Hæstiréttur álítur meintan barnaníðing hættulegan börnum

Hægt er að úrskurða menn í gæsluvarðhald af tveimur ástæðum þ.e. vegna rannsóknarhagsmuna og almannahagsmuna. Héraðsdómur hafði úrskurðað að maður sem grunaður er um gróft ofbeldi gagnvart börnum skyldi  látin laus en Hæstiréttur Íslands snéri þeirri ákvörðun, vegna þess að rétturinn hefur talið að börnum stafi hætta af þessum manni. Úrskurður Hæstaréttar er væntanlega ekki líklegur til að valda deilum. 

Mitt sjónarmið var að rétt væri að ræða þessa hluti opinskátt og jafnvel birta mynd af viðkomandi þar sem hætta væri á ferð.  Ég viðurkenni fúslega að þetta orkar tvímælis.  

Vegna ábendingar um að nafn og myndbirting geti skaðað þá sem síst skyldi, ættingja og jafnvel fórnarlömb, hef ef ég tekið það út og biðst ég innilega afsökunar á þessum vanhugsuðu mistökum mínum 

Athugasemdir

[Sigurður Þórðarson, 8.7.2008 kl. 01:49]

Ég var ekki beðinn aað þegja yfir þessu.

[Marta Gunnarsdóttir, 8.7.2008 kl. 08:05]

Af hverju á að þegja? Það eru óhemju margir íslendingar sem eru Gunnarsbörn, þar á meðal ég. Þetta er hættulegur maður og fólk á að hafa möguleika á að varast hann og til þess þarf að vita hver hann er. Það hefur verið hægt að birta myndir og nöfn annarra grunaðra manna og af hverju þá ekki núna þegar líf barna er í húfi?

[Sigurður Þórðarson, 8.7.2008 kl. 12:37]

Ég er sammála þér Marta, mér er ekki illa við menn sem gera svona, ég vorkenni þeim en ég hef enn ríkari samúð með fórnarlömbunum, börnum og okkur ber að vernda þau.  Menn sem níðast á börnum eru hættulegir í umhverfinu. Ég var lengi skipstjórnarmaður og ég leit á það sem skyldu mína að tilkynna um ísjaka eða aðrar hættur sem ég varð var við. En það er þægilegra að líta undan og alltof margir hafa þurft að líða fyrir það og gráta í koddann sinn.

[Jóhanna Magnúsar- og Völudóttir , 8.7.2008 kl. 12:43]

Þvílíkur mannlegur harmleikur. Þetta hefur að sjálfsögðu margföldunaráhrif, þ.e.a.s. allir sem standa að viðkomandi eru fórnarlömb þessa athæfa hans.

Hugur minn er hjá öllum þeim sem hann hefur sært með hegðun sinni.

[Sigurður Þórðarson, 8.7.2008 kl. 12:51]

Sammála Jóhanna, þetta er þyngra en tárum taki.  Kannski það sé ástæðan fyrir því að allir litu undan fyrir u.þ.b. einum mannsaldri og jafnvel skemmri tíma. Fórnarlömbin voru  "óhreinu börnin hennar Evu" og gátu ekkert leitað.  Það er örugglega sárt fyrir fólkið að takast á við þetta en samt er af tvennu illu betra að opna kýlið.

[Marta Gunnarsdóttir, 8.7.2008 kl. 19:22]

Nú eru aðrir tímar sem betur fer og þeir sem vita hver börnin eru hafa þá tækifæri til að sýna þeim hlýhug og skilning. Eiga þau að lifa í skugganum af þessum ódæðisverkum alla tíð með því að tala ekki meira um þau? Eins og þú sagðri sjálfur þá þarf að opna kýlin ekki þegja þau í hel. Ég hef nú samt grun um að við séum skoðanasystkini þrátt fyrir allt.  

[Sigurður Þórðarson, 9.7.2008 kl. 12:41]

Marta takk fyrir stuðninginn og góð innlegg, auðvitað erum við skoðanasystkin í þessum málum, það verður að vernda börnin. Ætla samt ekki að um þetta mál í bili.