Ríkisstjórnin blekkti Svavar Gestsson illilega!

Bretar sendu sinn fremsta samningamann til að stýra viðræðunum. Það var aftur á móti illa gert af ríkisstjórninni að senda Svavar Gestsson sendiherra óundirbúinn og gera hann að formanni nefndarinnar. Ástæða þess að Svavar var ánægður með samninginn var sú að hann var blekktur.  Í fyrsta lagi virðist hann hafa haldið að Íslendingum sem þjóð bæri að standa í ábyrgð fyrir einkabanka. Í öðru lagi taldi hann að öruggt væri að allar eignir Landsbankans rynnu til Icesave en það er óvíst að aðrir kröfuhafar samþykki það. Og í þriðja lagi virðist hann halda að 5,55% vextir séu lágir. 

 Þetta var ekki fallega gert af Samfylkingunni.

Sjálfstæðismenn til bjargar

Athugasemdir

[Sigurður Þórðarson, 12.6.2009 kl. 21:35]

Ágæta önd, þakka þér fyrir kvakið.

Fremsti hérlendi fræðimaður í Evrópurétti er prófessor Stefán már Stefánsson.  Mætti ég benda þér á að lesa grein hans í Morgunblaðinu í dag.

[Óskar Helgi Helgason (IP-tala skráð) 12.6.2009 kl. 21:58]

Heill og sæll; Sigurður - sem, og þið önnur, hér á síðu hans !

Auðvitað; hugðu menn, þennan gamla ref, kunna betur ril verka, en raun virðist bera vitni, Sigurður.

En; líkast til, takið þið öll efir, þeim leyndarhjúp, sem þessi Fjandans ''samningur'' er umvafinn, svo mjög, að þingsetar meirihlutans, hafa víst ekki enn, almennir; fengið að sjá plaggið.

Segir það ekki okkur; sitthvað ?

Með beztu kveðjum - sem jafnan, úr Árnesþingi /

Óskar Helgi Helgason 

[Sigurður Þórðarson, 12.6.2009 kl. 22:06]

Sæll Óskar minn.

Svavar kann að vera refur en hann er sérfróður í lögfræði frekar en hver annar refur.

[Jón Valur Jensson, 12.6.2009 kl. 22:47]

Gott hjá þér, Sigurður, en reyndar hygg ég engu síður rétt að segja, að BREZKU SAMNINGAMENNIRNIR hafi blekkt Svavar, innprentað honum ÞEIRRA "rök" og fengið hann til að básúna básúna þau hér, eins og hann gerði í Spegilsþætti Rúv í kvöld! Sjá nánar um það í þessu innleggi mínu á eigin vefsíðu. Á þeirri sömu vefsíðu má lesa hin afar sterku rök Lárusar Blöndal hrl. og Stefáns Más Stefánssonar, lagaprófessors og sérfræðings í Evrópurétti fyrir því, að ábyrgðin á Icesave-reikningunum er EKKI þjóðarinnar. "Öndin trítilóða" hefur svo sannarlega ekki roð (ekki einu sinni stél) við þessum lögspekingum um lagalegar skyldur íslenzka ríkisins.

Með kærri kveðju og ósk um góða helgi,

[Sigurður Þórðarson, 12.6.2009 kl. 23:01]

Sæll Jón Valur og takk fyrir innlitið.

Pólitíst skipaðir diplómatar eru sem börn í höndunum á reyndum samningamönnum. Þeir hafa hvorki roð né stél (nema kannski hanastél) í þetta.

[Sigurbjörn Svavarsson, 12.6.2009 kl. 23:14]

Í fyrsta lagi, í öðru lagi og í þriðja lagi,þá er ekki ólíklegt að hann hafi leitað í smiðju Jón Baldvins þess, sem er mesti (land)sölumaður ESB á Íslandi. Þess Jóni sem finnst íslendingar aðeins geta verið þjóð skuldlausir, -eins og við vorum undir kónginum. Þess Jóni sem er vanur í prótakollinu að hneigja sig fyrir erlendum höfðingjum. Svo er sjálfsagt að spyrja þá hverjir vextirnir séu nú í dag eins og við þann danska kaupmanninn í einokuninni, - ekki förum við að prútta við höfðingjana, frekar en bóndinn þá.

[Sigurður Þórðarson, 12.6.2009 kl. 23:17]

Þakka þér fyrir þitt góða innlegg Sigurbjörn.

[Helga Þórðardóttir, 12.6.2009 kl. 23:32]

Ég held að það hafi verið Steingrímur sem hringdi í sinn gamla vin og læriföður úr Alþýðubandalaginu. Alltaf sami klikuskapurinn í pólitíkinni. Það virðist ekkert hafa breyst. Átti ekki allt að vera upp á borðum en samt fáum við ekkert að vita um minnismiða og fleira.

[JR (IP-tala skráð) 13.6.2009 kl. 00:04]

Fyrir gefiði, nefnið einhvern sem þið hefðu treyst ?

Ekki það að ég sé mikill aðdáandi Svavars. En þar sem við erum með handónýtt spillt embættismannakerfi, hvar sáuð þið þennan harða samningamann ?

Getur verið að Svavar hafi verið besti kostur, eftir allt saman ?

[Árni Gunnarsson, 13.6.2009 kl. 00:39]

Ekki þekki ég Svavar Gestsson en skólasystir hans úr menntaskóla segir hann hafa átt gott með að læra!

Og einhvern veginn er það nú svo að ég á ekki gott með að taka þá pólitíkusa mjög alvarlega sem tala mikið í hástigslýsingarorðum og með áberandi leikrænum tilburðum. Það sem gerir niðurstöðu þessa samnings skárri en ella í mínum augum er að Indriði frá Eyjarhólum var í nefndinni sem spjallaði við þessa Breta. En óútfylltur víxill er mér ekki hugnanlegur.  

Við búum við vandamál sem ég sé bara ekki að við getum leyst.

Okkur vantar menn.

[Jens Guð, 13.6.2009 kl. 01:26]

  Það er ljótur hrekkur að plata Svavar.  Það var hinsvegar snjall leikur hjá Davíð Oddssyni að skáka Svavari á sínum tíma út úr íslenskri pólitík með því að gera hann að sendiherra í útlöndum.

[Sigurður Þórðarson, 13.6.2009 kl. 05:53]

Sæl Helga,

Ég veit ekki með vissu  hver valdi Svavar en hann heyrir beint undir utanríkisráðuneytið og þess vegna taldi ég að  hann væri á vegum þess eða forsætisráðuneytisins. Kannski að Steingrímur hafi haft hönd í bagga?

[Sigurður Þórðarson, 13.6.2009 kl. 06:02]

JR,  Svavar er hinn mætasti maður og enginn sem til hans þekkir fríar honum vits. Það liggur þó fyrir að hann hefur enga sérfræðiþekkingu á því sviði sem fjallað var um í samningunum enda koma það í ljós að samningum loknum að hann hafði litla þekkingu á viðfangsefninu.

Þegar landhelgisdeilan var til lykta leidd var Hans G Anderssen heimsþekktur þjóðréttarfræðingur  formaður samninganefndar Íslands.  Við áttum að nýta okkar bestu sérfræðinga, enda er málið af slíkri sstærðargráðu.

[Sigurður Þórðarson, 13.6.2009 kl. 06:07]

Sæll Árni, ég tek undir góð orð um Indriða og þetta er sjálfsagt allt hið vænsta fólk. En ef sérfræðingur á ekki að stýra nefndinni þá verður nefndin að fá réttar upplysingar áður en hún leggur í svona verkefni.

[Sigurður Þórðarson, 13.6.2009 kl. 06:08]

Já Jens, ég er sammála hverju orði.

[Árni Gunnarsson, 13.6.2009 kl. 16:56]

Ég hlustaði á Vikulokin á Rúv í dag. Þar ræddi Heiðar Örn við Skúla Helgason, Vigdísi Hauksd. og Tryggva Þór Herbertsson. Hafi ég fylgst nógu vel með og ekki misskilið neitt þá stendur upp úr.

1. Svavar Gestsson skýrði IceSave samninginn fyrir viðskiptanefnd Alþingis og sagði í lokin að þetta hefði verið bærileg niðurstaða og hann ekki nennt að hanga yfir honum lengur. Krafinn skýringa um eitthvað sem ég náði ekki vel svaraði hann því til að þetta gætu þau allt lesið um þegar hann gæfi út ævisöguna! Gamansamur maður Svavar.

2. Tryggvi Þór kom eins og viti borinn maður inn í þennan þátt og var sannfærandi í öllum sínum málflutningi.  

[Sigurður Þórðarson, 13.6.2009 kl. 17:40]

Þakka þér fyrir þetta "rapport" Árni. Ég hafði reyndar heyrt eitthvað af þessu og að Tryggvi hefði staðið sig vel. Kannski að Svavar hafi áttað sig á að samningurinn er meingallaður og snúi þessu upp í grín, það er jú mannlegt.

[Jón Valur Jensson, 13.6.2009 kl. 19:07]

Vigdís Hauksdóttir var kröftug líka í þættinum – eins og í grein sinni í Mbl. í morgun: Lygin er lygileg, Steingrímur!

[Sigurður Þórðarson, 13.6.2009 kl. 19:51]

Jón Valur, hvert á þessi linkur að vísa?