Sjálfstæðisflokkurinn klofinn Varaformaðurinn með bakland í samstarfsflokknum

Varaformaðurinn er ókrýndur leiðtogi þeirra sjálfstæðismanna sem vilja fórna hagsmunum sjávarútvegsins með því að ganga í ESB í von um baunadisk.  Hópur menntamanna innan Samfylkingarinnar, sem aldrei hefur flakað ýsu hvað þá pissað í salt vatn skilja ekki möguleika sjávarútvegsins en sjá sjálfan sig í hyllingum sem vellaunaða starfsmenn í Brussel, fulltrúa fátæks og skuldsetts grjóthólma í N- Atlantshafi. Valdabarátta er hafin innan Sjálfstæðisflokksins og varaformaðurinn á tryggt bakland í samstarfsflokknum.

 Bretar voru hundfúlir að þurfa að hætta að veiða við Íslandsmið. Þess vegna vilja þeir ólmir fá okkur í ESB til að ná fyrri stöðu. Getur verið að þeir Gordon Brown og Darling hafi vísvitandi komið Íslendingum á hné til að aðstoða íslenska flokksbræður sína að klára verkið?

 

Tilbúin að endurskoða afstöðu

Athugasemdir

[Guðrún María Óskarsdóttir., 2.11.2008 kl. 23:53]

Sæll Sigurður.

Þetta er ágæt hugleiðing við þessar aðstæður, Þorgerður hefur tekið upp tækifærisstjórnmálamennsku samstarfsflokksins.

kv.gmaria.

[Sigurður Þórðarson, 3.11.2008 kl. 00:01]

Satt segir þú Guðrún. Til hvers var barist í þorskastríðunum ef við afhendum þetta allt aftur fyrir óljósan ef nokkurn ávinning.  Án fiskveiðauðlindarinnar er Ísland óbyggilegt.

[Gunnlaugur B Ólafsson, 3.11.2008 kl. 00:06]

Halló, "tækifærisstjórnmálamennsku samstarfsflokksins" er ekki réttur frasi! Það eru 70% þjóðarinnar að átta sig á því að Samfylkingin einn flokka hefur haft rétta afstöðu til samstarfs innan álfu vorrar. Samningsaðilar innan ESB eru sannfærðir um að mögulegt verði að tryggja umráðarétt Íslendinga yfir auðlindum.

Ljóst er að hefðin segir að þeir sem hafa veiðireynslu fái úthlutað og engir nema Íslendingar hafa reynslu á miðunum hér í kring. En þetta væri hægt að tryggja mun betur í samningum. Losum okkur út úr hræðsluáróðri og einföldum slagörum. Látum reyna á málið til að auka sjálfstæði og tækifæri Íslendinga á komandi árum. Mbk, G

[Sigurður Þórðarson, 3.11.2008 kl. 00:13]

Takk fyrir athugasemdina Gunnlaugur. Sá Íslendingur sem er manna fróðastur um fiskveiðastefnu ESB er Jón Kristjánsson enda hefur hann mætt á ESB þing sem fulltrúi sjómanna og smábátaútgerðamanna frá Skotlandi, Írlandi og Hjaltlandseyjum.  Þeir eru ekki par ánægðir með skriffinnana í Brussel og Spánverjana sem veiða á landgrunninu.

Bretar, Þjóðverjar og Belgar  hafa mikla veiðireynslu á Íslandsmiðum og myndu fá hér mikil réttindi.

[Gunnlaugur B Ólafsson, 3.11.2008 kl. 00:21]

"Bretar. .Þjóðverjar og Belgar ...... myndu fá hér mikil réttindi." Ja, nú veist þú meira um niðurstöður aðildarviðræðna en ég eða er þetta e.t.v. hræðsluáróður. Fiskveiðistefna ESB er öll til endurskoðunar og hafa fulltrúar sambandsins lýst því yfir að það væri gott að hafa rödd Íslendinga inn í slíkri endurskoðun. Þetta snýst fyrst og fremst að nýta tækifæri og opna sig gagnvart umheiminum. Mbk, G

[Sigurður Þórðarson, 3.11.2008 kl. 00:32]

Ég veit það sem margsinnis hefur komið fram í viðtölum við æðstu ráðamenn ESB:  "Varanleg undanþága fyrir Ísland kemur ekki til greina"  Þarna er sem sé verið að fórnamiklum  og áþreifanlegum verðmætum fyri óljósan ávinning. 

[Gunnlaugur B Ólafsson, 3.11.2008 kl. 00:43]

Ef að þessi setning stæði í samningnum, þá fellir hún hann. Látum á það reyna. Það vill þjóðin og undarleg er sú viðleitni í stjórnmálum að vilja hindra framgang lýðræðis og að þjóðin móti stefnuna í þessu máli. Mbk, G

[Sigurður Þórðarson, 3.11.2008 kl. 00:46]

Gunnlaugur, mín skoðun er sú að við ættum heldur að líta til Færeyja en ESB sem fyrirmynd í fiskveiðimálum. Sjávarútvegsráðherra Færeyinga sagði að Færeyingar hefðu aldrei komist úr kreppunni nema vegna þess að þeir hættu með kvótakerfi sem var eins og það íslenska.

 Nokkrir núverandi þingmenn Samfylkingarinnar voru kosnir að hluta til vegna loforða um breytingar á kerfinu. 

Þá telja menn að sjávarspendýr borði 20 falt  það  magn  sem við veiðum og því er mikilvægt að við höfum eitthvað um það að segja.

[Sigurður Þórðarson, 3.11.2008 kl. 00:52]

Ég hef heyrt nokkra talsmenn aðildarumsóknar t.d. Össur nefna samninga Möltu, sem æskilega fyrirmynd. En samningar Möltu voru einmitt tímabundin undanþága.

 En gott og vel hver eru ásættanleg samningamarkmið  Íslendinga að þinu mati? 

[Guðmundur Jónas Kristjánsson, 3.11.2008 kl. 01:05]

Sigurður. Einstakt tækifæri nú til uppstokkunar á mið/hægri kanti íslenzkra
stjórnmála er að renna upp. Vísa til bloggs míns um það efni. Tími RÓTTÆKS og HEILSTEYPTS stjórnmálaafls á ÞJÓÐLEGUM GRUNNI er að renna upp.
Áfram Ísland!

[Sigurður Þórðarson, 3.11.2008 kl. 01:18]

Guðmundur ég tel að mikil uppstokkun sé fyrirsjáanleg. 

[Guðrún Sæmundsdóttir, 3.11.2008 kl. 09:54]

Sigurður mjög góður pistill hjá þér. Gordon Brown og co í ESB er engan veginn treystandi. Þó svo að við myndum ná einhverri vernd í samningaviðræðunum, hversu langt myndi sú vernd duga þegar að allt er farið í kalda kol í ESB ríkjunum? við skulum átta okkur á því að þau eru aðeins nýkomin í kreppuna og eiga eftir að sogast oní botninn, haldið þið virkilega að stóru ESB þjóðirnar muni þá ekki reyna allt til að mergsjúga íslenskar auðlindir.

Er ekki upplagt fyrir Þorgerði katrínu að ganga til liðs við Samfylkinguna til þess að halda hér vinnufrið?

Stjórnarandstaðan hefur mikið til lausn á erfiðleikunum að leggja og þar sem að Samfylkingin og Sjálfstæðisflokkurinn stóðu ekki vaktina í brúnni, væri skynsamlegt að hafa stjórnarandstöðuna virka með í lausn mála. En eklki hlaupast undan merkjum til Brussel.

[Sigurður Þórðarson, 3.11.2008 kl. 11:00]

Já Guðrún, Gordon Brown veit sínu viti.  Flokksbræður hans hérlendis eru frekar nytsamir sakleysingjar.

[Ásthildur Cesil Þórðardóttir, 3.11.2008 kl. 11:39]

Þessi ESBumræða er hálf hræðslukennd, fólk þyrpist á einhverja lausn.  En þessi lausn er bara ekki í sjónmáli í dag.  Gjaldþrota þjóð á enga möguleika að komast þarna inn, nema ef vera skyldi að stóru bræður sæju sér færi á að komast yfir þær auðlindir sem hér eru í miklum mæli.  Það væri því algjört glapræði að fara inn í ESB skríðandi á hnjánum.  Fyrir utan að hvað myndu skuldir okkar hækka mikið, ef þeim væri breytt í Evrur ?  með krónuna í sögulegu lágmarki.  Þetta er einfaldlega populismi af verstu gráðu, til að ganga í augum á almenningi, sem reynir að sjá einhverja útgönguleið, og er með Evrópuglýju í augum.

[Gunnlaugur B Ólafsson, 3.11.2008 kl. 12:51]

.... það eru 99% þjóðarinnar sammála um að peningamálastefnan er hrunin og það þarf að taka upp nothæfa mynt. Það er ekki populismi, heldur alvarlegasti hluti vandans. Síðastliðið ár hafa komið upp margar hugmyndir. Taka upp svissneskan franka, norska krónu eða evru án aðildar að ESB. Þetta er ekki populismi heldur viðleitni til að leysa vandamál.

Komið hafa upp miklir annmarkar við að taka beint upp gjaldmiðil annarra landa og að ekki er hægt að taka upp evru einhliða án aðildar. Auk þess eigum við samleið með frændum okkar á Norðurlöndum og lýðræðisþjóðum Evrópu. Þar liggja tækifæri og þar með sjálfstæði Íslendinga til framtíðar. Þetta er því kalt hagsmunamat en ekki populismi.

Hvert vilja þeir sem hafa frjálsa lund fara með þjóðina í þessum málaflokki? Vilja bara vinna gegn "einelti" á Davíð og láta hann tala okkur inn á trú á framtíð íslenskrar krónu?  Mbk, G

[Sigurður Þórðarson, 3.11.2008 kl. 13:58]

Gunnlaugur, mikið rétt hjá þér það hafa verið gerð mörg afdrifarík mistök í peningamálastefnu og ríkisfjármálum.  Það er nánast allt brunnið sem brunnið getur. Ríkisvaldið kynti undir með þensluhvetjandi aðgerðum og lækkaði skatta og einstaklingum var gefið leyfi til að veðsetja sameign þjóðarinnar í útlöndum, lán hækkuð í 90% og bætt á eldinn með jöklabréfum. Þá var ýtt undir frekari þenslu bankanna með því að fella niður bindiskyldu jafnframt því sem þeim var bannað að gera upp í evrum þó mestöll starfsemi þeirra væri erlendis og jafnvel tafið fyrir að þeir flyttu út.   Var þetta krónunni að kenna? Ég segi nei. Er hægt að gera hagstjórnarleg mistök með annan gjaldmiðil? Ég segi já.  Er líklegt að mennirnir sem komu okkur í þennan vanda leysi hann? Mitt svar er nei.

[Sigurður Þórðarson, 3.11.2008 kl. 14:16]

Gunnlaugur, Ísland er í klessu eftir hörmulega hagstjórn. Samfylkingin ber minnsta ábyrgð á því en hún ætti að leyfa fólki að kjósa vonandi ábyrgari menn en ekki að taka þátt í því með brennuvörgunum að skuldsetja næstu kynslóðir. Fólk er hrætt og er tilbúið að  flýja eitthvað.  Reynum fyrst að komast  á hné svo getum við tekið þessa umræðu um ESB öfgalaust. Það væri fráleit samningsstaða að sækja um aðild með allt niður um okkur.