Verðlaunatillagan er della

Það var nú alveg nógu undarlegt að verðlauna þessar skringilegu tillögur þessara Skota, sem eru góðir í teikningu en þekkja ekki til umferðar og aðstæðna í höfuðborginni. Í fyrsta lagi er vaxandi meirihluti borgarbúa og raunar allra landsmanna á móti því að færa flugvöllinn. Í öðru lagi hefur ekkert annað flugvallarstæði fundist sem sérfræðingar í flugi telja að jafnist á við Vatnsmýrina.  Í þriðja lagi er ekki pólitísk sátt um að flugvöllurinn fari.  En jafnvel þú flugvöllurinn færi úr Vatnsmýrinni þá er kjánaskapur að veifa tillögum sem ekki gera ráð fyrir umferð frá mikilvægum stofnunum eins og  Háskóla Íslands svo ekki sé talað um  Landspítalann. Ólafur F. Magnússon borgarstjóri tekur ekki þátt í slíkum pólitískum aulahætti. 

Borgarstjóri gagnrýnir vinningstillöguna

Athugasemdir

[Óskar Þorkelsson, 4.5.2008 kl. 01:14]

piff

[Mögga B. O. (IP-tala skráð) 4.5.2008 kl. 01:52]

Þú ert della. Rosalega tekst þér að láta mata ofan í þig alls kyns vitleysu. Ekkert illa meint, en næst væri gaman ef þú mundir mynda þér skoðun sem væri ekki gjörsamlega út úr kú!

[Óskar Arnórsson, 4.5.2008 kl. 04:31]

Heyrðu Siggi gamli vinur!

Nú fæ ég bara áhyggjur af þér! Hvað ertu að tala um? Heldur þú að gamaldags lobby-ismi sé að stjórna því hver græðir á hverju í sambandi við flugvöllinn? 

Þú veist að ég veit að þú veist að þetta er bara money game!..ekki rétt?!

Segðu bara já eða nei og ekkert rósamál..látum þingmönnum og ráðherrum um svoleiðis mállýsku..

Þú sagðist vera timraður síðast þegar ég skoðaði síðunna þína, ert ekki að lagast eitthvað? Voða tíma tekur þetta að ná sér eftir eitt kvöld..

Ólafur er bara að leika sér. Hann veit að fluvöllurinn er ekki að fara neitt.

Ég treysti Ólafi alveg fyrir því að láta ekki múta sér með hvað upphæðum sem er. Hann er þannig maður. Bara nokkrir moldríkir sem hann þarf að hafa góða, ekkert meira...

[Sigrún Helga Lund (IP-tala skráð) 4.5.2008 kl. 07:20]

Ummæli þín umferðina eru sönnun á því að þú þekkir ekkert til skipulagsmála.

1: Það er búið að kjósa um flugvöllinn. Fólk vildi hann burt.

2: Keflavík

3: Pólitísk sátt allra nema Frjálslyndra. En það verður væntanlega ekki vandamál eftir næstu kosningar.

[Sigurður Þórðarson, 4.5.2008 kl. 09:48]

Sæl Óskar og Magga B.O.  takk fyrir innlitið og ykkar athugasemdir. "Það flýgur hver eins og hann er fiðraður". Sæll Mannsi, minn gamli góði vinur, nú förum við að finna tíma til að hittast. Eins og þú veist get ég ekki státað af því að hafa gefið mér tíma til að drekka mikið af brennivíni um ævina, hvað þá að liggja í óreglu. Þetta er nú eitthvað sem ég á eftir að koma í verk en verður að bíða enda eru ýmis verk ofar á verkefnalistanum.  Jú, það er alveg rétt hjá þér auðvitað lætur Ólafur ekki múta sér. Sæl Sigrún Helga Lund, takk fyrir þitt framlag, ég hef aldrei þóttst vera sérfræðingur í skipulagsmálum hitt er annað að ég þekki engan mann sem ekki hefur skoðun á skipulagi síns nánasta umhverfis. Ég hef skoðað þessar teikningar Skotana og þær eru fallegar og ég vil ekki álassa þeim fyrir að hafa ekki kynnt sér íslenskar aðstæður.  1. Kosningin um hvort flytja ætti flugvöllinn var ekki bindandi vegna lítillar þátttöku og þess utan var niðurstaðan nánast hnífjöfn. Vaxandi fylgi er við að leyfa flugvellinum að vera enda hefur enginn staður fundist sem samsvarar Vatnsmýrinni, hvað flugöryggi varðar. Það er alveg rétt hjá þér að Keflavík er eini staðurinn sem er raunverulegur valkostur. Um það er þó ekki eining. 

[Halla Rut , 4.5.2008 kl. 16:27]

Aldrei leist mér á þessar tillögur. Kassabyggingar eru mér ekki að skapi.  Ef þið skoðið blokkirnar í neðra Breiðholti þá svipar það til þessara bygginga.

[Jens Guð, 4.5.2008 kl. 19:40]

  Kosningin um flugvöllinn var réttilega metin ómarktæk vegna þess hve þátttaka var lítil.  Skoðanakannanir sýna ítrekað að yfirgnæfandi og stöðugt vaxandi fylgi við flugvöllinn áfram í Vatnsmýri.  Ólafur stendur fastur fyrir gegn hringlandahætti annarra flokka í borginni. 

[Óskar Arnórsson, 5.5.2008 kl. 07:49]

Þetta var fínt svar. Læt þig vita þegar ég kem heim. Ólafur á eftir að sýna að þetta er besti Borgarstjórinn. Ég vel mér erlendar teikningar þegar ég byggi hús. Kassahús eru kennd í teiknitímum í barnaskóla.

Enn er verið að smíða klósett í íbúðum sem eru svo lítil að það er hægt að kalla það "kamarkúltúr" arkitektúr á Íslandi. Næstum eins og það sé óþarfi að hafa þetta í húsum.

Þetta algengt á öðrum Norðurlöndum líka. Að vísu er til einn og einn arkitekt sem kann að teikna á Íslandi, enn þá er viðkomandi litin hornauga. Sama á við um eldhús. Pínulítil.

Smáborgarlegur arkitektúr er enn vandmál á Íslandi og eiginlega ekki búandi í blokkum og smáíbúðum. 

Væri ekki ráð að hlusta á þá sem fljúga flugvélum og nota þennann. Sumar athugasemdir um flugvöllinn hljóma eins og einhver sem nýbúin er að kaupa sér skellinöðru og hrópar: "Burtu með með bíla, reiðhjól og stór motorhjól af vegunum!"

Annars væri gaman að búa til nýja umræðu Siggi. "Burtu með Breiðholtið". Skipuleggjum einbýlishúsahverfi þar í staðinn! Miklu fínna. Svo gætum við haft þjóðaratkvæðisgreiðslu um málið. Eða bara umræðu um "Burtu með eitthvað" þetta skapar umræðu um ekki neitt og það er aðalfjörið á Íslandi. Að ræða eitthvað sem skiptir engu máli.

Forgángsröðun mikilvægra mála og skipulagsmál á Íslandi hafa fáir efni á að tala um. Sértaklega hagfræðingar. Bara mín skoðun..

[Sigurður Þórðarson, 5.5.2008 kl. 09:23]

Ég þakka ykkur Halla, Jens og Mannsi ykkar góðu innlegg. Maður getur auðvitað ekki varist þeirri hugsun að raunveruleg ástæða verðlauna fyrir þessa skrýtnu hugmynd sé pólitískt plott.