Til hvers að vekja úrillan hund?

Finnski sendiherra ESB á Íslandi sagði í viðtali við Fb að hann
óttaðist að samband Íslands við ESB myndi súrna ef til þess kæmi að
þjóðin hafnaði samningnum.   Með aðildarumsókn var Ísland að gefa Evrópusambandinu ádrátt um að það geti fengið fiskveiðilögsöguna. Viljum við auka þessar falsvonir þeirra? Því er ljóst að þessi misráðna umsókn mun í
öllu falli skaða Ísland og því meir sem það er dregið að draga umsóknina til baka.

ESB þjarmar að Færeyingum

Réttarkerfi misgott fyrir suma?

 Þó réttarkerfið sé gallað eins og þarna sést hef ég meiri trú á því en stjórnsýslunni. Sjálfur hef ég orðið vitni að því að Neytendastofa hafi meðvitað tekið við rangri skýrslu og látið það mál liggja árum saman og síðan fyrnast. Það ætti að skera niður fjárveitingar til opinberra eftirlitsstofnanna sem hilma yfir lögbrot og hindra framgang réttvísinnar.

Getur hindrað framgang réttvísinnar

Hver talar þegar upplýsingafullrtrúi talar?

Ég hef þekkt Ragnar Arnalds til fjölda ára og veit þess vegna að hann er heillyndur og trúverðugur heimildamaður. Einhver Katrín Bessadóttir er dubbuð upp með titilinn "upplýsingafulltrúa" kannski til að vefengja orð Ragnars, sem er valinkunnur sómamaður og ef til vill dyggari stuðningsmaður hugsjóna VG en þeir sem láta upplýsingafulltrúann rengja hann. 

Hafna ummælum Ragnars um ESB-kosningu

Trúður gefur kost á sér í landsstjórnina.

Það þurfti trúð til að segja upp rúmlega 200 manns hjá OR sem gerðu ekki neitt. Enginn "ábyrgur" stjórnmálaflokkur hefði gert það. Þess vegna gætu einhverjir freistast til að fá trúð í stöðu utanríkisráðherra í von um að trúðurinn myndi segja upp gagnslausum sendiherrum. Þessu er samt engan veginn treystandi. ESB sinnar sem vilja stækka stjórnsýsluna á kostnað almennings og afhenda Evrópusambandinu fiskveiðilögsöguna skýla slæmum málstað sínum bak við viðfeldinn trúð sem þjóðinni þykir vænt um.

Jón Gnarr í 5. sæti í Reykjavík norður

Hvað ef Graham biður fyrir Obama?

Ég skal segja ykkur það ein aðalfréttin í USA er að það hafi hlaupið á snærið hjá  Romney að fá öldunginn Billy Graham til að biðja fyrir sér og þetta muni skipta sköpum. En hvað ef Obama fær Billy til að biðja fyrir sér. Er hann þá ekki búinn að jafna metin? 

Graham biður fyrir Romney

Ekkert Evruland nálgast Svíþjóð í hagvexti

Svíþjóð er í Evrópusambandinu en þar leggur enginn hagfræðingur til að skipt verði á sænsku krónunni og evru en þær raddir voru þar uppi fyrir nokkrum árum. Það var svipað með mengjakennsluna í skólum sem Íslendingar tóku upp um það leiti sem Svíar sáu að þetta gekk ekki.

Methagvöxtur í Svíþjóð

Þessi kona vinnur á.

Það væri órafjarri sannleikanum að segja að ég væri sammála Sigríði Ingibjörgu Ingadóttur í Evrópumálum. En hitt verð ég að segja að þessi þingmaður vex stöðugt í áliti hjá mér með störfum sínum og málflutningi. 

Sagði þá vera drullusokka

Hvernig foreldra vilja börnin eiga?

Af einhverjum ástæðum hefur náttúran komið því þannig fyrir að samkynhneigðir karlar geta ekki átt börn. Jafnréttissinnar hafa fundið það út að þetta sé óréttlátt. Jafnréttisstofa hefur komið auga á að það sé óréttlátt að þroskaheftir megi ekki eignast börn, enda voru framlög til hennar aukin um 35% á fjárlögum og eru þar nú starfandi sjö konur og einn karl.

Hvað þarf að auka framlög mikið til Jafnréttisstofu svo hún leiði hugann að óskum barna?

 

Fátt í boði fyrir samkynhneigða karla

Hreyfingin starfar í almannaþágu

Þingmenn Hreyfingarinnar hafa sýnt það með verkum sínum að þeir starfa í almannaþágu. Þetta kom greinilega fram þegar þau skipuðu Finnboga Vikar í nefnd um endurskoðun fiskveiða. Núna stendur Hreyfingin vaktina um orkuauðlindir þjóðarinnar, ásamt villiköttunum  í VG.

Takk fyrir það.

 

Íhugar að kæra málið til ESA

2/3 Íslendinga vilja draga umsóknina að ESB til baka

Í nýrri könnun sem MMR gerði kemur fram að mikill meirihluti landsmanna vill draga umsókn landsins að ESB til baka. Sjá könnun hér

Ennfremur kom í ljós að mikill meirihluti landsmanna telur að peningum til umsóknar að Evrópusambandinu sé illa varið. 

Evrópusambandið situr við sinn keip og ætlar að hefja aðildarviðræður í óþökk þjóðarinnar 17. júní  en  setur þau skilyrði að  Ísland verði fyrst að semja um Æsseif

Reiðubúnir að hefja aðildarviðræður