Fjölmiðlaelítan dásamar nýju fötin keisarans. Vantar vasareiknivél

Steingrímur hafði algerlega rétt fyrir sér.  Í hvert sinn sem Evrópuaðild kemst á dagsrá er "Evrópusérfræðingurinn" Eiríkur Bergmann kallaður til að gefa sitt álit sem felst ávalt  í því að gera lítið úr ókostum Evrópusambandsaðildar.

Þá er Framsókn í raun búin að hafna Evrópusambandsaðild með því að setja skilyrði um  forræði Íslendinga á fiskveiðiauðlindinni. Fjölmiðlamenn vita ekki að ESB mun aldrei samþykkja þetta enda hefur Eiríkur Bergmann ekki sagt þeim frá því. 

Fjölmiðlamenn hafa leyft Samfylkingunni að  komast upp með að svara engu um efnahagsmál en vísa þess í stað á hugmyndir sínar um  aðild að Evrópusambandinu.  Andstæðingar ESB aðildar eru í meirihluta bæði meðal þings og þjóðar.

Eini flokkurinn sem vill sjkja um án skilyrða er Samfylkingin sem hefur 20 þingmenn         Borgarahreyfingin er með óljósar hugmyndir en vill skjóta málinu til kjósenda 4 þingmenn                                           Evrópusinnar samt:                      24 þingmenn

 Andstæðingar Evrópusambandsaðildar eru mun fleiri:

Framsóknarmenn vilja sækja um að uppfylltum skilyrðum um forræði Íslendinga yfir fiskimiðunum, nokkuð sem ESB mun aldrei samþykkja    9  þingmenn

Sjálfst æðismenn telja hag Íslands best borgið utan ESB           16 þingmenn

VG  þelja hag Íslands best borgið utan ESB                             14 þingmenn

Andstæðingar aðildar                                         Samtals       39 þingmenn      

                                            

   

Elítan vill í ESB

Athugasemdir

[Jón Valur Jensson, 27.4.2009 kl. 00:17]

Rétt mælirðu, Sigurður!

Og vel að orði komizt: "Fjölmiðlaelítan dásamar nýju fötin keisarans." Já, hana "vantar vasareiknivél"!

[Guðrún María Óskarsdóttir., 27.4.2009 kl. 01:13]

Sæll Siggi.

Steingrímur tók undir annars nauðsynlega gagnrýni Ásþórs Magnússonar í þessu efni, en Evrópudaður Egils Helgasonar á sér vart fordæmi í íslenskri fjölmiðlasögu ríkismiðilsins.

kv.Guðrún María.

[Jón Valur Jensson, 27.4.2009 kl. 04:01]

Giuðlaugur, Evrópubandalagið vantar fisk, vantar fiskistofna og fiskimið, tugþúsundir franskra og spænskra sjómanna eru atvinnulausar og krefjast fiskveiðikvóta, hvaðan sem hann komi.

Brussel er miðstöð ofursamfélags sem er 1670 sinnum stærra en okkar, sem stýrt er af stærstu þjóðunum, sem halda þar saman (jafnvel Bretar verða oft út undan, 200 sinnum fleiri en við), og þetta bandalag VILL gleypa okkur, eins og ljóst er orðið, og mun sækja þessi fiskveiðiréttindi hingað, ef það getur, enda eftir miklu að slægjast að ráða hér tveggja milljón tonna veiðum og fiskútflutningi, á sama tíma og fiskistofnar hafa brugðizt við meginlandið.

[Sigurður Þórðarson, 27.4.2009 kl. 09:42]

Takk Jón. Gulli ég er að vísa í Rómarsáttmála, sem tekur af öll tvímæli  að allir fiskistofnar heyra undir ESB. Reglugerðum er einfalt að breyta þær koma og fara.  Guðrún, ég tók eftir því að það fór vel á með Steingrími og Ástþóri. Ef Íslendingar fara í ESB geta þeir engu breytt innanfrá af því að við fengjum svo fáa fulltrúa mig minnar u.þ.b. 3 af 580

[Gestur Guðjónsson, 27.4.2009 kl. 09:44]

Sigurður: Ef við fáum tilsvarandi ákvæði inn í okkar aðildarsáttmála um yfirráð fiskveiðiauðlindanna og Azoreyjar og Kanaríeyjar, höldum við fullum yfirráðum. Það að ákvæðið fari inn í aðildarsáttmála gerir það rétthærra Rómarsáttmálanum eða öðrum þeim sáttmálum sem við honum kynni að taka.

[Jón Valur Jensson, 27.4.2009 kl. 11:32]

Evrópubandalagið áskilur sér bæði æðsta rétt í löggjafarmálum og fullan rétt til að endurskoða sjávarútvegsstefnuna frá grunni á 10 ára fresti, og nú eru menn þar að spá í að afnema regluna um "hlutfallslegan stöðugleika"!

[Sigurður Þórðarson, 27.4.2009 kl. 12:40]

Sæll Gestur, ég þekki ekki samninga við ESB við Kanarí- og Azoreyjar en ég kynnti mér samninga ESB við Möltu sem Samfylkingin hefur gumað af augljóslega af mikilli vanþekkingu.  Fyrir utan það að Malta veiðir árlega á við eina trillu á Íslandi. Við vitum báðir hvernig talsmenn ESB hafa tjáð sig um þessi mál: Útilokað sé fyrir Ísland að fá varanlega undanþágu. En að því slepptu verð ég að hæla ykkur framsóknarmönnum fyrir að setja fram ákveðin samningsskilyrði, menn vita þá hvar þið standið í málinu. Það væri í allra besta falli barnaskapur að halda eins og Eiríkur Bergmann að Íslendingar geti breytt einhverju innanfrá. Það er illa gert að skrökva að lítilli þjóð í vanda í þeim tilgangi að hún afsali sér lífsbjörg sinni. Sómakærir framsóknarmenn vilja ekki afsala réttindi niðja sinna til að nýta gæði lands og sjávar. Þess vegna dugar ekki tímabundin undanþága.

[Gestur Guðjónsson, 27.4.2009 kl. 13:51]

Sæll Sigurður: Þess vegna verða ákvæði eins og þau um fiskveiðiauðlindina að fara inn í aðildarsamninginn, einmitt til að koma í veg fyrir að endurskoðun reglna ESB geti ekki haft áhrif á okkar stöðu.

Undanþágur geta ekki verið annað en tímabundnar, en ákvæði í aðildarsamningi eru varanleg og óháð breytingum á stofnsáttmála eða öðrum breytingum á regluverki.

[Sigurður Þórðarson, 27.4.2009 kl. 22:40]

Sæll Gulli en þa´verða menn að setja skilyrði eins og  framsóknarmenn hafa gert.  Það er er óblandin ánægja að fá jafn gott tækifæri til að hæla þeim.