Villifé hrakið fram af björgum

Í samræmi við búfjárlög hefur verið reynt að eyða villifénu við Tálkna sem margir vilja meina að sé það eina sem eftir er af landnámssauðfénu. Því sem ekki hefur tekist að smala hefur verið skotið úr þyrlu eða hreinlega rekið fram af klettum í opinn dauðann.

Afsökunin fyrir þessari undarlegu hegðun er sú að sauðféð geti dáið úr hungri. 

Villifénu slátrað á Sauðárkróki

Athugasemdir

[Þorsteinn Valur Baldvinsson, 30.10.2009 kl. 16:49]

Merkilegt hvað dýraverndarsamtök láta lítið í sér heyra við þessa meðferð, ef sparkað er í kött eða smáhund verður mikill hávaði en svona villimennska telst eðlileg.

Er ekki hræsni einhverstaðar.

[Níels A. Ársælsson., 30.10.2009 kl. 16:51]

Þetta er nú meira andskotans ruglið að geta ekki séð þetta fé í friði.

[Jón Snæbjörnsson, 30.10.2009 kl. 17:11]

ansk óþjóðalíður

[Ómar Bjarki Kristjánsson, 30.10.2009 kl. 17:15]

Hvernig eiga þessar rollur að vera  "það eina sem eftir er af landnámssauðfénu" en aðrar kindur á landinu ekki ?

Er þetta fé ekki bara komið í beinan hrútslegg af sauðum Hrafna-Flóka ?

Hvert eru menn að fara með þetta dæmi eiginlega.  Segi eins og maðurinn:  Hafa menn aldrei verið í sveit ?

Það er ekkert merkilegt við þessar rollur.  Ekki neitt.  Það er heldur ekkert merkilegt að kindur hrapi eða laskist í smalamennsku í erfiðu landi. Ekki neitt.

Og það að hafa kindur í útigangi þarna algjörlega eftirlitslaust er tóm vitleysa.  Eða - eru menn kannski að segja að svona eigi að vera um land allt.  Fé að hrekjast til og frá uppá fjöllum og klettaráum að vetrarlagi eftirlitslaust í mörgum reyfum,drepast hist og her og sligastundir eigin þunga, liggjandi ósjálfbjarga etc.  Eg á bara ekki orð

Þetta er fráleit umræða.  Fráleit. 

[Níels A. Ársælsson., 30.10.2009 kl. 17:30]

Ómar Bjarki Kristjánsson.

Af hverju er þetta sauðfé að plaga þig ?

Hvern andskotan varðar þig um þessar rollur sem hafa verið hér í okkar landi í góðu yfirlæti í yfir 50 ár og aldrei verið neinum til ama öðrum en skaðmenntuðum hálfvitum úr 101 Reykjavík ?

[Jón Snæbjörnsson, 30.10.2009 kl. 17:35]

hver er þessi Ómar Bjarki Kristjánsson  ?

hissa á þér Níels að hleypa þessu liði í gegn

[Sigurður Þórðarson, 30.10.2009 kl. 18:20]

Nákvæmlega Þorsteinn algjör hræsni.

[Sigurður Þórðarson, 30.10.2009 kl. 18:22]

Takk fyrir innleggin Níels og Jón. Þetta eru ólög og  óþjóðalýður sem fer að ólögunum.

[Sigurður Þórðarson, 30.10.2009 kl. 18:26]

Ómar Bjarki jú við höfum einmitt mörg hver verið í sveit.  Menn þurfa ekki að vera fjárglöggir til að sjá að það er talsverður munur á þessu hávaxna villta fé og ræktuðu fé.

[Rósa Aðalsteinsdóttir, 30.10.2009 kl. 18:38]

Sæll Siggi minn

Af hverju hefur ekki verið meira sagt frá þessu fé í gegnum árin. Þetta er alveg sérstakt dæmi og hefði verið frábært að leyfa þeim að lifa.

Kannski hefði þetta verið skemmtilegt verkefni fyrir einhvern sem er að vinna að doktorsritgerð að skoða villiféð í Tálkna. Skoða mismun á villtum stofn og sauðfénu okkar sem þarf ekki að lifa við svona aðstæður á veturna.

Ábyggilega hefði verið hægt að trekkja einhverja ferðamenn til að skoða þennan villta stofn sem sumir segja að hafi bara verið hrútar og það eitt er verðugt verkefni að skoða því þessi stofn er sagður hafa lifað þarna í 50 - 60 ár  

Tek undir með Þorsteini, meiri hræsnin í dýraverndarsamtökum en það er búið að vera að skjóta fé úr þyrlu og eins búið að reka það niður hlíðar Tálkna og sum þeirra hlupu fyrir björg á flótta þegar var verið að smala þeim til þess eins að slátra þeim. Nógir peningar til þarna, fengin þyrla til að skjóta fé og það sem náðist sent til slátrunar til Sauðarkróks.  Var það kannski tilviljun að sauðirnir voru sendir til Sauða-króks?

Hefði verið ódýrara að leyfa þeim að vera í Tálkna og hvetja okkur landsmenn að koma og sjá eina villta sauðfé stofninn á Íslandi þegar við værum á ferð þarna um. Það hefði verið gaman.

Guð veri með þér

Kær kveðja/Rósa

[Ómar Bjarki Kristjánsson, 30.10.2009 kl. 20:46]

Sigurður, eg segi bara eins og Ólafur Dýrmunds þegar hann var spurður eitthvað á þá leið hvort að um "sérstakan stofn" væri að ræða:  He ! Fráleitt !!

Þetta er bara ósköp venjulegar rollur.

http://dagskra.ruv.is/sjonvarpid/4497795/2009/10/29/8

Og eg feila að sjá þessa háfætingu sérstaklega.  Jú má etv merkja grófvaxið en þú getur auðveldlega ræktað þessa eiginleika bara heima hjá þér ef þú villt. Haft smá kindahús í garðinum.

Menn eru bara að tapa sér í þessu máli og fjölmiðlar bulla bara.

Féð hafi þróað með sér sérstka lipurð í klettum og eg veit ekki hvað !

Auk þess dreg ég stórlega í efa að um einangraðar kindur sé að ræða síðan 1950 eða eg veit hvað menn segja í það og það skiptið.

Líklegast er þetta bara fé sem verður eftir í smalmennskum annarsstaðar þarna á svæðinu, lömb aðallega, og endar þarna með tímanum. 

Enda var nú tekið fram að allavega ein væri merkt.  Ekki villtari stofn en það.

Ennfremur er áberandi á myndum að flestar kindanna virðast ungar.  2,3-4 vetra mest.  Það vekur spurningar í huga mér allavega (en að vísu hefði verið æskilegra að hafa fleiri myndir og betri)

[Sigurður Þórðarson, 30.10.2009 kl. 21:31]

Sæl Rósa mín,

Ég segi nú eins og Kristur á krossinum:

"Guð fyrirgefi þeim því þeir vita ekki hvað þeir gera"

Vonandi hefur gangnamönnunum ekki tekist að handsama eða farga öllum 'am:

Guð blessi þig

[Óskar Helgi Helgason (IP-tala skráð) 30.10.2009 kl. 21:47]

Heill og sæll; Sigurður - og þið önnur, hér á síðu !

Sigurður - Níels, og þið önnur !

Æji; ég verð, að segja Ómari Bjarka til afbötunar, að tilvist þessarra blessaðra skepna - sem villt ganga þeirra, í alíslenzkri náttúru, getur ALDREI samræmst reglugerða stíg þeim, sem Ómar Bjarki, hefir heitið ESB þjónkuninni, að feta - allt; til sínz hinzta dags.

Í því ljósi; hljótum við hin, sem einhverja nasasjón höfum, af eðlilegri umgengni við íslenzka náttúru, að fyrirgefa Ómari Bjarka, blessuðum.

Því; í hans huga- sem annarra, af hans stássi, er EKKERT göfugra, en skrifræðis reglur Reykjavíkur - Brussel - Berlínar hvítflibbanna, gott fólk.

Ykkur; að segja. 

Með beztu kveðjum; sem jafnan, úr Árnesþingi /

Óskar Helgi Helgason 

[Sigurður Þórðarson, 30.10.2009 kl. 22:02]

Sæll Ómar og þakka þér fyrir að koma þessu sjónarmiði á framfæri.

[Sigurður Þórðarson, 30.10.2009 kl. 22:33]

Já komdu ævinlega blessaður Óskar Helgi.

Sauðfjárstofninn hefur ekki breyst á neinu tímabili Íslandssögunnar og síðastliðin 50 ár. Bírókratarnir hafa samt breyst og úrkynjast jafnvel enn hraðar.

[hermann aðalsteinsson (IP-tala skráð) 30.10.2009 kl. 22:43]

Er ekki bara verið að framfylgja lögum ? Lögum sem gilda í landinu og hafa gert lengi ?  Allt í kringum landið kappkosta menn við að smala öllu fé fyrir veturinn og fara svo í eftirleitir til þess að ná öllu. Enginn vill skilja eftir fé sem er vitað um áður en vetur gegnur í garð. amk ekki þar sem fjallskilanefndir eru að vinna sín verk.

[hermann aðalsteinsson (IP-tala skráð) 30.10.2009 kl. 22:51]

Svo er það allt annað mál hvort nauðsynlegt var að senda féð í sláturhús. Nema að staðfest væri að féð væri td. með riðu.

[Sigurður Þórðarson, 30.10.2009 kl. 23:12]

Mikið rétt hjá þér Hermann. Það er verið að framfylgja lögum eftir bókstafnum eins og bókstafstrúarmenn en mönnum getur orðið hált á því rétt eins og að þýða einstök orð eftir orðabók en láta samhengið lönd og leið.

Eða hverjum dettur í hug að þessi lög séu  sett til höfuðs villtum dýrastofnum?

[Hermann aðalsteinsson (IP-tala skráð) 30.10.2009 kl. 23:18]

Útigangsfé er ekki villtur dýrastofn. Kindur eru húsdýr.

[Sigurður Þórðarson, 30.10.2009 kl. 23:28]

Hermann, ég vona að þú vitir að öll spendýr eiga það sameiginlegt að hafa verið villt. Þar sem landrými er fyrir hendi geta spendýr t.d. hundar, hestar  og svín svo dæmi séu tekin gegnið villt þau þau séu oftast húsdýr. 

[hermann aðalsteinsson (IP-tala skráð) 30.10.2009 kl. 23:40]

Veit ég það vel, enda bóndi sjálfur. Sauðfjábúskapur gengur út á það að nýta beitina á sumrin og smala fénu svo heim fyrir veturinn.

Ég bjó sjálfur einu sinni á Tálknafirði fyrir löngu síðan. Tálkninn var smalaður amk. 2 sinnum þegar ég bjó þarna, en ég man það ekki hvort allt féð náðist á þeim árum. Einu sinni var varnarliðið sent í þyrlu og féð skotið á færi. Engum dytti í hug að gera það í dag.

[Sigurður Þórðarson, 31.10.2009 kl. 00:24]

Jæja Hermann, þú ert bóndi, ég ber virðingu fyrir fóli sem lifir á og með náttúrunni. Við erum komin of langt frá upprunanum og það eru alltof margir sem hafa enga tilfinningu fyrir verðmætasköpun til sjávar og sveita. Ég bý í Reykjavík en var lengi til sjós og er tengdur fólki sem lifir af landbúnaði einkum sauðfjárrækt.

Ég ber líka hlýjar taugar til sauðkindarinnar sem Íslendingur og ég veit að þú skilur það. 

[Sigurður Þórðarson, 31.10.2009 kl. 00:37]

En að allt öðru.

Orðið "kind" er til í öllum germönskum málum og virðist hafa jákvæða merkingu.

Í þýsku þýðir það barn og í ensku getur það þýtt ætt, eða íbúar jarðarinnar með forskeytinu man. Í forníslensku virðist orðið þýða gott fólk eða Æsir (helgar kindir) sbr upphaf Völuspár.

Seinna er orðið notað á Íslandi um ær, sem sýnir virðingu Íslendinga fyrir sauðfé. 

[Hermann Aðalsteinsson (IP-tala skráð) 31.10.2009 kl. 10:10]

Ég kem úr bændasamfélagi og fólk á mínum slóðum furðar sig á umræðunni um þetta útigangsfé í Tálkna. Það er alveg augljóst að þetta er ekki góð búmennska að skilja eftir fé ár eftir ár á svæðinu. Svona nokkuð viðgengst ekki í alvöru sveitum. 

Viðring fyrir sauðfé er nú lítil í dag og sést best á umræðunni núna.

Ég gat ekki annað en hlegið þegar ég sá ályktun Tóvuvinafélagsins á bbl.is í gær.

 http://www.bbl.is/index.aspx?GroupId=38&TabId=46&NewsItemID=4357&ModulesTabsId=191

Stjórn félagsins er örugglega að grínast með þessu, svona eins og þegar þeir ályktuðu um vermdum tófunnar við mögulega inngöngu í ESB um daginn. 

http://mbl.is/mm/frettir/innlent/2009/10/26/hagsmuna_tofunnar_verdi_gaett_i_icesave_mali/

[Sigurður Þórðarson, 31.10.2009 kl. 10:39]

Takk fyrir þessa skemmtilegu ábendingu um Tófuvinafélagið Hermann. Krydd í tilveruna lyftir okkur úr grámyglunni.

Útrýming villifjár er að mínu mati ekki nauðsynlegri en t.d. útrýming hreindýra þó sum þeirra falli úr hor.  Þetta er mín skoðun.

 Má ég spyrja hvar þú ert bóndi núna?

[Hermann Aðalsteinsson (IP-tala skráð) 31.10.2009 kl. 10:41]

Lyngbrekka í Reykjadal. (Þingeyjarsveit).

[Sigurður Þórðarson, 31.10.2009 kl. 11:12]

Vestfirðingar og Þingeyingar eru skyldir vegna þess að Vestfirðingar fluttu þangað eftir þá landauðn sem skapaðist við svartadauða.  

 Bestu kveðjur í sveitina.