Hrossalæknir rekur ríkissjóð með halla!

 

Kortið sýnir stöðu hinna ýmsu ættflokka í Afganistan á þeim tíma þegar Ingibjörg kynnti sér málið en staðan hefur breyst nokkuð síðan þá.

Þá er dýralæknirinn búinn að leggja fram ramma að fjárlögum til fjögurra ára, sem sýnir að stjórnin ætlar að starfa a.m.k. eitt ár fram yfir næstu kosningar. Mörgum þykir ríkisstjórninni farast illa að þykjast sjá langt fram í tímann en forsætisráðherra sagði sem kunnugt er í mars að botninum væri náð en síðan þá hefur gengið fallið um 30%.  Skilaboðin eru skýr: Heimilin skulu spara við sig og skera niður en ríkið eykur eyðsluna. Sparnaður ríkissjóðs virðist eingöngu vera til málamynda. Til dæmis er spöruð olía svo skip Landhelgisgæslunnar komist ekki á sjó en mun hærri upphæð er eytt í tveggja daga útsýnis- og eftirlitsflug franska flughersins yfir landinu. Þá þenst utanríkisþjónustan út, sem aldrei fyrr, enda eru þar mörg brýn verkefni svo sem að ISG kynni sér betur ættflokkaerjur í Afganistan. En þangað fór hún fyrr á árinu í fylgd lífvarða úr sérsveit lögreglunnar í þeim tilgangi en sagði við heimkomuna að þessi mál væru flóknari en svo að ein ferð dygði til að koma sér inn í þau.

57 milljarða króna halli

Athugasemdir

[Sigurður Þórðarson, 1.10.2008 kl. 19:38]

Gríðarleg aukning í sendiráð og þróunaraðstoð til þess eins að komast í öryggisráðið.

[Óskar Arnórsson, 2.10.2008 kl. 03:42]

Íslendingar er bara íslendingar og það eru nokkrir komnir í Armaniföt sem greidd eru með erlendum lánum.  Mér finnst að  það ætti að byggja um allt landi með gróðanaum af Glitniskaupunum, og byggja torf koma, greyfa sauðskinnsfötum og skóm gerðum úr þorskroði svo fólk fá almennilega tillfinningu fyrir því hvað það raunverulega er... 

[Guðsteinn Haukur Barkarson, 2.10.2008 kl. 07:55]

Ja, það er nú spurning hvað gerist úr þessu Siggi minn, miðað við þessi ummæli frá hinum rétta forsætisráðherra, því eins og er G. Haarde bara strengjabrúða.

[Sigurjón Þórðarson, 2.10.2008 kl. 12:48]

Stjórnin er því miður búin að missa allt jarðsamband.