Hærri skattar dýpka kreppuna

Það eru gömul og ný sannindi að lækkun skatta hleypir lífi í efnahagslífið og með sama skapi munu hærri skattar dýpka kreppuna sem við stefnum ofaní.  Ríkisstjórnin sker einnig grimmt niður vegaframkvæmdir, allt eru þetta ákvarðanir sem meðvitað leiða til mikils atvinnuleysis og dýpkunar kreppu. Það eina sem ríkisstjórnin hefur gert til að bæta atvinnuástandið er að ráða Kristínu Árnadóttur, vinkonu Ingibjargar Sólrúnar Gísladóttur, sem sendiherra.

 

Ráðning Kristínar, sem sendiherra, er eina opinbera ráðstöfunin til að bæta atvinnuástandið. 

Tillögur um mikinn niðurskurð

Athugasemdir

[Ólafur Als, 13.12.2008 kl. 00:33]

Sæll,

ég var að bæta við athugasemd undir eirðarlausu lóðatíkinni.

Hvað þessa færslu þína varðar vil ég segja að undir flestum kringumstæðum er ég sammála þér um skattapólitíkina. Hins vegar lifum við nú ástand sem líkja má við hamfarir. Stórkapitalistar hafa í skjóli EES reglna og slælegs eftirlits auk óráðsíu yfirvalda, fyrirtækja og stórs hluta heimila landsmanna skuldsett þjóðina í hæðir sem kalla á sértæk úrræði, tímabundið.

Sú gjörgæsla fjármála á öllum sviðum, sem nuðsynleg er til þess að rétta við þjóðarskútuna, kallar á fórnir/aðgerðir í stjórn skatta-, félags- og efnahagsmála. Við slíkar kringumstæður þurfa athafnamenn, sem aldrei fyrr, að ýta úr vör verkefnum sem geta fært björg í bú. Hins vegar er orkugeirinn undir hatti hins opinbera og þar munum við enn þurfa á ríkiskapitalisma að halda.

Mikilvægt er að hið opinbera skapi hagstætt UMHVERFI en sökkvi sér ekki í fyrirgreiðslupólitík. Við viljum ekki fleiri dæmi um ríkisstyrkta uppbyggingu á borð við minkabú, fiskeldi, framræslu lands eða annað sem sagan hefur kennt okkur að muni ávallt fara illa og kosta skattborgarana mikið. Bjóðum athafnamönnum og fyrirtækjum orku, land, hagstætt viðskiptaumhverfi, tímabundnar skattaívilnanir til uppbyggingar nýjum verkefnum. Virkjum opinberar stofnanir til þess að hlúa að atvinnutækifærum, sníða regluverkið að þörfum uppbyggingar og athafnagleði en jafnframt standa vörð um ýmsa grunnþætti velferðarinnar, s.s. skóla og heilsugæslu, sem heilbrigt og gefandi atvinnulíf þarfnast.

Eru þetta ekki verkefnin sem nauðsynlegt er að leggja áherslu á, Siggi?

[lelli (IP-tala skráð) 13.12.2008 kl. 00:40]

Sama dag og I.S.G. boðaði samdrátt í utanríkisþjónustunni réði hún vinkonu sína. Á maður að trúa svona fólki? P/S Í minni sveit var svona fólk kallaðir ómerkingar!!!

[Sigurður Þórðarson, 13.12.2008 kl. 00:43]

Ég er að mjög miklu leyti sammála þér það hamlar okkur að vísu að við erum svo skuldsett, en við eigum að nýta öll skynsamleg færi til að losa okkur úr skuldasnörunni. Ég leyfi mér að vona að ef allir leggjast á eitt muni okkur takast það. Við eigum tækifæri í sjávarútvegi, orkugeiranum, verslun t.d. í Asíu (ef við förum ekki í ESB) og fljótlega vegna siglinga um svokallaða NA leið.

En meðan við erum svona blönk eigum við ekki að gera út her diplómata til að skála við kollega um víða veröld t.d. í Afríku. 

[Björn Birgisson, 13.12.2008 kl. 01:13]

Kristín Árnadóttir er flott stelpa.

 "Það eina sem ríkisstjórnin hefur gert til að bæta atvinnuástandið er að ráða Kristínu Árnadóttur, vinkonu Ingibjargar Sólrúnar Gísladóttur, sem sendiherra. "

Svona tala bara vanvitar

[Sigurður Þórðarson, 13.12.2008 kl. 01:58]

Takk fyrir athugasemdina Björn.

Ég er sammála því að Kristín Árnadóttir er falleg kona.

Ég er líka sammála ví að ég sé vanviti. Þá á ég við að ég veit lítið en bæti það þó talsvert upp með því að  gruna margt. 

[Óskar Arnórsson, 13.12.2008 kl. 03:15]

Svona svona, rólegir nú! Það er búið að finna aðferðina til að eyða kreppunni.

Ríkið ætlar að hækka skatta upp í 98% svo fólk hafi alla vega 2% af lifa af.

Matargjafir og kokkahús verða sett upp um alla borgina. Matur verður frír. Talið er að þetta ástand sé ekki lengra enn 20 ár.......og svo...

[Björn Birgisson, 14.12.2008 kl. 23:04]

Enginn er vanviti nema ég, biðst forláts á orðum mínum. Á það til að vera hvass, en er oftast réttlátur.

[Óskar Arnórsson, 15.12.2008 kl. 12:16]

Já, Björn Birgirsson! Ég er algjörlega sammála þér. Ég held að þú sért réttlátur. Eiginlega soldið merkilegur maður þegar ég hugsa mig um, sem gerist sjaldan....