Sjávaútvegsráðherra getur leyst efnahagsvandann

Einn reyndasti og besti fiskifræðingur landsins Jón Kristjánsson, skrifaði ágæta grein í Fréttablaðið í dag þar sem hann kom með einu haldbæru lausnina út úr efnahagsvandanum.  Hún fólst ekki í því að taka risa lán í útlöndum á lán ofan heldur að auka tekjur. Tillaga hans er sú að einfaldlega sú að fara að veiða þorsk  og kasta kvótakerfinu fyrir róða.  Hann bendir réttilega á að tilraunastarfsemi Hafrannsóknarstofnunar í 30 ár hafi algjörlega  mistekist.  Því sé ráð að reka þjálfarann og leyfa nýjum mönnum að spreyta sig.  Ef farið yrði úr aflamarkinu myndi brottkast hverfa bara sú aðgerð ein myndi hjálpa gríðarlega.

 

 Afnám kvótakerfisins myndi leysa allan efnahagsvanda og gott betur. Það myndi hleypa nýju lífi í landsbyggðina og leysa öll umferðvandamál í höfuðborginni.

Athugasemdir

[Rósa Aðalsteinsdóttir, 24.7.2008 kl. 13:11]

Sæll Sigi minn.

Mikið er ég sammála þessu. Hvað er að þessu fólkið Skuldum við ekki nóg? Hvernig ætla forráðamenn landsins að bregðast við þegar unga fólkið missir íbúðirnar sínar? Það endar þannig ef ekkert verður að gert. Á þá líka að taka erlent lán? Þetta er óþolandi.

Baráttukveðjur/Rósa.

[Sigurður Þórðarson, 24.7.2008 kl. 14:13]

Takk fyrir innlitið Rósa. Jafnvel útgeramönnum sem þykir gott að geta veðsett og leigt út óveiddan fisk í hafi eru farnir að sjá hversu vitlaust þetta er.  En stjórnvöld þverskallast enn við og segja að brottkast "sé ekki alvarlegt vandamál".  Bara vextir sem ríkið þyrfti að greiða af 1000 milljarða láni til að treysta bankana eru um 30 - 40 milljarðar á ári. Við getum vel aflað þeirra tekna sem til þarf og meira til og þurfum ekkert lán.

[Rósa Aðalsteinsdóttir, 24.7.2008 kl. 16:19]

Sæll Siggi minn.

Brottkast er mjög alvarlegt mál og miklu meira en fólk gerir sér grein fyrir.

Oft í gegnum tíðina hef ég hugsað hvor væri ekki ágætt að panta flug fyrir suma aðra leiðina til Síberíu.

Baráttukveðjur/Rósa