Gísli Marteinn afhjúpar leyndarmál:

 Gísli Marteinn hefur nú afhjúpað af hverju hann þáði laun þó hann væri ekki búsettur á landinu. Hann og Hanna Birna óttuðust að ef hann færi af launaskrá, teldi fólk að fleygur væri á milli þeirra sjá tilvitnun úr heimasíðu Gísla:

 "Það er til marks um breytta tíma í þjóðmálunum að þegar ég komst inn í Edinborgarháskóla og sagði Hönnu Birnu Kristjánsdóttur og öðrum félögum mínum frá því, voru áhyggjur okkar þær að námið mitt myndi koma út einsog flótti væri brostinn í borgarstjórnarflokkinn. Ég segi einsog stundum er sagt: Ef aðeins það væru áhyggjur okkar núna. En eftir það sem á undan var gengið í borgarmálunum, vildum við ekki að fólk héldi að einhver fleygur væri í samstarfi okkar Hönnu Birnu og borgarstjórnarflokknum héldist ekki á sínu fólki. Okkur fannst því betra að ég myndi vera áfram einn af borgarfulltrúum okkar."

Þetta kemur samt of seint hjá Gísla

Himasíða Gísla Marteins

Gísli Marteinn tekur sér launalaust leyfi

Athugasemdir

[Guðmundur Björn, 22.12.2008 kl. 07:17]

Er það ekki bara fín afsökun?  Íslendingar og íslenskri fjölmiðlar eru svo fljótir að dæma allt og alla án þess að hugsa, þannig þetta er bara rökrétt hjá þeim.  Hann Birna fékk sem sagt starfsfrið. 

Almenningur er svo ekkert að tala um þessa Samfó kerlingu sem er víst BÚSETT á Íslandi en hefur mætt á FÆRRI fundi en Gísli Marteinn??  Af hverju er ekki talað um það?? Að því að hún er í Samfó, en ekki Sjálfstæðis- eða Framsóknarflokki??

Sorglegar staðreyndir um hvernig landinn hugsar.  Blindur á það sem hentar honum.

[Sigurður Þórðarson, 22.12.2008 kl. 08:59]

Mjög mikið til í þessu Guðmundur Björn.

[Rósa Aðalsteinsdóttir, 22.12.2008 kl. 11:01]

Sæll og blessaður

Allt þetta bruðl með Gísla Martein var til háborinnar skammar. Hann loksins sá sóma sinn í að fara í launalaust frí. hefði örugglega ekki gert það ef bankahrunið hefði ekki átt sér stað. Spillingin var algjör og það þarf að stöðva spillinguna.

Vertu Guði falinn Siggi minn.

Kær kveðja/Rósa

[Sigurður Haukur Gíslason, 22.12.2008 kl. 11:05]

"........að námið mitt myndi koma út einsog flótti væri brostinn í borgarstjórnarflokkinn."

Hvað er það annað en flótti hjá kjörnum borgarfulltrúa að fara í nám í öðru landi á miðju kjörtímabili?

Er hann ekki að meina að það mætti ekki komast upp að flótti væri brostinn í borgarstjórnarflokkinn?