Marklaus Evrópunefnd

Þorgerður Katrín varaformaður Sjálfstæðisflokksins hefur sagt að Íslendingar hafi ekkert val, þeir verði að ganga í Evrópusambandið.  Samfylkingin hefur sett Sjálfstæðisflokknum skilyrði um að þeir verði að fallast á aðild að ESB. Sjálfstæðisflokkurinn hefur ákveðið að láta ríkisstjórnina halda eins lengi og þeir geta helst út kjörtímabilið.  Niðurstaðan liggur fyrir: Einn kostur ekkert val.  Til hvers er þá verið að skipa Evrópunefnd, fyrst þetta er málamyndatilbúningur?  Svarið liggur í augum uppi: Þetta er lýtaaðgerð af svipuðum toga og almannatengslaráðgjöfin sem kostar hundruð milljóna. Hvað munar um einn kepp í sláturtíðinni?

350 milljónir í ráðgjöf og almannatengsl

Hærri skattar dýpka kreppuna

Það eru gömul og ný sannindi að lækkun skatta hleypir lífi í efnahagslífið og með sama skapi munu hærri skattar dýpka kreppuna sem við stefnum ofaní.  Ríkisstjórnin sker einnig grimmt niður vegaframkvæmdir, allt eru þetta ákvarðanir sem meðvitað leiða til mikils atvinnuleysis og dýpkunar kreppu. Það eina sem ríkisstjórnin hefur gert til að bæta atvinnuástandið er að ráða Kristínu Árnadóttur, vinkonu Ingibjargar Sólrúnar Gísladóttur, sem sendiherra.

 

Ráðning Kristínar, sem sendiherra, er eina opinbera ráðstöfunin til að bæta atvinnuástandið. 

Tillögur um mikinn niðurskurð

Eirðarlaus lóðatík, ábyrg fyrir verkleysi ríkistjórnarinnar.

Bjarni Benediktsson viðurkennir að mikið hik sé á stjórnvöldum
aðspurður um hvers vegna ekki er unnið að því að stefna Bretum. 
Ríkisstjórnin hefur í raun ekkert gert annað en að fara inn í bankana
sem hún veit ekki hvað hún á að gera við og  slá lán síðan
kosningabaráttunni um öryggisráðið lauk. Þetta verður sennilega til að
Íslendingar tapa skaðabótaréttinum, þar sem þeir skila ekki inn gögnum.
Skýringin er að hluta til falin í því að Samfylkingin er eins og
lóðatík gagnvart ESB. Innan þeirrar girðingar eru nokkrir óstýrilátir hundar sem gjarnan vilja komast í fiskimiðin.

Úrræðalaus kreppustjórn athugið! Hér bjóðast lausnir

Ríkisstjórnin stendur ráðþrota. Samfylkingin bendir á aðild að ESB sem laust á öllum vandamálum, Sjálfstæðisflokkurinn bendir ekki á neitt. Frjálshyggjan og fyrirhyggjuleysið sem allt átti að leysa gerði Ísland gjaldþrota og nú er löng þögn.  Færeyingar voru í mikilli kreppu en þeir leituðu til Jóns Kristjánssonar sem ráðlagði þeim að henda kvótakerfinu og í dag eru þeir aflögufærir.

Með afnámi kvótakerfis losnum við við brottkast fyrir tugmilljarða á ári. Höfum við efni á slíkri sóun núna?

Aflaheimildum er úthlutað til eins árs í senn og getur hún aldrei myndað eignarétt" ( úr fiskveiðistj. lögum)

 Það á að byrja á að bora  gat á kerfið með að gefa allar handfæraveiðar frjálsar.  (myndi laga viðskiptajöfnuðinn, minnka skuldir og hækka gengi krónunnar) auka línuívilnun utan kvóta (hvoru tveggja vistvænar veiðar)

Síðan er hægt að fikra sig út úr kerfinu smátt og smátt með því að koma á sóknarstýringu fyrst á smærri skipum. Þetta er allt hægt að gera bótalaust  án þess að breyta veðsetningum til að auðvelda umskipti sem  þurfa að fara fram. 

Af hverju er ekki gefinn út hvalveiðikvóti strax? Hvalkjöt er nú byrjað að seljast á háu verði í Japan og hvalir éta amk 20 sinnum meira en við veiðum.

Tekjuskattur og útsvar hækka

Keppni í að fá að gefa fiskimiðin?

Þeir sem eiga fjölmiðlanna vilja koma Íslandi í  ESB,  það er samt broslega barnalegur áróður að búa til "frétt" þar sem látið er að því liggja að Ísland sé í keppni við Króatíu um að fá að vera númer 28. Rómarsáttmálinn kveður á um að fiskistofnar skuli lúta sameiginlegri stjórn. Undanþágur sem nást með samningum geta einungis verið tímabundnar. Olli Rehn, sá sem stjórnar keppninni hefur sjálfur sagt að Íslendingar geti ekki fengið verulegar undanþágur. Reglugerðum sem kveða á um veiðireynslu má breyta hvenær sem er.   Mig langar að  koma þeirri ábendingu til blaðamannsins að spyrja Samfylkinguna að því af hverju hagvöxtur er svona lágur í ESB eins og taflan sýnir.

 

 

 

 

Viðtal við keppnisstjórann má heyra hér

Ísland gæti keppt um að verða 28. ríki ESB

"Sjáið þið ekki veisluna drengir"

Þegar dýralæknirinn Árni M. Mathiesen, , fjármálaráðherra, var aðvaraður af stjórnarandstæðingum á alþingi fyrir að fara óvarlega í þenslunni, sagði hann þessi fleygu orð:

"Sjáið þið ekki veisluna drengir" 

 Árni M. Mathiesen, á nú góða möguleika á að verða útnefndur versti bankamaður í heimi.

 

Árni versti bankamaðurinn?

Traust efnahagsstjórnun?

 

 

ESB-aðild ávísun á atvinnuleysi og launalækkun

Þreif skít af Austurvelli Fyrirmyndar útigangsmaður

Útigangsmaður sem gekk örna sinna á Austurvelli bætti ráð sitt og þreif eftir sig skítinn þegar hann vaknaði. Þeir sem starfa við  Austurvöll ættu að taka þennan útigangsmann sér til fyrirmyndar og fjarlægja skít og annan óþrifnað við Austurvöll.

Gekk örna sinna í runna á Austurvelli

Geir telur sig ábyrðalausan & ómissandi

Sjálfstæðisflokknum hefur nú eftir 17 ára valdazzzz tekist að koma Íslandi á hausinn og er nú í óða önn að skuldsetja ófædd börn. Forsætisráðherrann Geir Haarde, sem verið hefur ráðherra í 10 ár, þar af 8 ár sem fjármálaráðherra,  telur sig í viðtali við AP alls ekki bera neina persónulega ábyrgð á því  hvernig fór. “’Ég get ekki tekið ábyrgð á framferði bankamanna."  Auðvitað er enginn að biðja hann um það. En ef hann vill ekki taka ábyrgð á einkavinavæðingunni og því að gefa bönkunum leyfi til að veðsetja þjóðina, langar mig að spyrja: Er þessi maður ekki að sækjast eftir ábyrgð þegar hann gefur kost á sér í stjórnmálum?  Björgólfur Guðmundsson axlaði ábyrgð með því að viðurkenna mistök sín en sagðist þó  alltaf hafa farið að settum reglum. Geir segir að ekki megi kjósa því hann hafi svo mikið að gera við að bjarga þjóðinni með skrifa upp á skuldir fyrir hönd hennar.  Hvernig getur maður sem telur sig ábyrgðarlausan talið sig samt svona ómissandi?

Geir Haarde telur sig ábyrgðarlausan og ómissandi

90 ára fullveldi Íslands

Íslendingar búa að auðugustu fiskimiðum heims, sem Bretar og önnur ESB lönd hafa lengi ásælst. Sakir einfeldningsháttar hefur Samfylkingin stutt þessi ríki með því að hvetja til innlimunar Íslands í sambandið og þar með afsals auðlindanna.

Það yrði sannarlega kaldhæðni örlaganna ef gáleysi ráðherra Samfylkingarinnar ásamt óbylgjörnum kröfum ESB á hendur Íslendingum í kjölfar þeirra mistaka, verði til að brjóta andlegan  þrótt þjóðarinnar svo hún afhendi auðlindir sínar án endurgjalds, í veikri von um að Ísland geti  kysst á vöndinn og sagt sig til sveitar hjá ESB. 

Mætum öll í Salinn í Kópavogi 1. des

Fagna fullveldinu