Á kepputímum eykst drykkjuskapur og geðveiki

Á krepputímum eykst drykkjuskapur og geðveiki.  Hjá Íslendingum kemur þetta fram í gríðarlegri aukningu á framlögum til veisluhald, sendiráða og öryggisráðsrugli ríkisstjórnarinnar. 

Í þessari kreppu kristallast hið fornkveðna "Hollur er heimafenginn baggi".  Menntakonunum í Samfylkingunni finnst vond lykt af slori, þær vilja heldur hreiðra um sig í mjúkum hægindastólum öryggisráðsins og leyfa Árna að splæsa með því að samþykkja víxil með fallegum sjálfblekung sem geymdur er í innri jakkavasanum, vinstra megin.

Það eru til 3 lausnir: Afla meir, spara eða að taka lán.  Ríkisstjórnin vill einungis skoða síðasta kostinn.  Sagt  er að neyðin kenni nakinni konu að spinna.  Vonandi verður þessi kreppa til þess að ráðamenn átta sig á því að gríðarlegir tekju- og hagvaxtarmöguleikar felast í hafinu umhverfis landið. Ef ríkisvaldið myndi afnema reglur sem þvinga sjómenn til að henda fiski myndi árlega sparast í beinhörðum gjaldeyri mun hærri upphæð en seðlabankinn varði til hlutafjárkaupa í Glitni. 

Geir: Langur fundur að hefjast

Athugasemdir

[Rannveig H, 4.10.2008 kl. 17:42]

Heyr heyr.

[Árni Gunnarsson, 4.10.2008 kl. 21:59]

Siggi: Þessi titill á færslunni og myndirnar tvær- tengist það nokkuð?

[Sigurður Þórðarson, 4.10.2008 kl. 22:22]

Hvernig dettur þér í hug að spyrja svona Árni. Myndirnar eru valdar í slembiútaki úr safni mynda af öllum núlifandi Íslendingum.

[Óskar Helgi Helgason (IP-tala skráð) 4.10.2008 kl. 22:28]

Komið þið sæl; Frjálslynda fólk, sem aðrir, hverjum plagast, til Sigurðar að líta !

Sigurður minn ! Þakka þér; orðsendinguna, fyrir stundu. Hvað sjálfan mig snertir, þjáist ég ei, af áfengisóþoli, hvar ég tók þá ákvörðun, 12 ára gamall (1970), að láta Bakkus ekki brjóta niður það fráhvarf, sem orðið var, millum okkar Egils frænda míns Skalla-Grímssonar, í þeim efnum, og,..... líkast til, hefir Egill drukkið fyrir okkur báða, á sinni tíð, Sigurður minn.

Hins vegar; mun tóbaks neyzla mín, elta mig, til hins síðasta dags, og fæ ég litlu ráðið þar um, sökum sérlundar minnar, í þau liðlega 26 ár, hvers ég hefi notið, þótt seigdrepandi sé, að nokkru, að þá skiptir mig litlu, hvort árinu verði  yngri,, eða þá eldri. 

Hvað Samfylkingar mennta snobbliðið; sem og Jón Magnússon ykkar; í FF, áhrærir, er ég næsta viss um, að frekar fari betur um, það slekti, sem og Evrópusambandssinna aðra, í mjúkum og hvelfdum stólum, suður í Brussel og vestur í Nýju- Jórvík, fremur en að standa í kalsa frystihúsa og fjárhúsa íslenzkra, Sigurður minn. 

Um geðhvörf þessa ágæta ESB fólks; íslenzks, að uppruna, (þótt farga vilji þeim eiginleikum, í seinni tíð) og sjálfsagt lítt við kannast, í glasaglaum stórborga ytra, skal ég ei fjölyrða um, að svo komnu, gott fólk.

Með beztu kveðjum, sem ætíð /

Óskar Helgi Helgason 

[Jóhanna Magnúsar- og Völudóttir , 5.10.2008 kl. 10:36]

Kvitt!

[Óskar Helgi Helgason (IP-tala skráð) 5.10.2008 kl. 16:21]

Komið þið sæl; á ný !

Jóhanna; mín ágæta spjallvinkona ! Hvernig getur þú; verið kvitt, athugasemdalaust, við málflutning Sigurðar, stórvinar okkar ?

Sigurður minn ! Hví; í ósköpunum, tekur þú ekki upp hanskann, fyrir dekurdreng ykkar, í FF,, Jón Magnússon, eftir orrahríð mína, gegn honum, og helvítis krötunum, í gærdag, á þinni síðu ? Nema,......... þið Frjálslyndir eigið ekki svo gott, hugmyndafræðilega með, að verja samdaun flokks ykkar, með hinu kraðakinu, hverju á Alþingi einkahagsmunanna situr, á fleti fyrir, Sigurður minn.

Með beztu kveðjum; samt, sem fyrr /

Óskar Helgi Helgason