Ríkisstjórnin byrjuð að narta í útsæðið

Núna þegar ríkisstjórnin  er búin að samþykkja kröfu Evrópusambandsins um að skuldsetja allra framtíð  ófæddra barna á Íslandi þarf að skera niður, um það er ekki deilt, raunar  hefði mátt spara mun meira. Það er þó algerlega fráleitt að loka dyrunum á unga fólkið sem vill komast til náms. Þetta er óskynsamleg og algerlega röng forgangsröðun hjá útrásar-stjórnmálamönnum sem hafa í meira en eitt ár verið með allan hugann við öryggisráðið.

Ekki hægt að taka inn nýnema

Athugasemdir

[Hörður Már Karlsson (IP-tala skráð) 20.12.2008 kl. 14:26]

   Blóðbaðið í niðurskurðinum er ekki hafið ennþá. Þetta er bara forrétturinn.

   Nú er spurningin Sigurður hvar á að skera og hverja á að skera. Þetta er það sem við fáum fyrir að kjósa óhæfa stjórnmálamenn yfir okkur og alltof margir litu undan til þess að sjá ekki spillingunna.

[Sigurður Þórðarson, 20.12.2008 kl. 14:52]

Sæll Hörður takk fyrir góða athugasemd.  Það skera gríðarlega mikið niður í utanríkisþjónustunni og leggja niður nokkrar algerlega ónauðsynlegar ríkisstofnanir.

[Ólafur Als, 20.12.2008 kl. 15:53]

Sæll Siggi,

það er svo merkilegt að á tímum niðurskurðar þá getur hver og einn bent á sitthvað sem ekki ætti að skera niður. Það er að verða deginum ljósara að ekki eru til fjármunir til þess að sinna menntun og velferð á því stigi sem áður var, hvað þá heldur á sviði verklegra framkvæmda. Aurarnir eru bara ekki til staðar, jafnvel þó farið verði í nauðsynlegar skattahækkanir. Eins og Hörður bendir réttilega á er niðurskurðarhnífurinn rétt hafinn sitt starf.

Ef menn vilja koma fjöldanum fyrir til náms, eins og sóst er eftir af hálfu námsfúsra þessa dagana, er ljóst að menntastofnanir þurfa að breyta áherslum sínum, fjölga í kennslustofum og kalla eftir ódýrari lausnum í starfi. Kostnaði á hvern nemanda þarf að ná niður. Gæði námsins mun sem fyrr hvíla á öðrum stoðum en dýrum kennslulausnum.

Utanríkisþjónustan sinnir nauðsynlegu starfi en þar, eins og annars staðar þurfa menn að draga saman seglin enn meira en gert er ráð fyrir í þeim tillögum sem liggja fyrir í núverandi fjárlögum. Vonandi sjá ráðamenn það. En það er einungis dropi í hafið.

Vertu viss um að á næstu misserum mun mæða mikið á ráðamönnum að þeir missi ekki sjónar á því markmiði að koma skikki á skuldastöðu þjóðarbúsins. Það er forsenda þess að hér geti í framhaldinu risið lífvænlegt atvinnulíf, sem geti kostað vel launuð störf og haldið uppi ríkiskassa, sem á ný geti byggt upp velferð og alla þá þjónustu, sem við höfum vanist á allra síðustu árum.

[Sigurður Þórðarson, 20.12.2008 kl. 16:18]

Ólafur ég hef margsinnis bent á milljarða útgjöld sem engin myndi taka eftir þó þau yrðu skorin niður.

[Ólafur Als, 20.12.2008 kl. 16:24]

Er þá ekki ráð að taka þau saman á mannamáli, lið fyrir lið, og sjá hvaða viðbrögð þau fengir við slíkri upptalningu. Ég er þó ekki sammála að ENGINN myndi taka eftir þeim, þetta er oft spurning um hve hátt menn geta hrópað.

[Sigurður Þórðarson, 20.12.2008 kl. 19:58]

Flott hja´þér Ólafur, ég tek þig á orðinu.

[Jóna Kolbrún Garðarsdóttir, 21.12.2008 kl. 00:28]

Ég vil líka sjá tillögurnar þínar lið fyrir lið. 

[Sigurður Þórðarson, 21.12.2008 kl. 02:07]

Sæl Jóna, Friðrik Þór Guðmundsson tók um daginn saman hvað ríkið myndi spara marga milljarða ef hætt væri að ríkisreka þjóðkirkjuna. Nokkrir lögðu þar fram tillögur um eitt og annað sem mætti spara.

Ég nefndi að svokallaðar sparnaðartillögur utanríkisráðuneytisins voru í raun ekki annað en að hætt var við hluta af fyrirhugaðri útgjaldaukningu. Miðað við stærð þjóðarinnar og þá hagsmuni sem í húfi eru vel ég lækka útgjöld ráðuneytisins um  75% og spara þannig 10 milljarða.

Þá vil ég gera eins og Færeyingar að afnema kvótakerfið og hætta að neyða menn til að henda fiski. Þannig myndum við ekki bara forða sóun verðmæta heldur spara eftirlitsiðnaðinn.  Fiskistofa kostaði 1700. 000.000,00- í fyrra og þá peninga mætti nota í þarfari hluti t.d  að greiða skuldir en ef menn líta svo á að þessi aðgerð auki atvinnuleysi mætti beina fjármagninu í vegagerð. 

Þá er það Ratsjárstofnun sem finnur óvinaflugvélar hugsanlega mínútu fyrr en Flugumferðastjórnin en þotur koma frá Skotlandi og þessi mínúta eða tvær skipta engu. Þá er það Varnarmálaskrifstofan gæluverkefni ISG þar sem hernaðrasérfræðingar hennar drekka, þessa deild vil ég fella inn í Almannavarnir og Landhelgisgæsluna. 

Við eyddum hálfum milljarði í stríðið í Írak og það skipti ekki sköpum frekar en jeppagengið og hjúkrunarfræðingarangir í Afganistan. Það er hægt að koma jeppagenginu fyrir í almennri löggæslu og  það vantar hjúkrunarfræðinga í mæðraskoðun.

Þá myndi ég bjóða út starfsemi ýmsa þætti í starfsemi Hafrannsóknarstofnunnar.

Þetta er svona bara til að byrja með en ég gæti nefnt fjölmörg atrið önnur áður en ég myndi loka dyrum skólanna fyrir unga fólkinu. 

[Júlíus Björnsson, 21.12.2008 kl. 04:08]

Við lifum á tímum netsins, og við gætum samið við t.d. önnur lönd t.d. Noreg um afnot af þeirra Utanríkisþjónustu og lagt okkar niður. Ég get líka trúað að of mikil áhersla á sum arabaríki hafi farið fyrir brjóstið á sumum. Það er líka augljóst að 30% -40% niðurskurður er óumflýjanlegur. Illu er best aflokið.  Fólkið sem er af erlendu bergi brotið og átti bara fara, virðist ekki eiga i neitt betra að snúa, maður hefur heyrt að þeir ætli ekki að fara.  Áhyggjur fólks að unga menntafólkið flýi allt land eru óþarfar því það er engin skortur á háskólasetrum[sem fjöldaframleiða fræðinga] annarsstaðar í heimunum  enda kemur hugmyndin frá ESB eins og margt annað til að fela atvinnuleysi. Eins og Óli segir verður að fjölga í kennslustofum. Það er ekki hægt að hafa allan þennan fjölda mælandi göturnar. Það er alveg ótrúlegt hvað sumum vanhæfum, vegna reynsluleysis eða af öðrum ástæðum, ríghalda að vera yfir framkvæmdum í því sem er framundan. Veit ég það það af eigin reynslu að þarf alveg sérstakalega sterkar manngerðir af báðum kynjum til að halda á niðurskurðahnífnum. Alls ekkert líkar þeim sem sérhæfa sig í að sóa.

[Ólafur Als, 21.12.2008 kl. 05:42]

Sæll Siggi,

satt best að segja var ég að vonast eftir nánari upplistun á sparnaði sem þú hefur imprað á, umfram prósentuútlistanir. Mér þykir sem heldur skorti á nánari upptalingu á sparnaðarliðun, t.d. í utanríkisþjónusunni. Nú liggur fyrir vilji alþingis til sölu á eignum sendiráða erlendis en það er einungis lítið skref í átt til aðhalds á vettvangi niðurgeiðslu skulda - en mikilvæ skref þó. Ef ræða á uppstokkun á sviði kvótamála er um afar flókna, og, tímabundið, kostnaðarsama aðgerð sem óvíst er að skili aurum í ríkiskassann. Í svari þínu um frákkastið virðsit mér sem þú teljir upp nokkur núll sem ein og sér myndu greiða fyrir hrun bankanni á innan við einu ári. Mikill er mátur fiskistofu ef satt reynist.

Sú vegferð sem nú er hafin í átt að því að spara á öllum sviðum felur í sér að sérhver kostnaðarliður, hvort sem um er að ræða á sviði náms eða öðru, felur í sér átök um þau takmörkuðu fjárráð sem ríkisstjóður hefur yfir að ráða. Opinbera stofnanir, sem varða sig menntun, eru þar engin undantekning.

[Heidi Strand, 21.12.2008 kl. 06:54]

Góð fyrirsögn Siggi og margir góðir punktar hér að ofan.
Það má líka skera niður aðstoðarmenn þingmanna, ráðherrabílar og bilstjórar.
Fækka utanlandsferðum og dagpeninga opinbera starfsmanna.

Taka vin og tóbak út úr vísitölunni!!!

[Sigurður Þórðarson, 21.12.2008 kl. 13:26]

Góð færsla hjá þér Júlíus, sem ég er sammála.  Sæll Ólafur þú hefur greinilega ekki lesið færsluna mína, þó þú hafir rekið augun í einhver núll á hundavaðinu. Skv. fjárlögum kostaði Fiskistofa 1,7 milljarð. Einn milljarður hér og annar þar dregur sig saman. Sjálfstæðisflokkurinn er sá flokkur  sem mest hefur þanið ríkisbatteríið og tekur fálega flestum niðurskurðartillögum, jafnvel þegar mikið liggur við.  Fín tillaga hjá þér Heidi.