stjórn landhelginnar.  Afrakstur af hvalveiðum hefur dugað fyrir rándýru aðildarviðræðuferli. Þessu vilja aðildarsinnar fórna og telja sig geta fengið styrk frá Evrópusambandinu fyrir viðræðukostnaði.  Sérfræðingar munu fá vinnu í Brussel en almenningur tapar lífsbjörginni. 

Vonandi tekst Jóni að koma Össuri í skilning um þetta.

Vilja að við hættum hvalveiðum

Eru laun Más kjarni efnahagsvandans?

Ég hef takmarkaðar áhyggjur af því hvort Már Guðmundsson er með 400.000 kr meira eða minna í laun. Hitt er verra að Alþjóða gjaldeyrissjóðurinn sem stjórnar Seðlabankanum í reynd telji að það þurfi að kæla hagkerfið á Íslandi með háum stýrivöxtum.

Breytt að ósk ráðuneytis