Alþýðuhetja rær gegn mannréttindabrotum frá Sandgerði

Ásmundur Jóhannsson, fullorðinn Sandgerðingur hefur sagt lénsskipulagi í sjávarútvegi stríð á hendur. Ásmundur sem er grandvar og duglegur sjómaður um nokkurt skeið gert út aflamarkslausan bát sinn án þess að leigja kvóta af sægreifum. Fyrir vikið svipti Fiskistofa hann veiðileyfi sínu og hafa hótað honum. Hann lætur það sem vind um eyrum þjóta og mun fara með málið fyrir Mannréttindadómstól Evrópu ef með þarf.

 Ásmundur er hetja sem berst gegn þjófnaði og mannréttindabrotum eins og hann orðar það og okkur borgurum landsins ber siðferðisleg skylda til að styðja hann í þessari baráttu. 

Mótmælir kvótakerfinu með veiðum

Athugasemdir

[Ásdís Sigurðardóttir, 14.7.2008 kl. 13:06]

Sá hann í sjónvarpinu um helgina, mér líst vel á kallinn.

[Sigurður Þórðarson, 14.7.2008 kl. 14:28]

Þakka þér fyrir Ásdís, þú ert greinilega með gott hjartalag.

[Óskar Arnórsson, 14.7.2008 kl. 14:35]

Jæja! það eru til enn sannir Íslendingar. Mikið var. ég var orðin úrkula vonar..

[Sigurður Þórðarson, 14.7.2008 kl. 17:15]

Já Mannsi. Það eru enn til sannir Ísleningar sem hafa manndóm og sjálfsvirðingu til að neita að krjúpa í duftið og kyssa á vönd þeirra sem vilja brjóta mannréttindi.

Ég er að spá í að fara suðureftir og tala við kallinn og taka myndir.

[Óskar Arnórsson, 14.7.2008 kl. 17:36]

Hringdu í Ólaf Ragnar og spurðu hvort þú meigir ekki taka með þér eina fálkaorðu. Svona kallar eiga hana skilið..

[Marta Gunnarsdóttir, 14.7.2008 kl. 18:44]

Ég er sammála öllu ofanrituðu. Mér finnst Ásmundur frábær, en ég missti af fréttunum með honum svo myndir væru vel þegnar.

[Rannveig H, 14.7.2008 kl. 21:48]

Tek undir með ofanrituðum,endilega farðu og taktu myndir og spjallaðu við hann.Það væri gaman að fá fréttir hvernig framhaldið verður hjá þessari hetju.

[Jens Guð, 15.7.2008 kl. 01:53]

  Ásmundur er hetja.  Alþýðuhetja.

[Sigurður Þórðarson, 15.7.2008 kl. 11:31]

Sæl öllsömun og takk fyrir innleggin, Óskar, Sigurður, Marta, Rannveig og Jens.  Fór suðureftir í gær og hitti ekki á Ásmund þar sem hann var til sjós.

Landnáma greinir frá því að landvættir hafi fylgt Suðurnesjamönnum til róðra með góðum árangri. (bls. 193-198)  

Sjóferðabæn:
"Ég heiti á landvættir að fylgja nú þeim góða dreng Ásmundi Jóhannssyni í þennan róður, hann megi afla vel og kraftur þeirra megni að kvótakerfið leggist af, svo hjálpi mér Freyr, Njörður og hinn almáttki Ás". 

[Ásthildur Cesil Þórðardóttir, 16.7.2008 kl. 10:21]

Megi honum vel farnast.